رنق

🌹139🌹

139

خرجو بتجاه المستشفى وصلو ودخلو دريكت لعند الطبيبة
الطبيبة: مرحبا بيكم
رونق : شكرا
الطبيبة: واش  بغيتو تسمعو دقات ديال القلب ديال الجنين
سلطان: طبعا الى كان ممكن
طبيبة ناضت : تفضلي معايا
دخلو لواحد البيت تكات رونق وعرات على كرشها وسلطان واقف حداها وشاد ليها فيديها وطبيب كتفحصها شافت فيهم وهي مبتاسما
الطبيبة: واش ديجة مدوزة ؟
رونق : لا غير كنت صخفت ومشيت لكلنيق وقالو ليا راك حاملا ولكن مدرتش الراضيو
الطبيب: مبروك عليكم عندكم توام
سلطان ورونق شافو فبعضياتهم مصدومين ممتيقينش
رونق بتاسمات وعنيها مغرغرين : واش بصح
الطبيب كتوريها فالتلفازة : هانتي شوفي
بدات كتوري ليهم ورونق عنيها دمعو بالفرحة اما سلطان حاس بواحد الفرحة فشكل عمرو حس بيها
سلاو الموعد مع الطبيبة وخرجو من عندها ركبو فاللوطو وكسيرا بيها للفيلا
رونق : عرفاي اسلطان ممتيقاش راسي غنولد توام
سلطان : حتى انا
بقاو ساكتين شوي عاد هضر
سلطان  : واش كتشوفيني غنكون اب مثالي
رونق هزات يديه وباستها : نت غتكون احسن واروع اب
سلطان باس ليها يديها تهوا : كنبغيك ارونق
رونق : حتى انا
كملو طريقهم فرحانين بزوج وصلو لدار من بعد متغداو على برا وخا كان الوقت تعطل على لغدا عاد رجعو للفلا دخلو لقاو دنيال ومريا كجمعين فالصالون ومعاهم برهان وميرنا
سلطان ورونق :السلام عليكم
الكل: وعليكم السلام
كلسو تهوما معاهم
مريا: امضرا كي لقيتي لبيبي
رونق : بغيتي تقولي التوام
مريا: شنو واش بصح غتولدي لينا التوام
رونق حركات راسها بأه
مريا عنقاتها : يس يس يس
دنيال: مالك نتي لي غتولديهم
مريا: بعد مني
برهان: مبروك عليك
سلطان: الله ابارك فيك لعقبا ليكم نشفوكم تنتوما مع ولادكم
الكل : اميييين