رنق

🌹70🌹

70

دخلات لدار  بان ليها باها كالس وصت لمراح مشات عندو باست راسو
المهدي مخنزر: سيري وجدي راسك غيجيو شي ناس يتغداو معانا
مريا بعدم فهم : وعلاش غنوج راسي
المهدي: شي ناس جايين يدويو فيك
مريا حسات بقلبها طقبط عليها : ش شكون هادو
المهدي: علال ولد حدو
مريا: با واش من نيتك غتزوجني بداك السكايري
المهدي غوت عليها: خليني معاك مزيان ويدي سيري وجدي راسك قبل ليجيو ناس
مريا : انا مغاديش نتزوج بيه ومغديش نوجد راسي
المهدي رجع يدو اللور وضربها بتسرفيقة : هادي باش تعلمي ترادي معايا فلهضرة شنو بغيتي تبقاي ديري عندي هنايا ولا باغا نجيبي ليا شي كرش من الزنقة عاد اعجبك الحال
هنية : يهدك الله المهدي اش هاد الهضرا
المهدي: نتي سمعتي مزيان صفاء اش قالت البارح
مريا: اش قالت ليكم تاني هاديك وانا كرش واش باغيين تسطيوني
المهدي: شكون داك خيني لي كنتي حداه جنب الواد
مريا تفكرات دنيال:  انا مكنت مع تواحد
المهدي صرفقها تاني : كتكدبي عليا المنحوسة ونا شفتك بعنيا
مريا شادا حنكها: مي
هنية: سكتي ودخلي   لبيتك
مريا حنات راسها ودخلات لبيتها كتبكي
هنية: صافي هاهي غنوجدها وكيف بغيتي غتزوج بيه غير تهدن وخلي البنت مع الوقت غتولف
المهدي خارج : وقولي لتبقا شاي تخرج فيا عنيها راه بالله ومتزوجات بيه يتانقتلها

دخلات عليخا لقاتها غتخنق بلبكى
هنية عنقاتها   الله يبنيتي الله شششت صافي سكتي هادا مكتابك وخاصك ترضاي بيه معندك مديري
مريا: مي الله اخليك هضري مع با واش ملقى بمن ازوجني غير هداك السكايري ريحت الشراب كتعطى منو من بعيد معساك الى قرب ليك وزايدها مطلق وعمدو بنية وكبير عليا بشي 20 عام واش من نيتك امي واش باغيين دفنوني وانا حية واش باغيين ترزيوني فشبابي
هنية : مري نتي عارفة باباك وعارفة خوك مغيستحملوش الناس اهضرو فيك
مريا : علياش غيهضرو فيا اش درت باش اهضرو فيا
هنية : البارح ملي مشيتي من عند مرت خوك تبعاتك صفاء وصوراتك نتي وشي واحد حدا الواد ورات التصويرة لخوك وخوك وراها لباك بداو كيغوتو تما وكيتحلفو عليك يمكن حنان وصفاء صفتوها لشي خد وضاعت لخبار فلعروبة وباك ملي سولوه قال ليهم غير علال ولد حدو وراه خاطبك وملي ولد حدو كان ديجة خاطبك باك مكانش جاوبو ومكانش عاطي للامر اهمية كان جاوبو باك فالحين وقال ليه بلي موافق ازوجك ليه واليومة غيجيو باش اخطبوك رسميا

مريا :ديك القحبو والله لبقات فيها بغات تشري ليا الصداع مع خوي
هنية: شكون هوا هداك لي كان معاك جنب الواد
مريا : هداك السي دنيال صاحب السي سلطان صيفطاتو رونق باش يديني عندها وانا قلت ليه غنسول با وراك شتي من بعد جا عندي حمادي
هنية عنقات مريا : صافي ابنتي سكتي متبكيش هادا مكتابك وخاصك ترضاي بيه
مريا : هئ هئ ماما عفاك دوي مع بابا
هنية: عييت مندوي معاه ابنتي والو مبغاش  وزيدون دب صافي عطى الكلمة معندنا مندير غير نستسلمو لامر الواقع
مريا: ماما راه غنموت لتزوجت بيه
هنية شافت فبنتها تعيات فلخر خرجات خلاتها كتبكي وتشهف

صعيب بزاف تزوجي بشي واحد مكتبغيهش وكبير عليك وسكايري ومطلق وعندو لولاد 
لكبر ندوزوه ونقولو بلي شحال من وحدا مزوجا راجل قد باها وعايشة معاه فسعادة حيت كتبغيه وكيبغيها ولكن العلاقة الى مكانش فيها الحب فهي علاقة فاشلة

__________________
شنو السبب في مرض عنين رونق؟
ومريا واش غتزوج بعلال ؟
دنيال شنو غيدير من بعد معرف بخطبت مريا ؟
كريم وهدى علياش ناويين وانا مصيبة كحلا باغيين اورطو فيها رونق ؟
بورهان شنو الدور ديالو في القصة وكفاش غيخلي القصة تقلب صفاها على علاها ؟
وسلطان كفاش غيتصرف مع غيرة رونق  ؟
وسلمى وبرودها واش عادي زعما ؟

هادشي كامل غتعرفوه فالبارتات القادمة غير تفاعلو اوصلو لبارت ل 100 تعليق وغنلوح ليكم بارتات جداد عسولاتي