رنق

🌹82🌹

82

قطعات عليه وتكات تنعس

دازت سيمانة
كانت كالسة جتة كتشوف الناس داخلين خارجين كيشطحو وغنيو فرحانين وهي كتشوف فيهم وساكتة
حتى بان ليها علال دخل ومشا عندها باس راسها وكلس حداها
دخلات رونق بانت ليها صاحبتها كيفاش كالسة وساقلة بقات فيها بزاااف مكرهاتش تعاونها ولكن دب فات الفوت سمعات تلفونها كيصوني شافتو سلطان وهي تخرج برا بعدات بزاااف عاد جوبات
رونق : الو
سلطان : فينك
رونق : انا انا فالدار
سلطان : علاش مدخلتيش للجناح من الصياح مبنتي
رونق : غير بقيت مع ميرنا وصافي دب كنتمشى شوي فالجردة
سلطان نهضر معاك من بعد وقطع عليها
رونق : اففف الى عرفني خرجت غيقتلني
رجعات للعرس وقلبها طايب على صاحبتها وكتشوفها كيف الجتة بقات غير كتفكر شنو دير على قبلها حتى بانو ليها دايينها لبيت باش ابسوها لبيض ويديوها لدار راجلها تبعاتهم رونق
دخلات لقات مريا كتلبس مشات عندها وعنقاتها
رونق : حبيبتي
اخت لعريس : ونتي لي نغيرو منك ارونق ديتي سيد القايد
رونق مجوبتهاش شافت فمريا وغمزاتها
مريا : عفاك ممكن تجيبي ليا كاس ديال الماء
خت لعريس : وخا وسبري لبسي
رونق : عندي ليك خطة
مريا : اشمن خطة دب الله يهديك دب لي صرا صرا غير نستسلم لامر الواقع
رونق : سمعيني مزيان ودري هدشي لي غنقول ليك
مريا: هضري
رونق : ...........
مريا : وزعما تنفع
رونق تيقي فيا انا غنمشي دب للفلا ونتي ديري دكشي لي قلت ليك وغتلفايي فلبلاصة لي قلت ليك وخا
مريا : انشاء الله
خرجات رونق وشدات طريق لقصر على رجليها  حيت خرجات غير بتخبية وقالت ل ميرنا تغطي عليها

وصلات لقصر دخلات مع الدخلة بانت ليها لوطو ديال دنيال دخلات بالزربة طلعات لبيتو دقات ودخلات
دنيال قفزاتو : الالة فين مدرمة متعرفينة عريانين متعرفينة ناعسين م
رونق  : شال فيك دالهضرا شوف بغيت نهضر معاك فشي حاجة
دنيال : ياك لباس اش كاين
رونق  : مريا
دنيال تخلع : مالها
رونق : ليومة علال غيدخل عليها
دنيال تعصب: كيفاش غيدخل عليها واش تزوجو
رونق : دارو العقد شي سيمانة دب واليوم العرس بغيتك تعاونها
دنيال : انا غممشي لداك علال نشرشم لمو الكمارة
رونق : شوف غير سمعني
دنيال : بالله وقيسها شي واحد يتنحرق هاد الدوار بلي فيه
رونق : هاي هاي هاي هادشي كولو مخبيه السي دنيال
دنيال: سيري تقودي
رونق : راه تنا كنعرف نخصر الهضرا وتقاد معايا اكولاي وسمعني
دنيال: كنسمع
رونق : شوف .........
دنيال : ولا قتلوها
رونق : مغيوقفدع ليها والو نت غير كون تما انا منقدرش نغرج بليل راك عارف سلطان
دنيال : اجي نتي بعدا سلطان عارف بلي كريم كاين فلقصر
رونق : انا مقلت ليه والو
دنيال: واش كتقلبي على المشاكيل
رونق : انا مسوقيش فيه وهوا بعيد عليا كل البعد وانا غير مبغيتش نعصبو نت عارفوطتر مني
دنيال : وخا الالة نتي تعرفي تنا مغنقول ليه والو خليه تيجي ويتفاهم معاه هوا حيت بان ليا مكيحشمش
رونق شدات راسها : اففف
دنيال : مالك
رونق : ها اليوماين شداني الدوخة معرفتش مناش
دنيال : عنداك اكوت الطانسيو
رونق : معرفتش غنمشي نرتاح شوية تتفوتني الدوخة
دنيال: نعاونك
رونق : وخا
شد ليها يديها وطلعها لجناح تكاها عاد خرج
رونق : ياربي تعانعا تفك من داك السكايري ياربي

وصل اليل كانت كالسى على الطرف ديال المموسية حتى بان ليها داخل قلبها كان على شوية ويخرج من بلاصتو شافت فيه اوقفات وهوا كيقرب ليها حط يديه على كتافها  وهضر
علال: ممتيقش بلي صافي وليتي ليا
مريا : ب بغيت نهضر معاك فشي حاجة
علال : هضري احبي
مريا : انا  انا
علال : هضري مالك
مريا : انا ماشي بنت وحاملة
علال خرج فيها عنيه: كفااش
مريا : سترني عفاك
علال: هي دكشي لي سمعت عليك بصح
مريا : ضحك عليا وملي خدا دكشي لي بغا تفارق معايا
علال : يالقح**ة صدقتي بنت الزنقة انا غنوريك
هز يدو تلسمة وضربها بطرشة خلا صباعو مرسومين فوجها
علال : باك هوا لي غيقتلك بيديه انا مغديش نوسخ فيك يديا وندخل لحبس
(غا بلاتي عليك نت)
خرج لبرا باش اعيط على باها حيت كان كولشي برا كيشطح وكيستناه اجيب ليهم السروال

مريا كانت موجدا كولشي حتى الشرجم كان محلول حيدات عليها ديك الكسوا وكانت لابسة تحتها جينش والقميجة لي كانت خلال ليها ميرنا وسبرديلة نقزات منزالشرجم وعطات رجليها لريح (هشام الكروج شخصيا)

دخلو لبيت
المهدي : فين هيا بنت لحريام اليوم غ
سمت ملي بان ليه البت خاوي وشرجم محلول طلو من الشرج بانت ليهم كتجري كيبان منها غير شوية بحكم الضلام  وخرجو تهوما موراها كيجريو باش اشدوها