رنق

🌹118🌹

118

وصل عندها يالاه نازل من الطموبيل وهوا يبان ليه واقف حدا الدار وسكران وكيحيح عليها فالدرب ولكلام الخايب غير من السمطة لتحت
رضى: كتمشي وتجي ليا مع زوامل القحبة مخي دسال لخلا كتبدليني بيه انا
برهان واقف موراه ويديه فجيابو : واش داوي عليا
رضى دار عندو : اها وجاي حتى لعندها لدار
جا جيهتو بغا يضرو وهوا يخوي ليه ومع كان سكران جا مليوح فلرض
برهان كلس عليه كيضربو لطرشو حتى ولا كيتقيى الدم
تحنى عندو وهضر : ودب شكون لي فينا زامل امخي غنشوفك مرا خرا كدور بساحتها  غنقتلك وندفنك وتواحد مغيجيب ليك لخبار
فتحات الاباب وجات عندو كتجري بان ليها مليوح فلرض
ميرنا : مسيو برهان
برهان شاف فيها لقى عنيها منفوخين بلبكى وحنيكاتها ونيفها تهوما حمرين بلبكى
ميرنا : سمح ليا عدبتك حتى لهنى
برهان : ماشي مشكيل
ميرنا بونو ليها الناس ديال الحومة شي واقف فالباب شي كيطل من الشرجم : السي برهان اجي دخل
تمات غادا وهوا تابعها
واحد الجارة : دكشي لي كان ناقص تجبيهم لينا حتى لدار
ميرنا : كون كنتي كتحضي بنتك قدما كتحضيني انا كاع مكانت تبات فالكباريات
الجارة: قليلت لحيا بزااف عليك حتى توصلي بنتي
ميرنا: عندك الحق بزاف عليا حتى نوصلها واصلا مبغاش نوصلها
ودخلات لقات برهان كيشوف فيها
ميرنا ببتيسامة صفرا : ههه الناس معندها مدير غير تحضي فعباد الله هدا كيحضي هدا معندهم شعال وملي تجي تشوفهم تلقاهم كتر من الناس لي كيهضرو فيهم وخ
برهان قاطعها : زيدي تمشي عند رونق الى كنتي غتخافي هنا بوحدك
ميرنا : سمح ليا هضرا بزاااف ولكن ميمكنش ليا نخلي الدار بوحدها
برهان طلع حاجب : ياكما غتهرب
ميرنا : لا غير جداتي قبل متمشي وصاتني نبقا فالدار  ومنباتش برا نبات فالدار مخليا دهبها هنا مسكينة ميمكنش نمشي ونخليه ولا سرقوه ليها
برهان : وخا انا مشيت
عطاها بالضهر غادي وهي تهضر
ميرنا بلا متحس : غتخليني بوحدي غنخاف .
برهان دار شاف فيها مطلع حواجبو
ميرنا تزنكات : س سمح ليا متفهمنيش غلاط
برهان خلاها كتهضر وزاد دخل ل الصالون وكلس
ميرنا حشمانة من راسها دخلات وكلسات قبالتو شوي وهي تهضر
ميرنا : انا غنمشي ندير لعشى
برهان كان خاشي وجهو فالتيلي حرك ليها راسو بأه وهي وناضت للكوزينة

كانت الدار صغيرة فيها جوج بيوتة وصالون وكوزينة ودوش
.
دخلات للكوزينة كتقلب على اش طيب ملقات والو تنهدات وجبدات الكفتة لي لقات فالفريكو  والتلاجة لقات فيها واحد 3 ديال لبطاطات هزاتهم اواحد مطيشة وبصيلو المهم التلاجة كتصفر
خدات ديك الكفطة دارتها كويرات من بعد مدارت فيها التومة والقسبور والتوابيل كوراتها وطيباتها نص طيبة من بعد حكات البصلة ودارت معاها مطيشة شحراتهم وزادت عليهم التومة والملحو والتوابيل ودارت فيها ديك الكفتة ودارت عليها شوية ديال الماء وخطاتها وظارت لفريت سلات ومشات كتشوف اش اشربو مع الماكلة فلخر مشات لبزطامها جبدات 10 دراهم وخرجات طايرا جابت كوكا من الحانوت حداها ورجعات
حطات دكشي على الطابلة فالصالون وكلساتو
ميرنا : كحز تاكل
حط التلفون وشاف فيها وكحز عند الطابلة
شاف فالماكلة بانت ليه بنينة هز موس وفرشية ودار فالطبسيل وبدا كياكل  في صمت تهي بظات كتاكل فصكت شوي وهي تهضر
ميرنا : ديما كتقول ليا جداتي كنعرف نكفت
برهان قوس حجبانو وشاف فيها
ميرنا عاد سرات معاها اش قالت : س سمح ليا م مقصتش
ناضت من الطابلة وخرجات دريكت دخلات لدوش شافت راسها فلمرايا ولات حمرا كي الكاتشوب
ميرنا : تفو على حالة ناري الشوهة اش داني انا نهضر اش داني

انا برهان فتبعها حتى خرجات وهوا يخرا بالضحك : ناري  على مسطية قالت ليك كتعرف تكفت ههههههه دب نشوفو  واش غي التكفات لي كتعرفي ليه

(كي جاتكم ميرنا طاير ليها لفريخ ياك )