رنق

🌹116🌹

116

وصلات لريستو دخلات كتشوفو فين كاين وهوا يبان ليها كالس فواحد الطابلة معزولة على عباد الله اشار ليها ومشات عندو مبتاسمة
طارق وقف : اهلا وسهلا مدموزيل رونق ليا الشرف حيت قبلتي الدعوة ديالي
رونق ببتسامة : شكرا
طارق دايب فبتسامتها كحز ليها الكرسي : تفضلي
كلسات  وتهوا كلس قبالتها
طارق: تشربي شي حاجة
رونق : عصير
طاريق عيت على السرفور وطلب كاس عصير وكاس ديال الفودكا وكلسو كيهضرو على الخدما ومرا مرا طاريق كيتغزل فيها

عند برهان كان كالس فالبيرو خدام على  شي وراق حتى كيسمع التلفون كيصوني شاف فتلفون د رونق لي كان كيصوني شاف المتصل لقاه  سلطان هزو وجاوب
برهان : اش كاين
سلطان : ياكما دارتك سكريتي ديالها
برهان : اش باغي
سلطان : من صباح كنصوني
برهان : اش بينك وبينها باش تصوني ليها
سلطان: راجلها
برهان : خرجات فموعد
وقطع عليه

سلطان : ينعل زامل بوها باغا تصتيني وخا غا بلاتي عليك نتي وداك لزامل لي خارجة معاه
كانت عندو النمرا ديال طاريق ركبها فالجيبي اس باش يطلع ليه فين كاينين وخرج ركب فطموبيلتو وعفط عفطة وحدا بتيجاه الريستو

برهان يالاه غيرجع التلفون لبلاستو وهوا يصوني تاني شاف المتصل لقاها ميرنا عقد غوباشتو وجاوب  حتى قبل ميقول الو هضرات
ميرنا كتبكي : رونق عفاك عاونيني رضى مبغاش يتفرق عليا ودب محيح عليا فالدرب جداتي البارح مشات مع جدي لعند ولدهم لي فمراكش ونا فالدار بوحدي هئ هئ عفاك عاونين ارونق رضى محيح عليا هنايا
برهان :: واش  سارطة كسيطة خليني غير نقول الو
ميرنا : م مسيو برهان
برهان : غنجي دب
وقطع عليها
وناض هز الكونطاكط وخرج طاير

عند رونق
يالاه حطو ليهم لعشة بداو كيتعشاو وهوا يوقف عليهم سلطان
طارق: مسيو سلطان فرصة سعيدة هادي
سلطان شاف فرونق واش لابسة : فرصة دالنم هادي
طاريق وقف : اش واقع
سلطان زير على رونق من كتفها اوقفها : زيدي نتي قدامي
رونق : طلق مني
طاريق : اش واقع مدموزيل رونق مالو معاك
سلطان دربو بونيا جا مليوح فلرض : مرا خرا قول ليها مدام حيت هادي مرتي
طاريق غير كيشوف مفاهم والو
رونق : بعد مني مسوقكش فيا
سلطان: غتزيدي قدامي ولا غنهرس ليك سنانك قدام عباد الله
الناس غير واقفين وكيشوفو مفهمو والو  واش بصح هادي مرتو حيت رونق كتبان بالمقارنة لحجم سلطان حيت هوا البنية ديالو ضخمة كتبان معاه كي الكمشة
  رونق مزادتش معاه حيت عارفاه اديرها وفوت لهيه