رنق

🌹129🌹

128

اما رونق فدخلات دريكت تهي دوشا ولبسات بيجامتها ونزلات دخلات للمكتب وكلسات كترسم

طاح الضلام وهي باقا على نفس الحالة حتى كتسمع التلفون كيصوني شافت النمرا وجاوبات
رونق: وي
برهان: نتي فالفلا
رونق : اه
برهان: مغنجيش لدار اليوم بلا متستنايني
رونق : امممم هدا مهوا مدا
برهان : مالك
رونق :احياني عليك راه مزال غنتفاهم معاك
برهان: علياش
رونق : ملي عنيك من لول ف ميرنا علاش مقلتيهاش
برهان: سيري سيري تنعسي
رونق : يالاه تصبح على خير شوف ها تكايس ليا على صاحبتي
برهان: مكتحشميش
رونق : باي
وقطعات عليه
سافت فدوك لوراق وشافت فالساعة لحداش ونص تنهدات وناضت حاسة برقبتها ضراها حركاتها شوي وخرجات مع الخرجة لقات الخدامة جايا عندها
رونق : مالك
الخدامة : مدام واشمغتعشايش
رونق : شنو درتي لعشى
الخدامة : لزانيا مع صلطة فواكه
رونق : وخا زيدي
مشت رونق لصالة مونجي وكلسات شافت دكشي كتير وكيشهي شافت فالخدامة : تعشيتي
الخدامة : لا مزال
رونق : كلسي ونسينيو
الخدامة: لا حاشة الالة غير تعشاي بصحتك
رونق شافت فيها: متبقايش تقزلي ليا لالة نتي راك تبارك الله كبيرة عايا وميجيش تقولي ليا لالة وزيدون فحالي فحالك نتي معبداش عندي خدتمة بعرق كتافك فحالي فحالك
الخدامة بتاسمات ليه (الخدامة كانت فالتلتنيات)
رونق : كلسي تاكلي

كلسات الخدامة وبدات كتاكل معاها
الخدامة كتشوف غرونق وفطريقت الاكل ديالها وهي تبتاسم : مدام رونق نسولك
رونق : وي تفضلي
الخدامة : واش مزوجة
رونق : اه
الخدامة : واش راجلك مكاينش فالمغرب حينت ينتي ليا ديما هنا عند السي هارون
رونق : راحلي هوا بسلطان بن جيار
الخدامة : واش بصح تبارك الله تستاهلي مشاء راجل اي مرا تمناه
رونق شافت فيها
الخدامة: متفهمنيش غلاط والالة غير كلت ليك زعما تواتيتو تستاهلو بعضياتكم
رونق : غنطلقو
الخدامة: الله واش بصح
رونق : الصمت
الخدامة: شوفي غنصحك فحال ختي نهار لي جا هنا السي سلطان شفت شوفاتو ليك وباينة فيه كيبغيك بزاااف يلا مضيعيه من يديك حيت صعيب فهاد الزمان  تلقاي راجل لي يبغيك
رونق جات تهضر وهوا يصوني ليها تليفونها شافت المتصل وجاوبات
وي ....اه بخير......لا وليت بغير دب ....... معرفتش .....تصبح على خير
حطات التلفون ورجعات كتاكل ولا نقولو غير كتخلط فديك التبصيل
الخدامة : صعيب بزااف تلقاي راجل اخاف عليك
رونق : وصعيي بزااف تنساي دكشي لي دار انسان واداك فبعض الاكيان كتكون التقة والتفاهم اهم من الاهتمام
وناضت طلعات لبيتها تكات فبلاستها ونعسات

129

عند بورهان

دخل لدار سمع الصقير فالدار دخل بتيجاه بيت النعاس دريكت حلو وهي تبان ليه ناعسة بقا واقف ليها حدا راسها مودا  عاد خرج مشا لبيت سولطان خدا من عندو واحد الشورط والتشورط وخرج مشا لدوش دوش قليه ولبس دوك لحوايج مشى للكوزينة فتح التلاجة هز منها بنانة وتفاحة وهز منها دنون مسوس مشا قطعهم دار فيهم دانون مسوس ومعيلقة ديال لعسل وزاد عليهم الشوفان وكلس بقا كياكل حتى سلا عاد ناض دخل للبيت تكا حداها جرها عندو معنقها كيشم فريحتها حتى داه نعاس

وهكا نعسنا ابطالنا كاملين ههههه

اصبحنا واصبح الملك لله

واقفا قدام لمراية لابسة سروال جينس كيعل مع قميجة فلبيض مع فيستة فلبيض جمعات شعرها على الجنب وظارت ميكاب خفيف وكيف العادة مكديرش الباغفان حيت عندها منو حساسية
سافت فلبرية ديال المحكمة حاسة التوتر هزات لبرية والكونطاكط والساك ديالها وخرجات نزلات لتحت ركبات فاللوطو وكسيرات للمحكمة مبغاتش تتاسل ب برهان حيت هوا دب مع مرتو فمكاين لاش تبرزتو معاها

ستاسيونات اللوطو ونزلات ودخلات مكان معاها حتى واحد هي بوحدها والمحامي والمحامي ديال سلطان واقفة وخايفة ومتوترة وشي حاجة لظاخل ديالها كتمى سلطان ميجيش باش يتأجل الطلاق تنهدات بعمق
المحامي ديال سلطان: معرفتش علاش مسيو سلطان باقي مجي
المحامي ديال رونق: ضاني ليه
يالاه جبد التلفون اصوني ليه وهوا يبان ليه جاي
المحامي : هاهوا جا
رونق شافت فيه حاسة بقلبها غيخرج من بلاصتو .
سلطان: يكما تعطلت
المحامي : لا مزال القضي معيط علينا
سلطان شاف فرونق : بنتي ليا زربانة على الطلاق
رونق : ضروري
سمعو القاضي كيعيط ليهم دخلو وكلسو
القاضي : باغيين رافعين دعوة طلاق اتفاقي
المحاني ر : اه اسيدي والموكلة ديالي هي لي رفعاتها
القاضي : السبب
المحامي ر: المدام رونق عيات ومتفاهماتش مع مسيو سلطان وباغا طلق زائد انو ليهم 4 سنين وكل واحد عايش فبلاد فمكاين لاش لهاد الزواج
القاضي  : شنو كتقول اسي سلطان
سلطان شاف فرونق حادرا راسها: موافق
رونق كيف سمعات ديك موافق حسات بعافيا شعلات فقلبها شافت فسلطان لي بدورو كان كيشوف فيها حدرات راسها ودمعة نزلات من عنيها ودغيا مسحاتها ولكن مخفاتش على عنين سلطان لي محملش راسو ولكن هي بغات الطلاق فخليها تتحمل مسئولية قرارها
القاضي: مدام رونق واش هدا قرارك النهائي
رونق سكتات شوي عاد هضرات: اه
القاضي : ادان غنديؤو جلسة صلح بعد شهرين والىمكان حتى شي صلح فديم الساعة غنعطيوكم طلاقكم
رونق ناضت: شكرا
القاضي : تفضلو
روتق مشافتش جيهت سلطان نهائية دريكت خرجات