رنق

🌹17🌹

17

مع لفجر كانو شادين الطريق لمدينة عويشة واحمد كانو كالسين لقدام  ورونق كلسات فين كيركبو لحوالة فاش كينزلو يبيعهم
كانت لبسة كسيوا فزيتة كتجي عريضة من لتحت ومن الفوق كتجي مزيرا حتى لخصرها والفوق فيها وريدات بالبيج

نمشيو للغابة لي كانت على الخرج  دلعروبية فوصت الغابة كانو تلانة ديال الشاحنات٠ ودايرين بيهم ليكارد كور الغابة كولها ليكارد

وصلو لمدينة ورونق عنيها كيبريو الابتسامة مخطاطش عنيها بالفرحة كطلع عنيها مع العمرات الاطيلات وعنيها كيبريو
رونق: واو امي هدشي غزال كون غير كونا ساكنين هنا
عويشة: هحاي ابنيتي سحابليك السكنة فلمدينة ساهلا تي راه  غير لكرا  غالي معداك الماء والضوء وزيد وزيد
رونق: زوينة امي والله  مكرهتش نبقى هنا ومنرجعش لديك البادية قهرني غير لفياق بكري
عويشة: ونتي لي مبغتيش تزوجي بسيدك القايد
رونق: مي خليني فرحانة
عويشة : ها هي
احمد جا عندهم: يلاه اجيو نفطرو
داهم لواحد المعلبة وكلسو فطرو دكشي لي قسم الله وناضو خيج  كيتمشاو حتى كان وصلهم لواحد الصوق كبير كيتباعو فيه لحوايج لباس لماعن اي حاجة بغيتي غير المدلا والهضرا لي مكيناش
احمد: هانتوما دخلو سراو تتعياو ورجعو لهنا  غنمشي نتقدى دكشي لي خاص ونجي
رونق: ولا تهنا ابا
احمد: اشمن غاتوهي راه غادي دريكت تعياي ورجعي تريقك  هاكي هافلوس شريو دكشي لي خاصكم
رونق: وخا ابا
مشا احمد ورونق وعويشة دخلو كيتسراو
رونق اي حاجة كتشوفها كتعجبها مكرهاتش تشري من كولشي مي الله غالب 
عويشة: هانتي ها البيجمات سيري خودي ليك
رونق : وخا
قربات عند لي كيبيع سولات على التمن
رونق: شحال التمن اوي
الراجل:  60  درهم ونخلي لزين غير ب 50
رةنق خنزرات ونقاط وحدا عجباتها : ني مغتاخديش
عويشة: لا مبغيتش زيدي ليك غا نتي وحظا خرا
رونق رجعات نقات وحدا خرا  ومدات لراجل 100 درم : وهاك بصحتك
الراجل بقا غكيشوف كان غير كيضحك معاها صدق مخور

المهم دارو دك لبلاصة كاملا دارو تعياو ورونق مخلات مشرات خدات جليلبة لباها ولمها تهي وخدات لراسها خدات عكر  تهي  المهم اي حاجة عجباتها كتلقى عندها فلوسها كتهزها

عياو ورجعو فين قال ليهم حمد وكلسو كيستناوه
رونق: با تعكل
عويشة: ويه ابنتي افف عييت
رونق: شوفي امي شوفي الناس اش كيلبسو فلمدينة
عوشة: كون غير خرجات بلاش حسن ليها اش داا تلبس
دازت حداها واحد البنت لابسة لمعري كتر من لمغطي وكانت كتشوف فرونق ومها
عويشة: الله امسخك كتشوفي فيا مزتل نوض نحيدهم ليك عزيز عليكم لحمكم
البنت سحاب ليها غير حمقة وهي طير من حداهم
رونق: اويلي امي خوفتي البنت
عويشة: سكتي نتي شوفي شوفي ياربي السلامة بنات اليوم مبقاوش احشمو انا هادشي لي كيلبسو فالزنقة قدام باك منلبسوك هاويلي حي دب دخلت عليك عليك بالله اش خاو ميلبسو لرجلاتهم هادو دب
رونق: هههههه وباز ليك امي راه هادو عندهم هدشي عادي
عويشة: كفار ومدروهاش
وقف عليهم احمد: تعطلت عليكم
عويشة وقفات: الحمد الله على سلامتك طابو ليا رجليا
احمد: ويالله سليت فيكم الجوع
رونق: اه ابا
احمد: يالله زيدو اليوم ندي بنتي لريسطو
رونق بتاسمات: حلف
احمد: ومالي كنكدب عليك
هزو حوايجهم ومشاو دخلو لواحد الريسطو  طلب ليهم دجاجة محمرا مع لفريت والروز والكوكة  والخبز
عويشة: وزين هدشي
احمد: نشبعو اليوم مال ه.شي كيجي كل نهار
رونق: با من ديك المرا ملي نزلتي لمدينة خديتي لينا دجاجة محمرة مكليناه
احمد: وكل مرا ورزقو ابنتي يالله كولو كولو كولو
كلاو حتى شبعو وشاط مزال الخير
احمد: غنمشي نخلط ونجي
مشا احمد وعويشة جبدات ميكة خشات فيها داك نص دجاجة وميكة خرا كبات فيها الروز
رونق: اويلي امي شوهتينا
عويشة: ومالي اش درت هدشي راه مخلص مخلص
جا حمد لقا الطابلة كتصفر غير الخبز : فين ديك المكلة
رونق: جمعاتها مي
احمد؛ واش حماقيتي
عويشة: ومالنا نضيعو فيه ياك مخلصينو مخلصينو وزيد وزيد نمشيو فحلاتنا را العاصر ودن
احمد: لا حول ولا قوة الا بالله