رنق

🌹8🌹

8

الحاجة: اش واقع هنا
الخدامة حدراة راسها
الحاجة: نتوما هوما لي غيديرو الميناج
هنية: اه حنا هوما الالة
الحاجة : مزيان
كولشي كان حادر راسو من غير رونق لي كتشوف فيها عادي وعدشي لي ستافز الحاجة
تمشات عندها بخطوات بطاء كطلعها وتنزلها  كانت لابسة سروال ديال التوب دافي مع واحد  التركو ديال الصوف طويل وعريض عليها وشعرها جامعام كعكة ودارا فوقو فولار صغير مرجعاه اللور  
الحاجة :  شحال فعمرك
رونق: 16  لعام
الخاجة: ومكتحشميش معرفاش تحدري راسك
رونق يالله جات تجاوب وهي تقرسها مها
رنق: ايي مالك
عويشة: سمحي ليا الالة هاد البنت عندي هوكا دايرا متديشاي عليها
الحاجة خنزرات فيها وهي الدور حتى لقات سلطان واقف فباب دالكوزينة وعنيه على رونق لي كتحك بلاصت القرصة
الحاجة : ولدي
كولشي ملي سمعو الحاجة قالت ولدي زادو حدرو راسهم ورتابكو كتر ظن غير رونق لي قلبها غيخرج من بلاصتو وهي كتشوفو قدامها
سلطان عنيه على رونق لي بدورها كتشوف فيه : مالك
الحاجة شافت فرونق: لقتيني غنعطيهم اش يديرو
سلطان شاف فمو: مكاينش  لفطور
الحاجة: غير سير كلس حنا غنحطو لفطور
الحاجة دارت لقات رونق كتشوف فيهم وهي تخنزر فيهم : ونتي تعلمي تحدري راسك قدام سيادك
رونق :  كنحدر راسي قدام سيدي ربي  هوا لي سيدي وحنا كولنا فحال فحال
سلطان طلع حاجب ونزل لاخر
الحاجة: قليلت لحيا  كترادي معايا
رونق: حاشا واش كنرض عليك غير جاوبتك
الحاجة جات تهضر وهوا يقاطعها : مغنفطروش
وتم غادي
الحاجة: تنتفاهم معاك  (هضرات مع رئيست الخدم) ونتي فرقي عليهم المهام وبغيت هاديك بالضبط(على رونق) وبوحدها  هي لي تكلف بالجناح ديال سلطان وتوحدا متعاونها
رئيست الخدم: الجناح كبير الالة وموحال واش تقد عليه بوحدها ومغديش تسليه اليوم
الحاجة: كنضن بلي دويت
رئيست الخدم: وخا الالة
الحاجة خارجة : حطو لفطور خلاص
خرجات الحاجة ورئيست الخدم شافت فرونق: تعلمي صواب شوي وحتارمي سيادك
روتق: صواب انا نعلمو ليك وسيدي واحد لي كاين هوا ربي اما حنا كولنا عبادو
رئيست الخدم:  لسانك طويلة
عويشة : ياغدايدي ياغدايدي واش مكتعرفيش تسكتي ومتجاوبيش
رونق : هي لي بغات تهيني 
عويشة: وخا وخا تنمشيو لدار ونتفاهمو
رئيسة الخدم: هزي هداك الصطل لي فيه لبوردي وتبعيني نوصلك للجناح
رنق هزات الصطل وتبعاتها
دازو من حداهم كانو مجموعين كاملين كيفطرو وهي دازت عادي وطلعات فالدروج باش تديها للجناح
الحلجة: مكتحشمش معرفت فين دبر بيا على هاد المسخوطة
هدى: مالها اش دارت ليك
الحاجة: عاودات ليهم لي دارتو : لسانها طويل وجوابها على لسانها
هدى: كونتي تجري عليها
الحاجة: كون معندناش الحفلة خدا كون فرجتكم فيها
ايمان: فين غادا دب
الحاجة: غنخليها دير لمناج للجناح ديتل سلطان بوحدها ونوريها  تراد معايا
سلطان طلع فيها راسو
ايمان: عنداك تمشي تشفر ليك شي حاجة من تما هاد النوع كنعرفو مزيان
سلطان وقف وطلع الفوق للجناح ديالو

التتمة من بعد 50 تعليق يالله الينات حمرو ليا وجهي ولا كملتو 50 تعليق والله تنلوح ليكم 3 اخرين يالله برحوني