ليل العاصى

البارت التاسع

" فى غرفه الجيم المجاوره لغرفه ايهم "
كان ايهم بيتدرب بكل طاقته وجسمه كله عرق وبيتنفس بصوت عالى وبعد كده بقى يلعب بوكس وذى ما يكون شايف حد وبيضربه قدامه ومن كتر الغل القلفز اتقطع وايده بدءت تجيب دم وهو ولا حاسس وفجأه لقى حد بيصرخ فيه عشان يوقف ضرب
اميره : ايهم ايه اللى بتعمله ده ايدك كلها دم ولسه مكمل كفايه يا بنى حرام ليك ليه بتعمل كده
ايهم بص ليها ببرود ومهتمش ان ايده كلها دم ومر من جانبها  ولا كأن شايف حد ودخل الحمام غسل ايده ووشه وخرج ومهتمش بأى حاجه ولسه هيدخل اوضته لقى مامته واقفه ومنعته انه يمشى ويسبها
اميره : انا مش همشى من هنا غير لما اعرف مالك وليه بتعاملنى انا وابوك بجفا احنا عملنالك ايه وليه بقيت قاسى كده وانطوائى مع نفسك رد عليه
ايهم بصلها بصه كلها غموض وبعد كده قال : مفيش حاجه ممكن بقى تسمحيلى ادخل الاوضه ، ومستناش الرد وفعلا دخل اوضته ورزع الباب وهى وقفت مصدومه ومستحملتش طريقه كلامه راحت فتحت الباب بعصبيه وقالتله : انت ازاى تكلمنى كده انت ناسى انى انا امك
ايهم بضحكه صفراء وقال بسخريه : اها ما انا عارف
مسكته من هدومه وقالتله : تقصد ايه بكلمتك دى
ايهم:  مقصدش حاجه ، ممكن بقى تتفضلى عشان عاوز اغير وراح شال ايدها من عليه
هى كانت مصدومه ومعرفتش تعمل ايه ومقدرتش تسكت راحت مصرخه فى وشه وبقت تقول بصوت عالى : انت ازاى قاسى كده وليه بتعمل كده حرام ليك هو ده اللى استهله منك بعد كل اللى حصل وكانت دموعها تنهمر على وشها 
ايهم بصوت عالى وكان صوته مالى ارجاء المكان ووشه كله غضب وانفعال : عملتى ايه غير انك كدبتى عليا عشان مصلحتك،  ولسه هيكمل  كلامه لقى القلم نازل على وشه وبيبصوا لقى صفوت هو اللى ضربه بالقلم وقاله : اخرس ، الظاهر اننا اتسهلنا معاك والدلع اتقلب عليك ، وانت متستهلش
ايهم بكل برود ولا كأن فى حاجه حصلت : وانا همشى من هنا عشان فعلا انا مستحقش اى حاجه ولسه هياخد بعضه ويمشى لقى امه ماسكه فيه وبتعيط بصوت عالى وبتقوله
اميره : لا يا ايهم لو سبتنى هموت انا مليش غيرك ، انت ابنى اللى مليش غيره عشان خاطرى 
ايهم : شال ايدها وفتح دولابه واخد تيشرت ولبسه وفتح الباب ونزل على السلم وهى عماله تصرخ بأسمه وتعيط وصفوت واقف مصدوم من قسوته وفجاه وقعت من طولها على الارض وصفوت صرخ بأسمها وايهم لسه هيفتح باب الفيلا سمع صراخ ابوه كان هيمشى ومش هيهتم لكن مقدرش ورجع ليها وشافها مرميه على الارض وفضل واقف متحركش ومحسش بأى حاجه غير لما شاف الاسعاف ومامته جواها وبعدها فاق وركب عربيته وراح وراها المستشفى ،وبعد شويه
صفوت لمح الدكتور جرى عليه : خير يا دكتور طمنى
الدكتور : للاسف هى اتعرضت لضغط نفسى ، بس احنا شاكين ان فى حاجه ف القلب
صفوت : حاجه ايه يا دكتور
الدكتور : مش هقدر افيدك غير لما اعمل الفحوصات المطلوبه وبعد كده هنشوف هيحصل ايه ، عن اذنكم
وقف صفوت ومش عارف يتكلم وبيبصى ملقاش ايهم جنبه فضل يدور عليه ملقهوش وبعد كده لمح الممرضه خارجه من الاوضه بتاعت مراته راح دخل عشان يطمن عليها
اميره اول ما شافته : فين ايهم
صفوت : متخافيش هو كويس وموجود ، بس خليه يقعد مع نفسه عشان يراجع حساباته
اميره : ايهم عرف الحقيقه
صفوت : عرفتى منين ، هو قالك
اميره : كل اللى حصل ده وتقولى عرفتى منين
صفوت : معنى كده انه رجعتله الذاكره ، طب امتى وازاى
اميره : معرفش بس كل اللى اعرفه انه هيضيع منى ، وهيكون عاوز ياخد حقه
صفوت سكت ومعرفش يرد وحس ان كل اللى عمله ضاع هباءاً
                    ( فلاش باك )
شافوا عربيه مقلوبه خرج السواق لقى العربيه بتسخن وشكلها كان هيولع ولقى صفوت واقف وراه وبيقوله : فى ايه
السواق : الحق يا باشا العربيه هتولع وجواها ناس
صفوت : طب بسرعه يلا نحاول نطلعهم
اميره : يا لهوى ايه ده
صفوت : ابعدى يا اميره ، لحسن العربيه شكلها هتولع
وبص جوه العربيه شاف طفل مرمى على وشه وشاف الاب والام بس شكلهم مضروبين بالرصاص حاول يشوف حد عايش لقى الاب والام ميتين ولسه بيعدل الطفل اتصدم اول ما شافه وحس انه جاله شلل ومعرفش يتحرك
السواق : بسرعه يا باشا العربيه هتولع
صفوت شال الطفل وجرى بيه ولسه السواق بيفتح باب العربيه ليهم لقى العربيه التانيه ولعت وكل اللى فيها اتفحم دخلوا العربيه بسرعه وطلع السواق يجرى واميره اول ما شافت الطفل معرفتش تتكلم وحاسه لسانها عجز عن الكلام ومش مصدقه ده نسخه مت ابنها ايهم
وبعد شويه وصلوا المستشفى واخدوا الطفل منه واميره كانت خايفه عليه كأنه ابنها
اميره : شوفت الطفل ده يا صفوت
صفوت : سبحان الله
اميره:  يا ترى مين عمل كده
صفوت : مش عارف بس ابوه وامه مضروبين بالرصاص كانوا ميتين اصلا ، الطفل لا مكنش زيهم واضح ان اللى عمل كده حط الطفل جوه العربيه وقالبها من فوق الجبل عشان يخلص منهم ويبان انه قضاء وقدر
اميره : ومين ممكن يعمل كده ، حسبى الله ونعم الوكيل
صفوت : كله هيبان وهنعرف مين اللى عمل كده
صفوت عمل مكالمه عشان يبلغ عن الحادثه وقالهم ان فى عربيه ع الطريق انفجرت بس جواها ناس ومجبش سيره الطفل وهو استغرب نفسه ، وبعد شويه خرج الدكتور وقاله : انه دخل فى غيبوبه بسبب وجود ارتجاج فى المخ نتيجه الوقعه  ولما هيفوق هيعرف اذا كان فى حاجه او لا وكمان ايده ورجله اتكسروا ورجله الشمال عمله فيها عمليه ، وبعد شويه جاله تليفون ان الجثث راحت المشرحه ولسه هيستنوا لما يتعرفوا عليها
وفضل هو ومراته فى المستشفى لتانى يوم وجاله تليفون وعرف ان فى شخص اسمه مدحت الابيارى عمل بلاغ عن غياب اخوه ومراته وابنه وبعد البلاغ اتعرف على الجثث وطلعوا هما بس للاسف بيقولوا ان الطفل مش موجود ، قفل صفوت التليفون وهو شاكك فى حاجه وعمل مكالمه لشخص مجهول وطلب منه يعرف كل حاجه عن مدحت الابيارى وبعد ما قفل
اميره : فى حاجه حصلت
صفوت حكى عليها على اللى عرفه ،
اميره : يعنى انت شاكك فيه ، مش معقول دول اخوات
صفوت : معرفش على العموم كله هيبان
وفى نهايه اليوم جاله تليفون وده كان الصدمه لما عرف ان مدحت واللى حصل معاه زمان وانه لسه خارج من السجن وكده بقت شكوكه حقيقه بس كده لو عرف ان الطفل عايش ممكن يموته ، وحكى لمراته وهى قالتله: اسمع يا صفوت الولد ده من النهارده اسمه ايهم وهيكون بدل ابنى اللى مات ، ربنا وقعه فى طريقنا عشان نعوض بعض على اللى حصل هو محتاج اب وام وكمان حد يحميه من عمه واحنا عاوزين اللى هيعوضنا عن ابننا
صفوت : اللى بتقوليه ده جنان وكمان هيحصل ازاى
اميره : ايهم محدش عارف انه مات وكمان عاصى لو مظهرش هيكون ف نظر الكل ميت اللى ادفن من كام يوم عاصى مش ايهم يا صفوت ، وده اخر كلام وقامت وسبته
صفوت فضل قاعد يفكر ف كلامها وبعد مرور اسبوع فاق عاصى وللاسف كان فاقد الذاكره والدكتور قالهم انه لو شاف حاجات تفكره بالماضى هيفتكر لكن طول ما هو بعيد مش هيفتكر حاجه
وساعتها قرروا انهم هيسافروا بره مصر ومش هيرجعوا هنا تانى ، عشان عاصى ينسى كل الماضى وهيعيش على انه ايهم
                           ( عوده للحاضر )
فاق صفوت من سرحانه على صوت اميره وهى بتقوله : سرحت ف ايه
صفوت : ف الماضى
اميره : طب هتعمل ايه
صفوت : لازم اتكلم معاه الاول
اميره : انا خايفه لحسن يسبنا
صفوت : الظاهر اننا غلطنا ، وجه وقت دفع الحساب
خافت اميره من كلام صفوت ومعرفتش ترد
   *_______________________________*
ليل كانت فى المدرسه والفضول هيقتلها وتعرف مين بسمه وايه حكايتها وما صدقت ان الفسحه بدءت عشان تعرف اللى حصل
باسل : على فكره انا عارف انك عاوزه تعرفى كل حاجه
ليل : بصراحه اه
باسل : بصى يا ستى الحكايه كلها ان بسمه دى تؤامى وهى اتولدت وعندها عيب خلقى ف قلبها وللاسف مكنتش بتمارس حياتها بشكل طبيعى وانا مكنش بيفرق معايا اى حد بلعب وبخرج وبتفسح وبروح حمام سباحه وهى كانت محرومه من كل ده وانا مكنش فارق معايى حتى لما كانت ساعات تتعرض للتنمر من اصحابها بسبب انها مش بتعرف تعمل اللى هما بيعملوه وده كان مقصر معاها اوووى كانت دايما حزينه ولوحدها وكنت بشوف فى عنيها حزن ذى اللى ف عينك ده ومن سنتين الحاله اتدهورت وللاسف ماتت وماما من الزعل عليها جالها السكر وبابا قرر انه يشتغل بره مصر واحنا سبينا بيتنا القديم عشان ماما كانت بتفتكر كل حاجه فيه خاصه ببسمه عشان كده انا طول الوقت حاسس بالذنب عشان معرفتس اكون جنبها وقت ما كانت محتاجه ده عشان كده اول ما شوفتك قررت اعوض كل ده فيكى
ليل اتاثرت اوووى بكلام باسل وفضلت تعيط وهو كمان كان بيعيط ومن اللحظه دى قررت ليل يكون ليها اخ يساندها ويساعدها على كل اللى اتعرضت ليه ف حياتها
*_______________________________*
انتهى البارت
ياترى عاصى رجعت ليه الذاكره ازاى ؟
وهل هتدوم علاقه ليل وباسل ؟
وما هو مصير ليل وعاصى ده اللى هنعرفه البارت الجاى لانه لازم نبدء الروايه بقى لما يجتمع النهار مع الليل والقسوه مع الرحمه
اشوفكم البارت الجاى متنسوش التصويت والمتابعه عشان تشجعونى سلام حبايب قلبى اشوفكم على خير سلام 👋👋👋