رنق

🌹12🌹

12

اصبحنا واصبح الملك لله فاقط.رونك كيف العادة فطرات وخرجات تمشي تسرح  هي ومريا وملؤ وصلات ل ١٠ تمو راجعين لدار
مريا: اححح اصحبتي واش شفتي البارح القايد شحال زوين اهبل
رونق: امممم
مريا: اللحية عندو وشعر الفورمة اختي الفويمة  اححح ولقنانف عندو غا بوسة منهم
رونق تفكرات فاش باسها : مغديش تنساي علينا الزمر
مريا خلعاتها: بسم الله عليك اصحبتي قفزتيني مالك
رونق: غتمشي معانا غدا لمدينة
مريا: معرفتش ماما صبحت مريضة اليوم ودالى ولات مزيان ننزل معاكم ولا مولاتش مزيان تلمن بعد وننزل مع با
رونق: ميكون عندها باس
مريا: يالله هاني وصلت ندخل لبهايم ونمشي نسكي الماء
رونق: يالله بسلامة

وصلات رونق تهي دخلات لبهايم ومشات لدار
رونق: مي وامي
عويشة: هاني هنا فالكوزينة
دخلات عندهة للكوزينة لقلتها كتنصب لغداو: شنو درتي لغدا
عويشة: درت اللوبية
رونق : اممم مزيان
عويشة: سيري بظلي عليك باش طيب وتمشي تدي لباك لغدا
روتق: غندوش واش سكيتي الماء
عويشة : اه جبتو يالله سيري بحرا تلحقي
دخلات رونق دوشات وخرجات  لابسة ساية نازلة على ركبة بشوية فلكرونة ولبسات تحتها شورت بحكم الشمش والجو حار اليوم ودارت تريكو فالاسول خشاتو تحت الساية وكلسات فلمراح  فالشمش باش ينشف ليها شعرها
عويشة: سليتي
رونق: اه واش ودن
عويشة: لا مزال مودنش  ولكن شوي وودن مبقالوش بزااف  غنوجد ليك الكفا
رونق وخا نمشت شعري وندهنو ونا معاك
دخلات  لبتها دارتوالزيت لشعرها ومشطاطو وخلاتو مطلوق باش ينشف وهزات كلوس دارتو لفمها باش ميتقشروش قنانفها بحكم انها كتفيق بكري فالبرد وكيتقشرو ليها شنايفها  وهزات طربوش هداك لي كيديروه ناس البدية كيكون مصنوع بلقصب كنضن عرفتوه
(لي معرفوش اشوف الكوفر ديال القصة البطلة راه دايراه)
خرجات عند مها: مي واني واش سليتي
عويشة دارت ليها الماء فالكفا: ساليت ويالله سيري ورجعي راني كنستناك  نتغداو
رونق هزات الكفا وتمات خارجة: وخة اما نص ساعة ونا معاك ياك بعدا كاين جنب الواد
عويشة: اه كاين جنب الواد
خرجات رونق وشدات الطريق عند باها لي مكانتش بعيدة بزااف

نمشي لقصر لي كان كالس هوا وسلمى فالجردة هوا كان كيخنتش فالتلفون وهي كانت حاضياه  شوي ناض وقف  وتم غادي حتى بانت ليه مو جاية ستناها حتى وصلات
الحاجة: ولدي فين غادي
سلطان: غنتمشى شوية
الحاحة: وخا اولدي
دار نضاضرو وتم خارج من الباب الحردة
سلمى: اففف اخالتي ولدك غيحمقني
الحاجة:  هي لتكعتو ليا وجبتو ليا لحفاد
سلمى: ومالو بيدينا  راك عارفة كولشي ولدك لي مباغيش ولا حملت من ولدك غيكون هداك هوا اسعد نهار فحياتي
الخاجة: يكون خير

وسلات رونق عند باها وحطاط ليه الكفا: زيد ابا تفطر زيد
احمد كلس: وصبري ابنيتي وتمشي شاي تنسالي باش تدي معاك الكفى اليوم ناوي ندوز على الحامع نصلي العاصر عاد نجي لدار
رونق: وخا ابا والمطرسال شكون لي غيجيبو
احمد كيقطع الخبز: ولد عمك كمال غيجي من موراهم يجيبهم
رونق: علاش هوا جا
احمد: اه جا البارح شفتو قبيلة وطلبتو يجي يجيبهم لدار شحال هادي ممشي لجامع (مد ليها الخبز) وهاكي ابنتي شاركي معايا الكعام
روتق وقفات: لا ابا غير كول نت غنتمشا شوي هنايا  ونرجع نلقاك سليتي وخا
احمد: وخا بنتيتي

مشات كتمشى جنب الواد وكتضرب لحجر برجليها ومرا مرا حتشوف فالواد وفالشجر

كان غادي كيتمنضر حتى جات حجرا فرجلو