رنق

🌹131🌹

131

تسريف فالاحداث

بعد شهرين

فهاد الشهراين متغيرات حتى حاجة فالقصة ديالنا من الغير الخدمة والستخيص عند رونق وبرهان كانت عندهم خدما كتيرا دلرجة انو الماكلة من الصباح مكيوصلو يدقوها حتى ليل
اما سلطان فكان مسافر باش اسالي حسباتو مع المافية فيالله ليوم راجع حيت اليوم هوا يوم العرض ديال رونق لاول مرا غدير عرض ازيائها الخاصة ومن بعد مسلا الحسبات ديالو فرتاح دب
اما برهان وميرنا فعلاقتهم عاديا بحرا كيوصل احك راسو كيخرج كيخليها ناعسة كيدخل كيلقاها ناعسة كيساليو فالشريكة وكيكملو فالدار  اما ميرنا فحرمها بورهان من الخدمة وقال ليها انا بغيت مرا ديال الدار ماشي لمرا الخدامة
(وشوفو ليكم السي بؤهان صدق مساهلش)
اوا ودنيال تهوا كيخدم معاهم كيعانهم شوي

كانت واقفا مع العارضات ضعافت شوي ووجها صفار وقفا على العاريضات وعلى لي كيقادو ليهم كتمشي هنا وهنا وتقاد لهادي وتصايب هادي وتعاونهم شوي
مريا دخلات هازا كاس ديال العصير ونشات عندها رونق
رونق بلا متشف فيها كتقاد لواحد العارضة فحوايجها : وي
مريا : خلي دكشي من يديك واجي
رونق : وخا ستناي شوي
مريا جراتها وكلستها: كلسي شوي رتاحي هاكي شربي هادا
رونق هزات العصير: اففف متوترا بزاااف زعما يعجبوهم
مريا: انا بعدا عجبوني وانا اول زبونة غتاخد من عندك
رونق : شكرا
مريا : وبلا متوتري احبيبتي
رونق حطات الكاس وناضت يالاه ناضت وهي تجيها الدوخة ورجعات كلسات شادا على راسها
مريا: رونق صفا
رونق : وي صفا غير دخت شوي
مريا: حالك ماعجبني ارونق شوغي حالتك كي ولات ضعافيتي وصفاريتي
رونق : غير من الستخ
مجات فين تكملها حتى طارت لدوش خوات مسارنها وغسلات وجها وخرجات كتمسح وجها بفوطة
مريا كتشوف فيها بشك : ياكما كليتي شي حاجة ضراتك
رونق : مدقت النعمة من البارح
مريا : واش بزااف باش كتقياي ولا اول مرا ؟
رونق  : شي جوج سيمنات علاش كتسولي
مريا : رونق نسولك جاوبيني بصراحة
رونق شافت فيها : نعام
مريا : واش شي مرا ملي رجعتي مارستي مع سلطان
رونق تفكرات ديك ليلة وبدا يدخلها الشك وهي تنوض : اش كتخربقي
مريا: نهار الجنازة ياك
رونق : الصمت
مريا : ولغيكل
رونق كلسات داك التوتر لي كان فيها زادتها توتر اخر : اففف امريا واش وقتك
مريا: وجاوبي اصاحبتي
رونق: تقريبا شهراين مجات
مريا: تقريبا شهراين ونتي زعما مشكيتي ممشيتي عند الطبيب
رونق : اصلا كنت مع الخدمة والستخيص مشات ليا كاع من بالي
مريا فرحان: يحليلي غنولي خالة
رونق : شوفي نتي فين دب واناوفين واش انا واقفة على الطلاق ونتي فرحانة
مريا: وعالاه اكون هدا البيبي  سبب فرجوعك نتي وسلطان
رونق : والله وتقوليها لسلطان يتنقتلك
مريا: وعلاش منقولهاش ليه من حقو ولدو هدا
رونق : على اساس لي قتل ماشي ولدو
مريا: واش مغداش تنساي اصاحبتي
رونق : مريا متقزلي ليه والو الله اخليك نخاف يعرف وقتلو تاني ونتي راك عارفة سلطان معزيزش عليه الدراري الصغار
مريا عنقاتها : ششششت متبكيش مغنقول ليه والو
رونق: سيري جيبي ليا التحليلة بغيت نتأكد
مريا: وخا
خرجات مريا ورونق حطات يديها على كرشها ممتيقاش زعما بصح تكون حاملا

على برا كانو الناس بداو كيجيو وبرهان وسلطان ودنيال واقفين كيرحيو بالناس
سلطان: مبانتش ليا رونق
دنيال: راها مع العاريضات
سلطان غنمشي نشوفها
دنيال: توحشتيها
سلطان: بزاااف
دنيال : لي يسمعك ميقولش بلي غدا غاديين للمحكمة باش تلقو
سلطان : كولها للبرهوشة ديال ختك
دنيال: زعما غطلقها ديال بصح
سلطان غادي : مدام باغيا الطلاق خليها تاخدو

مشا وصل لبيت العارضات دق وهي تفتح ليه تصدمات ملي شافتو
رونق صدات الباب وخرجات عندو حيت كينين العارضات لدلخل كيلبسو
رونق : سلطان جيتي
سلطان : ونقد منجيش لاول عرض ليك
رونق بتاسمات : شكرا
سلطان حط يدو على حنكها: رونق صفا
رونق بتوتر : صفا
سلطان: علاش وجهك شاحب
رونق : غير مع الستخيس وصافي
بانت ليها مريا جاية هية وميرنا كيهضرو وضحكو كاع منتابهو لسلطان حتى دخلات فيه وطاحت ليها التحليلة سلطان شاف فمريا لقا وجها تخطف منو الوون شاف فالساشي نزل وهزو لقا فيها التحليلة وشاف فرونق بشك ورجع شاف فمريا
سلطان : ديالهم هادي
مريا : ه ه ه
ميرنا :هادي ديال مريا شاكة بلي حاملة
ماريا شافت فيها ورجعات شافت فسلطان وحيدات ليه التحليلة: بغيت نجريها اخوي نشوف واش حاملة
سلطان: امممم
مريا : متقولهاش لدنيال عفاك بغيت ندير ليك مفاجئة
سلطان تم غادي : وخا
مشا سلطان