ليل العاصى

البارت الثانى والعشرون

"فى شركه ايهم الشلقانى "
شهد : انت
الشخص : انتى، معقوله الدنيا صغيره اوووى كده
صابر : حضرتك تعرفها يا فارس باشا
فارس: لا بس حصل موقف كده بسيط بينا، وكان بيتكلم وعينه عليها ومنزلهاش
شهد كانت مكسوفه من نظراته وغصب عنها خدودها بتحمر والخجل باين عليها
فارس : بس انت تعرفهامنين يا استاذ صابر
صابر : ما هى دى البنت اللى انقذت المدام لما وقعت ف الشارع واخدتها الى المستشفى
فارس : طب اتفضلوا اقعدوا ، ثم وجه كلامه ليها ، وسالها خريجه ايه
شهد : كليه تجاره
فارس : اشتغلتى قبل كده
شهد : لا دى اول مره ، وكانت بتفرك ايديها فى بعضهم من كتر التوتر
وفارس كان ملاحظ ده وبيدقق فى كل تفاصيلها
فارس : خلاص اتفضل انت يا استاذ صابر
صابر : حاضر ، عن اذنكم ،وخرج وسابهم وده خلاها تتوتر اكثر
فارس : اسمعى يا شهد ، انتى هتكونى السكرتيره الخاصه بيه ومتقلقيش الشغل مش صعب 
لكن الالتزام فيه مهم واحيانا بيكون فى سفر
شهد بخضه وقامت وقفت  : سفر ، سفر لا مينفعش
فارس : اهدى اهدى واتفضلى اقعدى ، والسفر ده نادر لما تحصل ، خلاص بقى ممكنترتاحى وانهى كلامه بإبتسامه على تصرفها
شهد بخجل : معلش انا متاسفه بس انا عندى ظروف تمنعنى من السفر
فارس : وقتها نبقى نشوف هنعمل ايه ، اتفضلى بقى عند السكرتيره اللى بره ، هى هتفهمك كل حاجه وهى هتقعد معاكى اسبوع بس وبعد كده هتمشى تمام يلا بقى وورينى شاطرتك
شهد : حاضر ، عن اذنك ، وخرجت وهو فضل باصص عليها لحد ما خرجت وفجاه افتكر لما كان شايلها ومكنش عاوز  ان حد يلمسها وقد ايه كان خايف عليها بس بعد كده نفض هذه الافكار ورجع كمل شغل تانى
***************************
عاصى قرر يدخل الاوضه واول لما تدخل وقرب منها سمع صوت نفسها وكانت المفاجاه ان ليل قاعده مكانها من امبارح متحركتش كأنها بقت صنم معقوله مكنش مصدق نفسه لما قرف منها ولمس كتفها وهى مش بتتحرك او بتصدر  اى صوت وبدون سابق انذار عاصى بكل هيبته وشموخه يقعد على ركبه قدامها ويحضن وشها بكف ايده ويقرب وشه منها لدرجه ان نفسهم بقى واحد وبقى يمسح بإبهامه دموعها وليل بعد ما القشعريره وصلت جسمها وقلب دق جامد ذى ما يكون كانت فى غيبوبه ورجعت للحياه تانى وفضلت باصه عليها ودموعها زادت ذى الشلال وعاصى عمال يمسح دموعها وفى وسط دموعها احس بجرح بجانب شفتيها وحس بملمس الدم ف ايده ، عاصى اقسم فى نفسه ان احس بوجع بينهش فى قلبه واول مره يحسه فى حياته كلها وكأن قلبه بيصرخ من وجعه لما ضربها وكل دمعه منها كانت بتحرقه وده اللى خلاه يقرب اكتر ويسند مقدمه راسه على مقدمه راسها وهى بقت تعيط وتتشهق كأنها بتخرج فى دموعها كل وجع وحزن السنين اللى فاتت
عاصى بهدوء وصوت كله وجع : اششششش ليل ،، سمعانى ليل
اه والف اه من نطقه لاسمها كانت حاسة بكل الامان والحنيه وهو بينادى عليها بالرغم انها موجوعه منه لكن مش قادره متحسش بالامان معاه كأنه بقى هو الدنيا فى عينها وهو السبب انها عايشة ولا غاب هتتبدل وتموت وراه
عاصى : كفايه دموع يا ليل ، صدقينى انا مش متحمل
ليل ساكته ومش بترد ومفيش غير صوت التنهيده بعد كل دمعه منها
عاصى : مش هتردى عليا
ليل : نعم
عاصى بعد عنها شويه ولكن لسه حاضن وشها بين كفوفه : متعيطتيش تانى ، مفهوم
ليل : انت وجعتنى اوووى
عاصى سابها وقام وقف وهى رفعت وشها ليه وقالها بصوت مهزوز : متأكده ان انا اللى وجعتك ، ولف نفسه عشان يخرج من الاوضه
ليل هبت واقفه ومسكت ايده ووقفت قصاده وقالتله: تقصد ايه ، انا اللى وجعتك ، طب ازاى وانت اللى شدتنى من ايدى لحد ما زقتنى هنا وبعد كده ، سكتت ومقدرتش تقولها ذى ما يكون صعب عالى ، وبعدين قالتله ولا عشان الكلام اللى قولتهولك
عاصى : انتى قولتى اللى قلبك يا ليل ، انت فعلا ندمتى انك وقفتى جمبى ، وبكل جمود قالها على العموم كلها كام يوم وهتخلصى
ليل : انت ازاى بتعرف تتحول وتتشكل كده مره تبقى قاسى ومره تبفى طيب ، ومره توجع ومره تداوى ،وانا بين كل مره ومره بتعذب ، سكتت لحظه عشان تاخد نفسها  وبعدين قالتله بكل قوه حاضر يا عاصى انا همشى ، اكيد همشى
عاصى : اعملك ايه قوليلى اعملك ايه ، اقولك متتكلميش مع حد تعصى كلامى ، اشد عليكى تقوليلى انك ندمانه ، احاول اجى على نفسى عشان اصالحك تقوليلى انك هتمشى اعمل ايه  ، بجد مش عارف اعمل ايه
ليل فضلت ساكته وبتعيط مش عارفه مين اللى غلط فى حق التانى او وجع التانى ولا هما الاتنين بيوجعوا بعض
عاصى قرب منها ومسك طرف ذقنها ورفع وشها وقالها بصوت كله حب : مش قولتلك متعيطتش تانى ، ويلا بقى روحى خدى شاور وانا هبعت البواب يجيب لينا اكل تمام
ليل بإبتسامه : حاضر
عاصى بدون اراده ومقدرش يقاوم قرب منها وباس مقدمه راسها ولما حست بملمس شفتيهى على راسها حست بقشعريره جامده تسير فى جسمها خلاها اتنفضت وهو حس بيها وبعد اجهاد منه قرر يبعد عنها وخرج على طول من الاوضه عشان حس بضعفه قدامها ودخل اوضته واتنفس بصوت عالى وقال : معقول عاصى اللى مش بيرحم حد وبيقتل بدم بارد ييجى قدامك انتى يا ليل ويبقى كده ، انتى فعلا خطر عليا وخطر اوووى كمان
****************************
" فى شقه جاين "
كانت رايحه جايه وبتخرج دخان السيجاره بكل عصبيه لحد ما جرس الباب رن وجريت تفتح
جاين : ها عملت ايه
مدحت : انا بعت الرجاله تدور فى كل حته قولتى عليها ، مش موجود كأنه فص ملح وداب
جاين بكل عصبيه : يعنى ايه ، ايه الارض اتشقت وبلعته
مدحت : احنا لازم نلاقيه ، عاصى لو عمل العمليه وخف قولى علينا يا رحمن يا رحيم
جاين : انا عاوزه اعرف مين البت اللى معاه دى، اكيد مستخبى عندها
مدحت : انا هتجنن عاصى مش بيسمح لحد يقرب منه ويقوم ما يبقى تبقى بنت غريبه اوووى
جاين : شكلها مش اى حد اكيد بيحبها ، محدش يعمل كده غير لما يكون بيحب
مدحت : الكلام ده مستحيل ، عاصى عمره ما هيفكر حتى انه يصاحب مش يحب ،سيبى الكلام ده لاى حد طبيعى
جاين : ما هو ده اللى هيجننى ، ازاى وامتى وليه واشمعنى هى ، انا قربت اجنن ، البنات كانوا بيترموا تحت رجله ، عملت ايه عشان تخلى واحد ذى عاصى ده يعمل عشانها كده
مدحت بنظره شك : انتى غيرانه ولا ايه ، ولا ميكنش بتحبيه
جاين بلجلجه : لا طبعا بس مستغربه ، وكانت بتشرب السيجاره بكل توتر ، المهم كملوا بحث عنه لحد ما تتوصلوا ليه وكمان حاول تعرف مين هى البنت دى ، هى مفتاحه دلوقتى
مدحت : تمام،انا همشى ولو فى اى حاجه هبلغك ، سلام
وبعد ما مشى جاين فضلت تجز على اسنانها من الغيظ : ورحمه ابويا لهدبحها قدام عينك واحصرك عليها يا عاصى .
**********************************
كانت شهد مندمجه فى الشغل وبتستوعب بسرعه وفجاه خرج فارس من مكتبه
وسالها : اخبار الدنيا ايه تمام
شهد : اه الحمد لله
فارس : طب يلا شدى حيلك ، اسيبكم بقى تكملوا وانا عندى مشوار مهم هرجع على ميعاد الاجتماع
شهد : تمام ،  وبعد ما خرج اتنهدت ، فجاه لقيته فى وشه بيقولها : طب ما تيجى معايا عشان تتعلمى
شهد بتردد : تمام اتفضلى وخرجت وراه وهو استغرب نفسه،هى هتتعلم ايه فى المشوار ده وخرجوا من الشركه وركبوا العربيه وهى كانت مكسوفه وطول الطريق هى كانت باصه على الشباك وهو احترم خجلها وسابها على راحتها ومحبش يضغط عليها
*****************************
عاصى طلب الاكل وهى اخدت شاور وخرجت شافت هدوم على السرير واستغربت هى الهدوم دى جت امتى وكانت عباره عن دريس لونه كاشمير ى وطرحه بيضاء لبست هدومها وخرجت وشافت الاكل فى الاكياس على التربيزه وهو قاعد مستنيها بدءت تتطلع الاكل وتحضره وفضلوا يتسامروا فى كلام عادى لحد ما سالته
ليل : هما ليه الناس دى عاوزه تموتك
عاصى ساب الاكل وهب واقفا وقرب منها وهى بصتله بكل خوف
******************
انتهى البارت اشوفكم البارت الجاى سلام 👋👋👋👋