"චූටී අයියේ..."
මල්ලි ක්ලාස් ගිහින් කෑ ගහගෙන ඇවිත් බෑග් එකත් විසි කරලා කුස්සියට ආවා.
"ඒ මොනාද මට ගෙනාවෙ?"
"තමුසෙට මොනා ගේන්නද මන්.තමුසෙනෙ හරි නම් මට මොනා හරි දෙන්න ඕනි."
"තමුසෙට මොකටද අපි මොකවත් දෙන්නෙ.තමුසෙ වගේ පිං ගොනෙක්ව හොස්ටල් එකේ ඉඳන් ගෙදර ගෙනත් තියාගෙන ඉන්නවට තමුසෙ තමයි හරි නම් අපිට සල්ලි දෙන්න ඕනි."
"අම්මා මේ මන් මූට ආය කියන්නෑ.ඊට පස්සෙ කියන්න එපා මන් අයියනෙ අරකයි මේකයි කියලා.ඉඳපන්කො උබට දෙනවා ළඟදිම ඇට දෙක කැරකිලා යන්න.උබ හත වසරෙ නම් ඒ විදිහට ඉඳපන්."
"අං පහේ පිං ගොනා...මස් කඩේට දැක්කුවා..ඒකෙ හිටපු.."
"ආහ්හ්..ආව්ව්..අම්මා.."
ඉවසීමෙත් උපරිම සීමාව පැනලා තියෙද්දී පිඟන් රාක්කියේ තිබ්බ බෙලෙක් පිඟානකින් මල්ලිගෙ ඔලුවට ටෑං ටෑං ගාලා ගහගෙන ගහගෙන ගියා.වෙන උන් සහෝදරයා සහෝදරියො වගේ කොච්චර සමඟියෙන් ඉන්නවද.ඒකට මේ යකා.. ළඟින් ගියොත් ඇහැක් නෑ.
අම්මා ඇවිත් පිඟාන අරගෙන අපි දෙන්නව දෙපැත්තට කරද්දී මල්ලි අඬාගෙන කාමරේට දිව්වා.මන් එළියට ඇවිත් අපෙ අඹ ගහ යට සුන්දරයටයි මල්ලිටයි සෙල්ලම් කරන්න හදලා තිබ්බ ඔංචිල්ලාවෙ වාඩි වෙලා ඔහේ පැද්දි පැද්දි හිටියා.
"චූටි අයියේ එනවකෝ රහසක් කියන්න."
සුන්දරයා දුවගෙන ඇවිත් මට රහසක් කියන්න කතා කරාම මන් කණ පොඩ්ඩක් ළං කරා.
"සුදු අයියා ඔයා ගහලා ඔලුව පැලිලා කියලා හවසට මාමට පෙන්නන්න බොරුවට ඔලුවෙ සෙලෝටේප් ගහගන්නවා."
"සෙලෝටේප්?"
"ඔව්ව්..අර තුවාල වලට ගහන්නෙ.මගෙන් ඇවිත් අහනවා මන් චූටි අයියගෙ පැත්තෙද,සුදු අයියගෙ පැත්තෙද කියලා.මන් කිව්වා සුදු අයියගෙ පැත්තෙ කියලා.මන් එයාගෙ රහස් ඔක්කොම දැනගෙන ඇවිත් ඔයාට කියන්නම්කො.හාද චූටි අයියේ.."
සුන්දරයා ෆෝන් එකත් අතෙන් ඇරන් තනි කකුලකින් උඩ පැන පැන ආයෙත් ඇතුළට දුවද්දී මන් ආයෙත් ඔංචිල්ලාවෙ ලණුවකින් ඔලුව හේත්තු කර ගත්තා.
YOU ARE READING
SOULMATE(Completed)
Fanfictionඅයිතියක් තියෙනවනම් ලැබෙනවමයි.. හරිම තැනදී හොඳම වෙලාවෙදී ගැළපෙනම කෙනාට (උපුටා ගැනීම තහනම්.)
