رنق

🌹2🌹

2

وصلات عند مريا: اففف كانت غتمشي فيها
مريا: اويلي واش عرفتي هادي طوميبلت من
رونق: شكون
مريا: وتي ديال القايد
رونق بلا موبلات: ومن بعد
مريا: زيدي زيدي
زادو خلفا مع الطريق وكل وحدا مشات لدارها تكمل شغالها
عويشة: بنتي رونق واش جيتي
رونق كتغسل رجليها : جيت امي جيت
عويشة: واش رظيتي لبهايم فخيمتهم
رونق: اه امي رديتهم
عويشة: ودوزي ابنتي دي لغدا لباك
رونق مشات عندها : فين شادها اليوم
عويشة: راه كيحرت جنب الواد ابنتي
رونق هزات الكفا: وخا امي هاني مشيت
عويشة: سيري ابنتي الله يرضي عليك

مشات رونق وصلات لعشا لباها ورجعات لدار  وكلسو هي ونها يتغداو
رونق : ميمتي
عويشة: نعام ابنتي
رونق: واش عيلات القايد بتلااتة عايشيين هنا ولا فلمدينة
عويشة: لا راهم هنا  ابنتي فلقصر لاش كتسولي
رونق: لا والو غير هضرنا عليه اليوم انا ومريا دكشي علاش سولتك
عويشة: هاودي يبنتي اش غيديرو فلمدينة كو تشوفي لقصر كي داير راه بيت واحد قد دارنا اما بيت القايد  ادير ٣ من دارنا هدتك كيقولو ليه الجناح خاص بين غا هوا ممنوع يدخل ليه شي حد بلا الادن ديالو حتى من عيلاتو والطلونات فدغير لفريع اما واحد الكوزينة كولها مدورا بالبوطاجي والتلاجات والفران تقولي غير مطعم  اوا اما على برا ها الجردة هلبسين هلكليسات وخا نعيا نوصف ليك مغتعرفيهش اش غيديرو فلمدينة وسمحو فهاد الخير كاملو
رونق: ونتي باش هرفتي
عويشة: قبل منولدك كونت خدامة تنا  ديك لوقيتة كان بات القايد مزال عايش
رونق : اه واش معيش عيلاتو كاملين فداك لقصر
عويشة: اه
رونق : ومكيغيروش زعما
عويشة: تي هادوك راه كيعاودو عليهم فحال لخوتات وعادي عندكم هدشي
رونق: دمهم بارد
عويشة: نوضي تهزي من حدايا ونتي مبقيتي تحشمي
رونق طارت خرجات وطلات غير براسها : ومالي امي كديت انا راجلي منبغي يشركني فيه حد
عديشة جبدات صندالة دالميكة: غبري من قدامي لنوض ليك
رونق: ونتي تبغي لي يشارك معاك با
عويشة وقفات: ونوياش تمشي ياك وهاني جايا  لطاسيلت بوك
رونق طارت غبرت  وعويشة رجعات لبست صندالتها وخرجت لبرا