رنق

🌹30🌹

30

حتى وصل لكازا اوقف الطموبيل
سلطان: تاكلي
روتق: مفياش جوج
سلطان بالخف حيد ليها الصمتى ورب عليها هزها وكلسها على حجرو : مالك
رونق الدموع فعنيها وكتفادا تشوف فيه : والو
سلطان : شوفي فيا مالك
رونق : صافي طلق مني
سلطان عصباتو وغوت عليها: شوفي فيا
روتق خشات وجها فعنقو كتبكي
سلطان تصدم معرف باش تبلا اول مرا توقع ليه
غمض عنيه ورجع راسو لور تنهد بجهد وحط يدو على راسها كيدوزو بشوية باس راسها بقا مودا على داك الحال حتى حس بيها سكتات
طلع ليها وجها عندو ومسح ليها حنيكاتها من الدموع وباسهم : صافي شششت
رونق عاضة قنونفتها التحتانية وكتنخصص
سلطان محملش راسو يشوفها كبكي هكاك: شششت صافي سمحي ليا مقصتش نغوت عليك غير داك الزامل فاش كان كيتمنضر فيك معجبنيش الحال
رونق كتنخصص: و واتا م مفدقلتش ليه ا اشوف فيا
سلطان: صافي سكتي راه اي راجل مغيتحملش اشوف مرتو مع شي حد غيرو
رونق بدون وعي : واي مرا مغديش تقدر تشوف راجلها مع وحدا خرا
سلطان قوس حجبانو عاد عرف مالها والموضوع ماشي موضوع انو هوا غوت عليها وانما موضوع هوا انو فاش سلمو عليه عيلاتو رونق من تما كانت تبدلات
سلطان: هادوك عيلاتي ارونق ماشي
روتق قاطعاتو : نقدرو نكملو طريقنا
سلطان خلاها على راحتها وناضت من قوقو ورجعات كلسات بلاستها ودارت السمطة عاد كسيرا
لحضة تصمت
روتق تفكيرها كولها فهضرتو لي قالها ليها دب عندو الحق هادوم عيلاتو وانا تزوجت بيه وعارفة عندو عيلات خرين انا لي جيت الربعة من حقهم تهوما يبسوه وعنقوه ودوزو معاه ليلة كيف غيدوزها معايا
غمضات عنيها: ياربي اش درت حتى تعدبني بهاد الكريقة علاش علقتي قلبي بواحد الشخص مكيخصنيش غير انا علاش يا سيدي ياربي
تزهدات تنهيدة حارة لي سمعها حتى سلطان شاف فيها لقاها ساهية  ةقف الطموبيل وشاف فيها : نزلي وسلنا
رونق شافت فيه ونزلات حتى هي ملي بان ليها نازل