رنق

🌹104🌹

104

داز نهار عادي عند سلطان غير فالخدم اما رونق فدوزاتو مع مريا وميرنا عند لكوافورا نهار كامل دوزوه فالصالون

(ميرنا ولات صديقة ديال مريا هي لي كتحط عليها الراس وحاليا مخطوبة لواحد خونا من عائلت جداتها)

ميرنا : الله حسيت براسي عاد خفافيت
مريا : ونتي كي عبد القادر ها الزغب ها لوصخ وصخ دلعروبية كامل جمعتيه
ميرنا: بصيف اصاحبتي غير شقا قهرني والحاجة دب وليت مهتاما بيها انا تقربا
رونق : علاش مالها
ميرنا: كيطيح ليها السكار بزااف ومكتقدرش تنوض قال ليها السي سلطان نجيب ليك فرملية تقابلك مبغاتش وليت انا لي مقابلاها
رونق : علاش فين هوما لخرين
مريا : الله اجيبك على خير طلقهم شحال هادي بقات معاه غير ديك المنحوسة ديال سلمى
رونق : امممم
مريا شافت فيها : رونق نسولك جاوبيني بصارحة
رونق : متسولنيش
مريا : واش باقا كتبغيه
رونق : الصمت
مريا: وجاوبي
رونق: قلت ليك متسولنيش
مريا: صافي عرفت هي كتبغيه
رونق خنزرات فيها : كنكرهو
مريا : صافي وخا غا مدريش فيا دوك الشفات كتخوفي .
رجعات رونق رتاحت على الكرسي كيت كانت دايرا ماسك
ميرنا : ممتيقاش واش هادي رونق لحنينة الدرويشة الحشومية
مريا : ميكون غير سكنها شي جن
رونق : نوض نسكنكم دب لمبعتوش مني
مريا : لا اختي غير خليك فبلاصتك
ميرنا : هاحنا ساكتين
رونق : نتي ناويا تبقاي بايرا
ميرنا : انا مخطوبة وشارطة عليه الدار هيا اللولة والله لسكنت ليه مع مو
رونق : ومسويهلاش مع راسك
مرينا : واش سحاب ليك عندو مو لفعة اصاحبتي مخصنيش المشاكيل
رونق : من حقك

دوزو تما نهار كامل حتى من لغدا جابوه ليهم لتمى

طاح الضلام والاميرات ديالنا كانو يالاه جاو لدار طلعو بجرا لبيت باش البسو ويتقادو على قبل الحفلة حيت تعطل الوقت الناس بداو كيجيو
دخلو للبيت وبداو كيلبسو وقادو راسهم
مريا مبغاتش تسد ليها الكسوا : وا دوك القحاب اجيو سدو ليا لكسوا راه وقلا خطوبتي
رونق سداتها ليها : اخخخخ حاسدانا حتى على الشراوط
مريا طلعاتها ونزلاتها : مالك اختي على حالتك اش هاد اللبس كولو فاضح
رونق كتقاد شعرها لي دارت ليه بوكلي من لتحت: ونتي سوقك انا عاجبني هاكا
مريا : واش باغا تفقصي سلطان
ميرنا : لا نت من ناحيت غيتفقص غااااايتفقص
رونق : مسوقكمش نتوما خليوني عليكم
مريا : ويلا حو**ك قدام النااس مسوقنااش
رونق : واش نتوما سوقكم بعدو عليا
مريا : هاحنا اختي
سمعو الدقان فالباب
مريا : دخل
دخل دنيال لابس كومبلي فلبيض داخل فيك لكحل وتمشا جيهت مريا شد ليها فيديها وباسها فجبهتها
دنيال : جيتي زوينة
مريا حشمانة : شكرا تنت جيتي زوينة
دنيال : واخيرا
رونق : راحنا هنا واقلا
دنيال : ونتي مكتعرفيش تسكتي تخلينا نترومانسا على خاطري
رونق : ترومانسة معاها فاش تكونو بحدكم ماشي قدامنا
دنيال : وخا عليك البرهوشة زيدي خلينا نزلو
شدات ليه فدراعو وخرجو
ميرنا : خلينا نزلو
رونق : نزلي غندخل لطواليط ونتبعك
ميرنا : وخا
ميرنا خرجات ورونق دخلات لطواليط قدات حاجتها وتمات خارجة وهي تلقا سلطان واقف لابس كمبلي فلكحل مسند عند الحيط وداير يديه فجيابو
رونق شافت فيه وسلطان طلعها ونزلها اما هي فمداتهاش فيه وتمات خارجة وهوا يشدها من دراعها
سلطان : فين غادا