البارت السادس عشر

703 13 0
                                    

"فى شركة ايهم الشلقانى "
فى غرفة الاجتماعات كان يجلس فارس ف مقدمه الطاولة وعلى يمينه مدير التنفيذى للشركه وعلى يساره نادر وبجانب نادر المحامى وعلى الناحية المقابله يجلس مدحت وبجانبه مدير اعماله
فارس : انا عملت الاجتماع ده بعد موافقه بابا وعمى عشان اخد بعض القرارات واول قرار ان ف غياب ايهم واحنا مش عارفين اذا كان عايش ولا ميت ولكن لحد ما نعرف لازم نكمل اللى بدءنا فيه وهو اننا نكمل ورق الشراكه اللى بينا يا مدحت بيه ونفذ المشاريع لحد ما يرجع ايهم قولت ايه
مدحت فرحان بس مستغرب شويه ولكن اهم حاجه ان خطته ماشيه ذى ما هو عاوز
اما نادر ف كان بيغلى من جواه هو مش عاوز مدحت معاهم ف الشركه وعاوز يلخص منه بعد ما تنتهى العمليه يقوم يبقى شريك معانا ف الشركه الجديده
فارس : مردتيش يعنى ايه رايك
مدحت : طبعا موافق مع انى كنت اتمنى امضى وايهم باشا موجود بس ان شاء الله يرجع بالسلامه وده الاهم طبعا
فارس بإبتسامه غيظ : تمام اتفضل امضى عقد الشراكه
فعلا مضى عقد الشراكه ونادر كان على اخره بس قال ف سره معلش ملحوقه وبكره كله هيكون بتاعى وساعتها مش هسمى على حد وبعد انتهاء الاجتماع مدحت نزل من الشركه لقى رساله على الموبيل " هستناك ف المكان بتاعنا الساعه سبعه وطبعا لوحدك سلام "
القى الموبيل داخل العربيه وطلب من السواق انه يروح على الشركه
وفى غرفه الاجتماعات فارس طبعا مش عارف يوصل لعاصى بعت رساله وقاله ان العمليه تمت وبعدها ادى الورق للمحامى ذى ما عاصى كان قايله وبعدين قام يروح مكتبه ولسه هيقعد دخلت السكرتيره
السكرتيره : صباح الخير يا فندم
فارس : صباح النور ، جهزى كل ورق المشروع الجديد وابعتيه للمحامى تمام
السكرتيره : حاضر يا فندم بس كنت عاوزه اقولك على حاجه
فارس : خير
السكرتيره : انا هسيب الشغل اخر الشهر ده وانا قولت ابلغ حضرتك عشان لو فى حد هييجى ادربه قبل ما امشى
فارس : ليه هتسافرى امتى
السكرتيره : بعد الفرح بيومين بس طبعا حضرتك معزوم
فارس : طبعا يا هاله انتى من زمان معانا وانا بعتبرك ذى اختى ع العموم اعملى اعلان ان احنا عاوزين سكرتيره مع انى مش هقدر استغنى عنك لكن معلش اهم حاجه تكونى مع جوزك وتكونى مستقبلكم ربنا يوفقكم
السكرتيره : انا متشكره جدا يا فندم عن اذن حضرتك
فارس : اتفضلى ، بعد ما خرجت فارس قال ف سره : يا ترى مش بترد ليه يا عاصى وحصل ايه معاك
******************************************
" فى فيلا الابيارى "
قرر عاصى يقولها على قراره الجديد خبط على الباب ولما مسمعش رد فتح الباب
عاصى بصوت عالى عشان لو نايمه تصحى لانه مش شايفها : مش بتردى ليه
قامت ليل مفزوعه من على الارض ووقفت قصاده
ليل : كنت نايمه
عاصى اتنحم وشعر بضعف صوتها : انا هستناكى تحت عشان نتكلم وخرج وسابها ومقدرش يقف يقولها بعد ما سمع صوتها ، هو كان مقرر انها تمشى بس لما سمع صوتها مقدرش يقولها
ليل نزلت وراه ووقفت قصاده : نعم عاوز ايه
عاصى : بصى لو عاوزه تكملى تمام مش عاوزه تمام بس بشرط هتقعدى ف مكان لحد ما المهمه تخلص وبعد كده هسيبك براحتك
ليل : وانا كده استفدت ايه انا بردو هفضل محبوسه
عاصى : عشان لو شيطانك قالك انك ممكن تقولى على اللى بيحصل هنا ساعتها مش هتلاقى دليل بس هيكون موتك حلال
ليل : بغض النظر عن صيغه التهديد اللى بتتكلم بيها دى انا لو كنت عاوزه اعمل حاجه مكنتش ساعدك من الاول وسبت شغلى وحياتى ومتقوليش عشان الفلوس وسكتت عشان الدموع غلبتها وهو حس بكده وبعد كده اتنفست وكملت كلامها عشان انا وقفت جمبك من غير ما اعرف انك غنى ولا فقير ولا فكرت ف فلوسك اصلا ومكنتش اعرف انك هتعرض عليا وانا لما وقفت مش عشان الفلوس عشان حاجه تانيه ، عاصى ضم حواجبه بمعنى حاجه ايه بس هى مهتمش انها تقوله وكملت وقالت وبعدين انت عارف انى عمرى ما هقول حاجه ومش هقولك عشان انا امينه او بخاف او الكلام ده لكن عشان انا فعلا معرفش حاجه ومش عاوزه اعرف ف ارجوك خلينى امشى من هنا وارجع شغلى وحياتى واعتبر اننا مشفناش بعض وانا وعد منى لو قابلتك صدفه مش هكلمك وانت لما ربنا يكرمك وتخف مش هتعرفنى اصلا ف ممكن بقى تسبينى وخلصت كلامها وكانت حاسه انها مخنوقه اوووى ومش عارفه ليه لدرجه انها حاسه دموعها ذى السكينه بتدبحها وذى ما يكون بتوجعتش قبل كده وحتى موت امها او باسل محستش بالوجع ده وده اللى وجعها ومحيرها اكتر
اما عاصى ف حاله ميفرقش عنها كتير احساس الوجع اللى طول الوقت حاسه من ناحيتها وكأن مع كل دمعه منها بيحس بوجع جواه وبالرغم من انه بيحاول يبين قسوته الا انه ف الاخر بينهزم قصادها ومش عارف ليه دى بالذات بالرغم انه ميعرفهاش ولا شافها اصلا
عاصى بتنهيده طويله : ده قرارى النهائى ومستنى ردك ، ومشى وسابها هو كان مقرر انها تمشى بس معرفش يقولها ولا قدر يعمل كده
ليل قاعدت مكانها على كرسى الانتريه وهى حيرانه وفكرت وقالت ف نفسها مادام حبسه بحبسه يا ليل خليكى هنا ومادام هو مش شايف غير انك بتاعه فلوس خلاص انتى فعلا محتاجه الفلوس يبقى خلاص اعملى مره زيهم وخليكى تفكرى بعقلك وبلاش تفكرى بقلبك وقامت تجرى على السلم وخبطت على الباب ومسمعتش رد فتحت الباب بالراحه ملقتش حد بعدين فضلت تبص عليه لفت نظرها كتاب موجود على السرير مكتوب عليه " مذكراتى"
الفضول غلبها وقربت منه عشان تشوفه سمعت صوت ضرب جامد ونفس عالى فضلت متابغه الصوت لحد ما شافت عاصى واقف وبيلعب بوكس فى بتاعه كده ذى اللى بتشوفها ف التلفزيون وجواها قطن بس المشكله ان ايديه فيها دم لانه مش شايف وبيضرب وبيعور نفسه بس الغريبه انه مكمل ولا حاسس جريت عليه ووقفت ف وشه وقبل ما يضرب مسكت ايده جامد وقالتله : كفايه ايدك كلها دم
عاصى شال ايديه منها وقالها بصوت عالى : وانتى مالك اطلعى برا
ليل : انا هطلع برا بس انا شوفت ايدك فيها دم ف قولت الحقك ع العموم انا اسفه انا غلطانه ومرت من جمبه عشان تخرج راح مسك معصم ايديها ووقفها قصاده وقالها : ايه اللى جابك
ليل حاولت تشد ايديها منه لكن هو كان ماسك معصم ايديها جامد : كنت هقولك قرار ممكن بقى تسيب ايدى
عاصى مهتمش وقالها : وايه قرارك
ليل : انا موافقه انى اقعد وهى كلها شهر واهو فات كام يوم وبعد كده خلاص وهى حبسه بحبسه بس اختار اللى هتفدينى
عاصى ساب ايديها على طول كأنها جرب وهتعديه وقالها بصوت كله جمود : تمام بس نش هتتنفسى غير بأمرى ، يلا اطلعى برا
ليل خرجت ، وبعد خروجها ضرب ايده ف الحيطه وقال : كان عندى حق كلبه فلوس وبعد كده خرج من الاوضه ودخل الحمام وفتح الدش وكانت المايه سقعه بس هو كان حاسس ان ف نار جواه
**********************************
كانت شهد بتحضر الغداء وبعدين لقت الباب بيخبط جامد لبست الطرحه بسرعه وفتحت الباب شافت الراجل اللى شغال مع خالها ف الورشه بيقولها ان خالها وقع من طوله وراح المستشفى اتخضت ودخلت تلبس العبايه ولفت الطرحه بسرعه وطلعت تجرى على خالها
ف المستشفى خرج الدكتور من الاوضه
شهد : خير يا دكتور خالو عامل ايه
الدكتور : ازاى تسمحوا انه يشتغل وانتوا عارفين حالته .
شهد : والله يا دكتور هو اللى مش بيسمع الكلام، بس هو حصله ايه
الدكتور : ده هبوط حاد بسبب زياده مجهود هو مينفعش يشتغل ده بيغسل مرتين ف الاسبوع كده غلط
شهد : خلاص يا دكتور انا هعمل كل اللى هتقولى عليه
وبعد ما خلصت كلام معاه دخلت الاوضه وكان شكله تعبان اوووى
شهد : الف سلامه عليك يا خالو كده تخضنى عليك
منصور : والله قولتلهم محدش يقولك
شهد : ليه يا خالو احنا لينا غير بعض وبعدين هو مين يقف جمبك غيرى مش انا شهد حبيبتك
منصور : طبعا حبيبتى بس مكنتش عاوز اقلقك
شهد : ولا قلق ولا حاجه ، وبعدين انا كنت محضره ليك مفاجاه
منصور : مفاجاه ايه
شهد : بعد ما اتكلمنا الصبح قعدت افكر ف كلامك وبعدين كلمت واحده صحبتى وقالتلى انها هتشغلنى فى الشركه بتاعه واحد قريبها ها ايه رايك بقى
منصور : مبروك يا حبيبتى ايوه كده فرحتى قلبك
شهد : بس يا خساره كنت عامله مسقعه بس للاسف هاكلها لوحدى ما انت تعبان
منصور : مين قال كده انا ذى الفل حتى هقوم دلوقتى ونمشى على طول
شهد : ايوه كده انا خوفت لاكلها لوحدى ولا حاجه ، وفضلوا يضحكوا وهى كانت بتضحك ومن جواها بتتنمى ان ربنا يرزقها بشغل هى كانت بتكدب عليه عشان خافت لحسن ميرضاش يقعد من الشغل عشان الظروف وكده ف خطر على حياته واضطرت تعمل كده وعارفه ان ربنا هيساعدها وبعدين ساعدته عشان يجهز نفسه ويرجعوا  على البيت 
****************************
"فى مكان بعيد"
مجهول 1 :  ماذا قررتى
مجهول 2: غدا هركب طائرتى للذهاب الى متعجرفى
مجهول 1 : لا زالتِ مصممه
مجهول 2: طبعا واكثر من الاول ، غدا اللقاء
مجهول 1:  انك لا تستطيعى نسيان ما حدث
مجهول 2: وكيف انسى ما حدث ، لن انسى حتى استطيع ان ارد حقى ولو وصلت للموت 
وضحكن بصوت عالى وهى تتوعد له الف وعد 
**************************
"فى مكان مهجور "
نادر : اهلا هلا بالشريك الجديد
مدحت : خير يا نادر بيه
نادر: خير طبعا بس كنت عاوز اقولك انا ليه 50% من الارباح
مدحت : نعم انت بتقول ايه لا طبعا مينفعش
نادر: انا مش باخد رايك انا ببلغك بس
مدحت : وانا ايه اللى يجبرنى
نادر : ولا حاجه بس فيديو صغير يوصل لعيلتى بكره هتكون جمب اخوك ومراته
مدحت : يعنى هتفضح نفسك
نادر: هو انا تلميذ كل اللى معايا يدينك انت ولو تعرف تثبت انى معاك اعمل كده
مدحت سكت وهو متغاظ ونفسه يقوم يقتله
نادر: الله يبارك فيك، بكره هتدخلنى شريك معاك بس من غير اسمى ما يكون ف الموضوع
اشوفك بكره بقى سلام ، مشى ومدحت كان هيولع من الغيظ وقال ف سره ماشى نخلص بس من الافعى الكبيره وبعد كده نخلص على الديل وابتسم ابتسامه لاتدل الا ان هذا الشخص مريض نفسى
**********************************
" فى فيلا الابيارى "
كانت ليل بتحضر العشاء نزل عاصى ولكن مكنش مديها اى اهتمام  وجلس عشان يبدء يأكل 
ليل استغربت طريقته ولكن مهتمتش وقعدت عشان تاكل
ليل : انا عاوزه بكره اروح المستشفى عشان انا بقالى كام يوم وكده هيشكوا فيه وبعدين هطلب منهم اجازه
عاصى : معقوله واحده عامله حادثه وف غيبوبه وتروح برجليها المستشفى
ليل الاكل وقف ف زورها وكانت بتكح جامد : انت انت بتقول ايه
عاصى : ايوه انتى عملتى حادثه ودخلتى ف غيبوبه والدكتور اللى انتى شغاله معاه  بنفسه كلم المستشفى اللى انتى فيها وبلغوه انك فى غيبوبه فعلا لما راح يسال عليكى
ليل : انت بتقول ايه وازاى عملت كده وليه .
عاصى : عشان ابرر غيابك ومحدش يشك فيكى وازاى بقى مش مهم تعرفى
ليل :هو ايه اللى مش مهم انت بأى حق تعمل كده حتى من غير ما ترجعلى
عاصى : انتى اتجننتى ازاى تعلى صوتك وانا اعمل اللى انا عاوزه فاهمه
ليل : لا مش فاهمه انا مش شغاله عندك بطل بقى العجرفه دى انا بجد بندم على اليوم اللى شوفتك فيه وسابت الاكل وطلعت تجرى وقفلت الباب وفضلت رايحه وجايه وحست انعا فى دوامه
بعد دقايق لقت الباب بيتفتح وهو دخل ووقف قصادها
ليل : عاوز ايه ، اخرج برا كفايه اللى عملته
عاصى : اسمعى الظابط كان بيدور عليكى كان شاكك فيكى واللى حصل ده عشان مصلحتك وبعدين كله بثمنه
ليل : كفايه بقى كفايه انا مش عاوزه مش عاوزه انا غلطانه والله انا غلطانه بس خلاص مهما يحصل انا همشى ودلوقتى حالا حتى لو كنت هموت وخبطت ف كتفه وطلعت تجرى وهو طلع يجرى وراها بس مكنش عارف يحصلها لانه مش قادر يجرى بسرعه عشان مش شايف وفتحت باب الفيلا وطلعت تجرى وهو نزل من على السلم وبيجرى اتكعبل ووقع من عليه وبعد كده متحركش من مكانه ، ليل سمعت الهبد اللى حصل وقفت لحظه وبعدين جت تكمل مقدرتش ورجعت وكانت الصدمه
*************************
انتهى البارت اشوفكم على خير البارت الجاى سلام 👋👋👋👋👋


ليل العاصى حيث تعيش القصص. اكتشف الآن