رنق

🌹5🌹

5

نمشيو عند رنق لي كانو كالسين هي  ومريا حتى جا باين مريا كيعيط على هنية حيت رونق مشات تكلس مع مريا
المهدي: هنية واهنية
هنية من الداخل: نعام
المهدي: واتي تعالي تعالي
هنية: وهاني جاية صبر
مريا: ومالك ابا
المهدي : ستناي تجي مك
هنية خرجات عندو : نعام اش باغي
المهدي: هادا كولو تعطال فيك
هنية: كنت كنعجن تا مالك ساير تخاصم معايا غتقول اش باغي ولا ندخل نكمل شغالي
المهدي: انا جايب ليك نتي وبنتك خدمة غدا
هنية: على اينا خدمة
المهدي : تلاقيت مع حمادي (الشفور) وقال ليا باغي شي عيلات من الدوار باش غدا يمشيو لقصر اديرو ليه الميناج
هنية: ومالي انا قادا على قصر كاملو او
المهدي : تي مالك مكلخة مالك قلت ليك عيلات ماشي غا نتي ودي معاك بنتك باش تعاونو وتخلصو بزوج
مريا بتاسمات:  وتنزلنا لمدينة
المهدي شاف فيها: ونتي سايرا تحاسبي من دركا
مريا :اوا الواحد هوا لي يحضي رزقو
المهدي: غنجي لتصيلتك نوريك لمدينة بالالوان
مريا: صافي تنا مبقيتش غادا مع مي
هنية: نا دير الخاطر للبنت وهبطها معاك كسيها شوي
المهدي: تنشوف
مريا ضحكات: هي غديني
المهدي : وشنو غتخدمو
هنية: اه صافي وشكون غيمشي تاني
المهدي: نعرفتش نشوف شي جوج عيلات اخرين
رونق: نمشي انا ومي
المهدي: وخليها باك زعما
رونق: نسولها ونرض عليك
المهدي : هي لمشيتي دب ابنتي باش نمشي عند حمادي ونقول ليه شكون غيجي
رونق وقفات: وخا اعمي
(كتسمعو بعمادي عنداك يسحاب ليكم راجل كبير راه غير سغير ويالله عندو ديك 25 عام )
وصلات لدارهم حيت كانت قريبة لدار مريا دخلات كتعيط
رونق: مي واني
عويشة خارجة من البنت:تي  اش واقع مالك كتغوتي
رونق: جبت ليك واحد لخبيرا
عويشة: خير انشاء الله
رونق كلسات: خير خير  عرفتي فلقصر باغيين عيلات اديرو ليهم الميناج
عويشة : وحنا مالنا
رونق: وا صبري نكمل ليك اوا عمي المهدي قال لخالتي هنية تمشي هي ومريم ونا قلت ليه نسولك لتبغي تمشي تنتي ونمشي معاك نتعاونو على الشقا بربعة ونتخلصو
بوجمعة الاب دخل : علياش اتخلصو
عويشة عاودات ليه لي قالت ليها رونق
بوجمعة :  مالك ابنتي ناقصاك شي حاجة ياك واكلا شاربة مكسيا  اش غديري بلفلوس
رونق : انا مبغيتش لفلوس ليا انا بغيت نعطيهم ليك وتنزلنا لمدينا عمري ابابا نزلتيني لمدينة ولا شفت لمدينة كيف دايرا غير كنسمع بيها وصافي وعفاك ابا
عويشة : البنت عندها الخق وبوجمعة البارح قلتي ليا نهار التنين غتنزل لمدينة وتنزل معاك بهيمة تبعها باش تجيب تقديا والزرع والشعير وهانتا بلا متبيع لبهيمة نمشيو غدا نا ورونق نخدمو فلقصر ونهار تنين نزل ونزل معاك رونق كسيها وجيب تقديا ونغتبيع لبهيمة لوالو
بوجمعة شاف حتى عية ولقة عندهم الحق: لي ن ليكم
رونق فرحات : وخا انا غنمشي نكولها لعمي المهدي
وخرجات طايرا