SOULMATE(Completed)

07

"කාරක සභාව එන්න....."

"අනේ ඉක්මනට ගාන්නකෝ මෙතීශ"

"ආහ් හරි හරි පොඩ්ඩක් ඉන්නවා.කන්නාඩි මූනට ලිප්ස්ටික් පාරකින් වත් ලස්සනක් දෙන්න"

සෙනසුරාදා දවසෙම අපිට තිබ්බ අයිටම් තුන පුරුදු වුනා.

ඉරිදා හවස තුන වෙද්දී ටිලිං ටිලිං එකෙන් තඩි බබා එකොළහ වසරෙ කාරක සභාවට හිටපු දනුජය අයියා කෑ ගහද්දී..මට කියලා ලිප්ස්ටික් ගාන ගමන් හිටිය මිතුන් කරන්ට් එක වැදිලා වගේ දිව්වා ඩෙස්ක් හදන්න.මිතුනා කාරක සභාවෙනෙ.හප්පෝ...බිස්කට් ලොරියක් එක්ක ඔය කාරක සභා තනතුර දුන්නත් මන් නම් ගන්නෑ..මොන වදයක්ද ඩෙස් එහෙට මෙහෙට ඇද ඇද ඉන්න.

"අනේ යාලු මේක අන්දන්නකෝ"

තවමත් ශීට් එක හරියට පටලගන්න බැරුව හිටිය මෝක්ශ කෑ ගහද්දී මන් මෝක්ශ ළඟට දුවලා මන් ඇඳ ගත්ත විදිහටම එයාටත් ශීට් එකෙන් සාරියක් ඇන්ඳුවා.

"යාලු ආ මේ පවුඩර් ඔයාටත්.මගෙත් ලිප්ස්ටික් ටිකක් ගාලා දෙන්නකො."

මේ ලිප්ස්ටික් එක මන් සමිතියේ නැටුම් වලට ඕනි වෙයි කියලා හිතලා,ගෙදර ගියපු දවසක එහා ගෙදර නැන්දලගෙ කුණු ගොඩේ තිබිලා ඇහිදගෙන ආපු එකක්. කලින් ඉඳන්ම ගෙනත් තිබ්බෙ හොඳ වෙලාවට...පේනවනෙ වටිනාකම.අනිත් ලෙච්චමීලා ක්‍රීම් පවුඩර් විතරක් ගාගෙන ඉද්දී අපිනම් ලිප්ස්ටිකුත් ගා ගත්තා.අපි තුන්දෙනා කැපිලා පෙනෙයී...

"කට ඇරලා ආ.......කියන්න මෝක්ශ යාලු"

මෝක්ශ ආ...කියද්දී මන් ලිප්ස්ටික් එක තොල වටේට ඇද....ගෙන ගියා.ලිප්ස්ටික් එකෙන්ම අපි දෙන්නගෙ නළල මැද්දෙ මොට්ටුවකුත් තියාගෙන ටවල් එක ඇරන් කොන්ඩෙ වගේ දාලා රෙදි පටියක් ගැට ගහගත්තා.

ශා......අපි දෙන්නා තමයි ලස්සනම ලෙච්චමී ලා දෙන්නා.

මැද රූම් එකේ තමයි සමිතිය තියෙන්නෙ.බංකු ටික පැත්තකින් වාඩි වෙන්න හදලා අයිටම් කරන්න ඉස්සරහින් ඉඩ තියලා තිබ්බා.පාඩම් කරපු ඩෙස්ක් පිටිපස්සෙන් දාලා ඒවගෙ අයියලා වාඩි වුනා.රජ්ජුරුවෝ උඩයි උඩයි මිටි කොල්ලො බිමයි බිමයි ලුනෙ.අප්පෝ...මාර රජවරු ටික.