"ඊටපස්සෙ..."
"ඊටපස්සෙ ඒ අම්මයි,තාත්තයි,දුවයි තුන්දෙනාම මේක ඇතුළෙ බෙල්ලෙ වැල දාගත්තා."
"එතකොට එයාලා රෑට හොල්මන් කරනවද අයියේ"
"ඔව්..ඇයි ඔයාලට නිකන් ඇහිලා නැද්ද සද්ද බද්ද?"
"අනේ මට ඇහිලා තියෙනවා..."
"අයියෝ..මෝක්ශයා උබලා පොඩි උන්ව බය කරන්න එපා බන්"
"උබ ඉඳපන්කො පාඩුවෙ.පොඩිඋන් මේවා දැන ගත්තෙ නැත්නම් උන් කොහොමද පණ බේරගෙන මේ හොස්ටල් එකේ ඉන්නෙ."
මායි මෝක්ශයි මැද රූම් එකෙ ඉඳන්, හය වසරට අලුතෙන්ම ආව මල්ලිලා ටිකක් අල්ලගෙන බොරුවට බය කර කර ඉද්දී මිතුනත් ඇවිත් මැදින් ඇඩ් දාන්න පටන් ගත්තා.මට මේ පොඩි උන්ගෙ බය වෙච්ච මූනු වලින් මැවි මැවී පේන්නෙම ආපු පළවෙනි දවසෙම වට්ටි කටාගෙ අතට බයවුන මෝක්ශගෙයි,මගෙයි මූනු දෙක.
"මෝක්ශ මතකද අර මේස් අත.."
මන් බඩත් අල්ලගෙන මිතුනගෙ පිටට ගහ ගහා හිනාවෙවී ඉද්දී මෝක්ශ මන් දිහා අමුතු විදිහට බලාගෙන හිටියා.මේ මෝඩයට මතක නැද්ද ඒක.
"ඇයි මෝඩයෝ මතක නැද්ද"
මන් ආයෙත් මෝක්ශගෙ ඔලුවට එකක් ගහලා එහෙම අහනවත් එක්කම මිස් මැද රූම් එකට එනවා දැකලා අපි ආයෙත් පොත් දිහා බලාගත්තා.
ඉස්සර වගේ නෙවෙයි මිස් උනත් වයසට ගිහින්.ඒ උනාට මිස්ගෙ සද්දෙට තාමත් අපි හිටු කිව්වොත් හිටපු තැනමයි.මිස් ඇවිත් බත් කන්න බෙල් කරපු ගමන් අපි නැඟිටලා ගියා.
ඉස්සර පෙරේතයා වගේ ජෑම් කාපු මෝක්ශ දැන් ජෑම් කටේ තියන්නෙවත් නෑ.දැන් මන් ජෑම් කද්දී මෝක්ශ පුලුවන් තරම් බිස්කට් ගිලිනවා.
ශික් තාම දහයයි කාලයි.
මන් ඇස් දෙක පොඩි කර කර ආය පොත දිහා බැලුවා.මෝක්ශ පොත උඩ ඔලුව තියාගෙන හොඳට නිදි.ඒ නිසාම මන් ඇහැරිලා හිටියා.මිස් බලන්න එන වෙලාවට නැගිට්ටවන්න මොකෙක්වත් හිටියෙ නැත්නම් ඉවරයිනෙ.දැන් ඉස්සර වගේ නෙවෙයි අපි එකොළහ වසරෙ නිසා දැන් රෑ එකොළහ හමාර වෙනකන් පාඩම් කරන්න ඕන.
YOU ARE READING
SOULMATE(Completed)
Fanfictionඅයිතියක් තියෙනවනම් ලැබෙනවමයි.. හරිම තැනදී හොඳම වෙලාවෙදී ගැළපෙනම කෙනාට (උපුටා ගැනීම තහනම්.)