SOULMATE(Completed)

05

දුඹුරු පාට අරෙව්වා එකක්නේ..

කාගෙද දන්නෑ.මන් ටිකක් ඈතට ගිහින් සාක්කුවෙ තිබ්බ නටරාජ් පෙට්ටිය ඇරලා කවකට්ටක් එළියට ඇරන් ආයෙත් අර දෙන්නා ළඟට ආවා.

මන් කවකට්ට ඇරගෙන ඒක එහෙටයි මෙහෙටයි පෙරළලා බැලුවා.

IK

අයි කේ කියලා කලු පාට පෑනකින් ලියපු යටට අඳින දුඹුරු පාට හී මෑන් කලිසමක්..දැක්ක ගමන් කියන්න පුලුවන් අයියා කෙනෙක්ගෙ කියලා.ඒත් අයි කේ කියන්නෙ කවුද.....මන් පණ දාගෙන අයි කේ ගැන කල්පනා කරද්දී මෝක්ශයි මිතුනුයි ආයෙත් හිකි හිකි ගගා ගල උඩට ගියා.ආ.....හිතේ ඇති මාව දාලා යන්න.මන් දුවගෙන ගිහින් ඒ දෙන්නගෙ මැද්දෙන් පැනලා මිතුනගෙ කරටත් අත දාගෙන යාලු ෆිට් එකට වගේ මිතුනගෙ කොන්දටත් හයියෙන් පාරක් දීලා ඒ දෙන්නත් එක්කම හිකි හිකි ගගා ගල උඩට ආවා.

නරි නයිදේ පාඩම් කරලා අපි ඊළඟට ප්‍රශ්න අහන්න පටන් ගත්තා.ඒ මොක කරත් මගෙ හිතේ නම් තිබුනෙම අයි කේ කියන්නෙ කවුද කියන එක.

'ඉ' යන්නෙන් නම් එන අය කවුද ඉන්නෙ අපෙ හොස්ටල් එකෙ..ඉශාන් අයියා..ඉමුතු..ඉමල්ක..ඉරේශ්. හා.......පොඩ්ඩක් හෝව් පොඩ්ඩක් හෝව්ව්...ඉරේශ් කෝසල..හරිනෙ.අයි කෙ..එතකොට එයාගෙ තමයි අර දුඹුරු පාට හී මෑන් කලිසම.හොඳ වැඩක් කරන්නම් වට්ටි කටෝ..එදා අපිව බය කරාට.

"යාලු..දැන් සිංහල පලවෙනි පාඩම ඉවර නිසා අපි ගනන් ටිකක් හදමුද..ඒක හොඳයිනෙ මට බැරිමත් ගනන්.මගෙ ගාව පේපර් කට්ටලේකුත් තියෙනවා..පුලුවන් නම් ඒක ඇරන් එනවද.මගෙ පොත් ගොඩේ ඇති..කොළ පාට කවරයක් දාලා මිකි මවුස්ගේ ස්ටිකරයක් ගහපු එකක්."

"ඉතින් ඔයත් යන්කෝ ඔයාගෙ පොත් ගොඩ එදත් මගෙ අතින් වැටුනා පොතක් හොයන්න ගිහින්"

මිතුන් එහෙම කියද්දී මන් මෝක්ශවත් ඇඳගෙන මිතුන්ගෙන් ටිකක් ඈතට එක්කන් ගිහින් මෝක්ශගෙ කනට පහත් උනා.

"හලෝ..මට ආයෙත් අර කලන්තෙ ගතිය එනවා ඒකයි එන්න බෑ කියන්නෙ.මිතුන් ඉස්සරහ කියන්න බෑනෙ කලන්තෙ දැම්ම එක.අපි දෙන්නා ප්‍රොමිස් උනානෙ..නේ.."

"හා ඔයා ඉන්නකො අපි යන්නම්.කවුරු හරි ඔයාගෙන් ඇහුවොත් කියනවද ඔයා කකුල පැටලිලා වැටිලා කලන්තෙ දැම්මා කියලා..හාද?"