رنق

🌹43🌹

43

وصلات حدا الباب وبدات كدق بالجهد.كيف موالفة

مريا كانت متكيا وكتخنتش فالتيلي ديالها كانت وحدها فالدار  سمعات الدقان
مريا كلسات: هاد الدقان بحال دقان رونق دقان دالمخزن
ناضت لبسات كلاكيطة دباها وتمات خارجة من بيتها
رونق زادت دقات : فين هادي
ماريا  من لداخل: فرعوه غرعوه سايرين تبنيو فيه الله يعطيوكم لكراضة فدوك.اليدين
رونق زادت دقات وهي كتضحك
مريا: ابلاتي على على جد باباكم البراهش لما فرجت فيكم عباد الله 
دنيال كان ضاحك كيستنا هاد المخلوقة تفتح حتى بانت ليه حلات الباب ويريتها محلاتو كانت لابسة بيجامة ديال مها كتبان فيها كي شي شارفة وشعرها جامتاه فزيف حياتي  وجارا كلاكيطة ديال باها

مريا حلات فمها فرونق شوي وهي طير عليها  كتعنق وتبوس : رونق هئ هئ هئ توحشتك
رونق تهي كتبكي : تنا توحشتك ازمر
بقاو كيتبكاو من بعد عاد بعدو على بعضياتهم
مريا كتمسح خنونتها : فين غبرتي تزوجتي ونستيني هادي هي الصحبة ياك
رونق: منسيتكش غير دكشي لي داز عليا كان شوي صعيب
مريا : ربي عودك بسي سلطان
رونق : الحمد لله
مريا طلعات وجها بان ليها دنيال كيشوف فيهم وهي تعطيه بضهر وكتشوف فيه بنص عين وكتهضر مع رونق : تي شكون هدا
رونق: هدا صديق سلطان
مريا : ومالك مقاتي ليا بلي كاين ونا من صباح نتباكا كي البكرة
رونق: تنتي عادي فحال خوك
مريا: يخوي ليك الجناب شكون قال ليك خوي  شنو سميتو بعدا
رونق: دنيال
مريا: قلبي الصغير لا يتحمل واش كاوري
رونق: نص نص
دنيال قرب ليهم: احم  احم سمعت سميتي  لا
رونق : ها خويا دنيال  سمح ليا نلاهيت مع مريا
دنيال كيطلع ونزل فمريا : لا هانيا خودي راحتك  مشرفيت مدموزيل مريا
مريا: الشرف ليا
دنيال: انا كنستناك حدا الطموبيل
مشا واقف حدا الطموبيل كيشوف فمريا كيف كتهضر مع رونق
مريا: تي مال هدا كيطلع ونزل فيا
رونق: ملقيتي تلبسي بيجامة ديال مك غير اليوم
مريا عاد عافت على راسها: اويلي  وعلاش مقلتيهاش ليا من اللول  ونتي شفتيني وبقيتي كتهضري عادي
رونق: وشنو بغتيني ندير ليك انا
مريا: يمشي يقود انا لي نتزوج بيه اعول نلبس ليه حوايجو
رونق: ههههه
مريا: خليك مني انا كي دايرا نتي وكي داير تلسي سلطان
رونق : مزيان
مريا: امممم كري كري
رونق : كنبغيه بزاااف امريا
مريا خرات بالضحك :ههههههه وشوفي ليك لي كانت حالفة لنزوج بشي راجل مزوج
رونق غوبشات  : سيري تخراي
دنيال كيشوف فمريا كفاش كتضحك : اححححح على ضحكة عندها  رووونق زيدي راه عندي ميدار
رونق: وخا هاني جايا  غنخليق من بعد ونصيفت ليك حمادي باش تجي عندي
مريا: وخا 
مشات رونق ركبات حدا دنيال وكسيرا بتيجاه لقصر