مرينا: نتي تعرفي وخا بان ليا مغتلقايش شي واحد يبغيك بحال السي سلطان
رونق : هه يبغيني الى كان الحب فحال هكا معندي مندير بيه
وهوما سط هضرتهم صونا تلفون ميرنا شافت المتصل وهي تجاوب
ميرنا : الو جدا ....واش جيتوو..... مالك ياك لباس باجدي بيه شي حاجة .... صافي وخا وخا هاني جاية
رونق : مالك يا لباس
ميرنا : عفاك اختي لما وسليني معاك
رونق : نلبس عليا وانا عندك
طلعات لبسات عليها ونزلات لقات ميرنا كتسناها
رونق : يالاه
ركبو فاللوطو وكسيرات موقفات حتى لقدام دارهم
ميرنا نزلات : شكرا اختي عدبتك معايا
رونق : اويلي اش كتقولي واجب اجي نمشيو نشوفو شنو واقع عاد نمشي
تمو داخلين
مع اادخلة وهوا يبان ليهم الجد ديال ميرنا واقف اوجهو ممفسرش
ميرنا تخلعات مشات عندو كتجري : با جدي واش نتا بخير
الجد وقف وصرفقها : خليناك فالدار تايقين فيك ونتي كتجيبي لخنز تلداري
ميرنا بقات غا كتشوف فيه مفهمات والو
الجدة : اميمتي ميمتي تربايت سنين مشات باطلة
ميرنا: اش كتقولو وشكن خنز كتهدرو عليه
الجد : سكتي الله يقطع حسك
رونق : الحاج بان ليا نت غير غالط
الجد : مدخليش نتي وشكون نتي اصلا باش دخلي لينا فحياتنا فحال هاد النوع هوا لي خرج عليك
رونق خنزرات فيه : حتارم راسك الحاج ماشي دوينة معاك بالاداب وبغيتي تطلع لينا فوق راسنا
الجد: شفتي شفتي على قليلت لحيا
ميرنا : الله اخليك اجدي لما غير قول ليا اش واقع
الجد : رضى عاود لينا كولشي وعاوظ ليا على داك الراجل لي بات هنا معاك الجيران كولهم شاهدين وشافوك فاش دخلتي الراجل لدار وممشا تلصباح
ميرنا عاد فهمات لبلان : جدي انا غنشرح ليك
الجد سرفقها تاني : معندك متشرحي ليا سمعيني مزيان نقول ليك غتمشي عند الطبيبة دبا وغتشوفك واش بقا بنت وغدا غديري العقد وغدركي عليا زلافتك
ميرنا صدمها دموعها سالو لا اراديا : باجدي واش متيقينش فيا لهاد الدرجة
الجدة هزات جلابتها : زيدي قدامي
ميرنا : جدا انا مبغاش نتزوج بهداك
الجدة: غتزوجي بيه بغيتي ولا كرهتي نتي خلاوك ولديك قبل ميموتو امانا عندنا وحنا خاصنا نصونو هاد الامانة ودب غنزوجوك ونتهناو منك ونحيدو تقلك على دهرنا واصلا خاصك تفرحي حيت موحال يقبل بيك شي واحد مورا هاد لفضيحة
رونق قلبها تقطع على صاحبتها : هدشي لي كديرو فيه مهوااش ومغنخليكم تديوها لحتى شي طبيب
ميرنا : خليهم اديرو لي بغاو ياك بغاو غير يتهناو مني خليهم خليهم يديرو لي بغاو
رونق : ميرنا واش تصتيتي هادو راه كيتهموك فشرفك
ميرنا : خليهم باش يتأكدو بلي انا مدرت والو
رونق : اخا انا غنوصلكم
خرجو لتحت ركبو فلطموبيل وميرنا دايرا فحال شي جتة مجرد التفكير انو الجدة والجد ديالها لي تكرفصات عليكم وخدمات فالديور على قبلهم وعلى قبل دواهم ومتخليهم يتخصو من حتى حاجة دارو فيها هدشي وتاهموها فشرافها تنهدات بالجهت ونزلو دموعها شلالة من عنيها
رونق شافت فيها حسات بالاسى عليها
أنت تقرأ
رنق
Mystery / Thrillerتقول عني كثيرة الشكوك واني اسيرة لداء الضنون وانا فؤادي يلقى عذابا نعم اغار عليك لحد الجنون والقا عذابا والقا سهادا ودمعا بعيني يدمي الجفون وقلبا يإنو ويشقى بصدري نعم يا فؤادي ومهجة روحي نعم يا حياتي ونور العيون اغار عليك واتلقى عذابا ويختل عقل...
