ليل العاصى

البارت التاسع عشر

فى شقه من اروع الاماكن التى ممكن ان تراها فى حياتك وما بها من فخامه وجمال كانت تجلس هذه الافعى الصغيره جاين على الاريكه وتتحدث بالهاتف وتنفخ فى سيجارها
جاين : انت فين
الشخص : ..............
جاين : تمام مستنياك عاوزه  سلام
وقفلت الموبيل وهى مازالت تنفخ فى سيجارها ثم امسكت بالموبيل مره اخرى وطلبت رقم
وعندما جاء الرد
جاين : ايوه يا نادر ابعتلى الشخص اللى قولت عليه انه هو اللى ضرب عاصى وافتكر انه مات
نادر : .............
جاين بعصبية : مش شغلك مفهوم اعمل اللى بقولك عليه وبس من غير اى سؤال فاهم
وقفلت السكه فى وشه وابتسمت وقالت : بكره هخليك تندم على اليوم اللى شوفتنى فيه يا عاصى
__________________________________
" فى فيلا الابيارى "
ليل بتبلع ريقها وحاسه انى مش قادره تتنفس وقالت بصوت خافت
ليل : هتودينى فين
شعر عاصى بخوفها هو طول الوقت كان بيراهن نفسه انه مش هيضعف قدامها وهينفذ كلام فارس عشان يثبت لنفسه انها مش تهمه فى حاجه ولكن خسر الرهان قدام نفسه اول ما سمع نبرت صوتها والخوف اللى فيها ليه طول الوقت حاسس انها مش غريبه عنه انها حته منه ليه احساسه ده هو بيكرهه عمره ما حس الاحساس ده حتى مع الناس اللى كان عايش معاهم وبيعتبرهم اهله لكن الاحساس ده غريب وعشان هو كبريائه عالى ولسه القسوه والظلام فى قلبه رمى احساسه وضغط على قلبه وقالها بكل جمود
عاصى : تعالى ورايا عشان اوريكى حاجه قبل ما اقولك على المشوار
خرج عاصى وهى وراه وكانت ترتجف وفضلت تفكر فى الف احتمال واحتمال وقطع صوت تفكيرها لما دخل اوضته وفتح الدولاب وطلع نقاب فى ايده وبيدهولها
ليل : ايه ده
عاصى : انتى شايفه ايه
ليل : قصدى يعنى ليه يعنى
عاصى : عشان مش عاوز حد يشوفك او يعرفك
ليل : بس انا محدش يعرفنى
عاصى بعصبية : وبعدين بقى قولت بلاش كلام كتير
ليل : طب خلاص هاته وامرى لله ، هروح فين بقى
عاصى : لسه
ليل : ايه تانى
عاصى : خدى دى كمان
ليل : ايه ده بيشه للدرجادى
عاصى : ايوه ، ويلا بقى اسكتى عشان تعرفى رايحه فين
ليل سكتت وبقت بتبصله اول مره تبص على ملامحه اووى كده ازاى مكنتش واخده بالها بالتفاصيل دى بالرغم انه ضرير الا انها شايفه لون عيونه وبشرته البيضاء التى يكسوها بعض النمش واه من نظراته وتقسم انها لو احدا راه لا يشك لحظه انه اعمى ولكن هيهات من جمال عيونه ولكن مليئه بالقسوه والظلام قطع تفكيرها وسرحانها صوته وهو بيقولها
عاصى : ركزى بقى معايا ، انا عاوزك بكره تلبسى النقاب ده والبيشه وبعد العصر هتخرجى هتلاقى تاكسى واقف بس اخر الشارع متتكلميش معاه اركبى فيه وهتنزلى قدام مستشفى وهتروحى تسالى عن دكتور جلال ولما تقابليه تقوليله انك جايه بخصوص العمليه واعرفى منه الميعاد امتى ويوم ايه والساعه كام وهتديله ظرف جواه شيك وهتخرجى هتلاقى نفس التاكسى مستنيكى بس هينزلك قبل هنا بشويه وانت هتتمشى لحد هنا وخدى بالك من كل حاجه بتعمليها فاهمه
ليل بتوتر : انا مش فاهمه حاجه مين الدكتور ده وعمليه ايه وليه كل ده انا بجد خايفه اووى حاسه انى تايهه وو
عاصى : وندمانه انك ساعدينى ر
ليل بسرعه : لا والله مش قصدى كده ، انا قصدى انى خايفه عشان اول مره اتحط ف موقف ذى كده فاهمينى
عاصى : فاهمك ، عشان كده لما هتروحى للدكتور هيقولك على ميعاد العمليه بتاعتى وساعتها بلع ريقه كأنه حلقه جف والكلمه تقيله عليه
ليل : ساعتها ايه ، وهى مترقبه كل حركه بيعملها
عاصى : هتخلصى من الخوف ده وهتاخدى حقك وتمشى
ليل : ما هذا الشعور نعم شعور بالوحده بدء يرجع ليها تانى احساس الامان اللى كان عندها بدء يتلاشى كل مخاوفها وهمومها ف الحياه حست انها رجعت تانى حتى احساسها انها منبوذه ومحدش عاوزها حست بيه وكأن الكام يوم اللى قعدت فيهم معاه بحياتها كلها واتغيرت ف حاجات كتير وبعدين ف الاول والاخر مسيره يرجع يفتح تانى وهيشوفها على حقيقتها ولو حتى كان ممكن نظره اعحاب منه ليها هتروح اول ما هيفتح وده يمكن ساعتها هيندم انه اعجب بيها ف يوم ازاى حتى يفكر فيها وهو بكل الهيلمان ده هيبص لوحده ليها
ليل فاقت من سرحانها وردت بصوت كله انكسار ووجع : خلاص انا جاهزه وان شاء الله كله هيكون تمام عن اذنك هروح ارتاح وذى ما يكون بتهرب من نفسها مش منه ومن دموعها اللى غلبت عليها وخافت تنكشف قدامه وبعد خروجها عاصى اقسم انه حس بوجعها وانكسارها ف نبره صوتها وان الموضوع مش مجرد انها هتمشى وبس فى حاجه اكبر من كده وده احساسه طول الوقت ان وراها قصه وقصه كبيره كمان بس السؤال بقى هو فعلا بعد العمليه هتمشى ؟
اتنهد بصوت عالى ونام على السرير واغمض عينه وكانه بيهرب من هذا الاحساس والتفكير المرهق ده ، اما ليل اول ما دخلت غرفتها دفنت وشها ف المخده وفضلت تعيط كأنها بتعيط لاول مره هى طول الوقت عارفه الناس شيفاها ازاى ولكن اشمعنا هو خايفه من نظرته ليها بعد ما يشوفها وليه احساس الوجع وكل الاحسيس المؤلمه افتكرتها اول ما عرفت انها هتسيه يا خوفى ليكون غصب عنى حبيته انتفضت وانتفض قلبها اول ما قالت الكلمه ف نفسها وقالت بكل كسره وحزن : يا ويلك من قلبك يا ليل ومن كسرته عشان المره دى هتكون بموتك واغمضت عينها ونامت عشان تهرب من واقعها الاليم
_________&_________________
" فى بيت منصور "
كانت تجلس شهد وبتفكر هتعمل ايه وبعدين افتكرت اللى حصل مع الست اللى وقعت ف الشارع قامت اخدت الكارت من شنطتها واتصلت على الرقم اللى فيه
شهد : السلام عليكم
الست : .........
شهد : انا شهد فاكرانى
الست : ........
شهد : انا بس كنت بشوفك عامله ايه
الست : ................
شهد : يا خبر صحيح انا نسيتها اصلى وانا داخله بيكى كان لازم اسيب اى اثبات شخصيه عشان كده ادتلهم البطاقه بس معرفش ازاى نسيتها خلاص بكره هجيلك المستشفى اطمن عليكى واخدها وامشى .،،، سلام عليكم واتنهدت بعد ما قفلت المكالمه
منصور : بتكلمى مين
شهد : لا ابدا يا خالو دى واحده معرفه اتعرفت عليها امبارح بس هى تعبت شويه فكنت بطمن عليها حضرتك عاوز حاجه
منصور : عاوز اقولك على حاجه بس عشان خاطرى متزعليش
شهد : قول يا خالو ف ايه
منصور : اخوكى جاى بكره عاوز يشوفك
قامت شهد مفزوعه ، وقالت بخوف مصاحبه لبعض العصبيه : يشوف مين انا مش هقابل حد
منصور : مينفعش كده يا شهد عيب ده بردو اخوكى وجاى لحد عنده وبعدين مش جايز ندمان
شهد بتعجب وسخريه : مين ده اللى يندم انت طيب اوووى يا خالو ، ده قاسى وظالم وعمره ما يندم
منصور : يا  بنتى جايز اتغير وبعدين مالك واثقه كده ما انا كنت اوحش منه وربنا تاب عليا
شهد : مفيش اى مقارنه يا خالو ، مفيش حد بيحبس اخته ويضربها وكان عاوز يحرمنى من تعليمى ويجوزنى لواحد قد جدى وتقولى ندمان
منصور : عالعموم هو ميقدرش يعمل حاجه وخلينا نتفائل خير
شهد : خير يا خالو تصبح على خير
منصور : ليه بدرى كده
شهد : معلش عشان مرهقه شويه عن اذنك ، ودخلت اوضتها وافتكرت كل الذكريات الاليمه
*______________________________*
" فى فيلا الشلقانى "
صفوت : طب ايه اللى غير رايه ، مش قولت مكنش موافق
فارس : والله يا عمى انا مبقتش فاهمه ولا فاهم حاجه، بس للحظه حسيت انه عناد
صفوت : عناد ايه مش فاهم حاجه
فارس : انا ف لحظه حسيت انه خايف ولما هو حس بكده وانى شكيت اتنرفز كالعاده وحسبها مع نفسه عشان كده قرر انها تروح
صفوت : قصدك انه ممكن يكون
فارس : الله اعلم بس ده احساسى
صفوت : ياريت ياريت بجد هى دى الحاجه اللى ممكن تغيره
فارس : متفرحش اوووى كده يا عمى
صفوت : ليه
فارس : عشان لو ده صحيح البنت دى الله يكون ف عونها عاصى مش سهل عليه يفتح قلبه لحد ده حتى معملهاش معانا احنا ف لو حصل البنت دى هتعانى كتير وحتى لو اعترف بكده فكره انه يكون ليه نقطه ضعف دى حاجه هو بيكرها ومتعرفش ممكن توصل معاه لفين
صفوت : للدرجه دى ابنى وصل للدرجادى بس مش غريبه انه عارفه اووى
فارس : عشان انا طول عمرى مكنش ليه غيره وحضرتك لكن هو مكنش شايف غير انتقامه
صفوت : ربنا يعديها على خير .
فارس : هقوم انا بقى
صفوت : رايح فين 
فارس : قايم عشان عندى مشوار مهم هعمله الاول وبعد كده هروح اسهر مع ناس صحابى شويه
صفوت : مشوار ايه ده ؟ 
*_________________________*
"فى فيلا الابيارى "
عدى اليوم وكل واحد فيهم حابس نفسه ف اوضته لحد ما جه الوقت وليل سمعت الباب بيخبط فتحت وكانت لابسه النقاب والبيشه بس كانت رافعاه
عاصى بتنهيده : جاهزه
ليل بصوت خافت : ايوه
عاصى قرب منها اووى وهى جت ترجع لوراء ثبتها مكانها ومنع انها تتحرك من مكانها وقطع المسافه اللى بينهم ورفع ايده ونزل النقاب على وشها وقرب اكتر وقالها بصوت جعلت القشعريره تتملك فى جسمها : خلى بالك على نفسك هستناكى
ليل اكتفت بهزه راسها ومكنتش قادره تتكلم وصوت ضربات قلبها عاليه وبعدين بصتله وقالتله : هو انت عرفت منين انى رافعه النقاب
عاصى : عشان صوت نفسك انا حاسس بيه
ليل افتكرت الوضع اللى هما واقفين فيه وانتفضت ورجعت لوراء خطوتين وقالتله : طب يلا بينا
خرجوا ونزلوا على السلم وفتحت باب الفيلا وهو فضل واقف مكانه وهاين عليه يجرى يمنعها انها تخرج شعور الفراغ اللى حس بيه اول ما خرجت كان شعور سيئ اوووى
اما هى كانت بتقدم خطوه وترجع خطوه ورجفه وقبضه غريبه ف قلبها وخرجت ولقت التاكسى وركبت وهى خايفه ومش عارفه ليه
*______________*
"فى شقه جاين "
جاين : اهلا اهلا بالباشا
الشخص : اهلا يا هانم ، خير
جاين : ده على اساس انك متعرفش ده حتى نادر ميشكر فيك اوووى
الشخص : انا مش فاهم حضرتك عاوزه ايه، انا كل اللى اعرفه انك قولتيلى انك هتساعدينى اعرف مكان عاصى وكمان هتخلينى اخلص منه وان طاقه القدر هتفتح ف وشى ممكن اعرف ازاى
جاين : حيلك حيلك كل حاجه هتعرفها بس الاول انا عاوزه اسمع كل الحكايه من زمان اووى وبالتفاصيل
الشخص : بس اشمعنا انا ونادر لا
جاين : انا بقول عليك انك ذكى عشان انت عمه يا باشا فهمت ، المهم قولى بقى كل حاجه
وبعد ما حكى لها عن كل حاجه
جاين : يااااه كل ده عالعموم انا هلاقى عاصى خلال ساعات مش ايام
مدحت : ازاى
جاين : مش مهم ازاى المهم اننا هنخلص منه وساعتها كل حاجه هتكون ملكك
مدحت : طب وانتى هتستفيدى ايه وليه بتكرهيه اوووى كده
جاين : مش لازم تعرف دلوقتى اهم حاجه انك هتطلع كسبان ف الاخر
مدحت : متهيالك ، فى حد مش هيسمح بده
جاين : قصدك نادر ، لا متخافش مش هيلحق يعمل حاجه
مدحت : قصدك اااا
جاين ابتسمت وسكتت وقامت وقفت وقالتله : يلا امشى وهشوفك بكره
قام مدحت واتنحم واخد بعضه وخرج وبعد دقايق مسكت الموبيل وقالتله : انت فين ، يلا نفذ
___________&_______________
كانت ليل مروحه وعرفت ان العملية بعد اسبوعين هى فرحانه عشان هيرجع يشوف بس قلبها وجعها من كل حاجه ليه الفراق مكتوب عليها من اول باسل وبعدين مامتها حتى باباها طول الوقت مكنش عاوزها وكله كوم ودلوقتى واحساسها اصعب من كل ده بس ليه اشمعنا هو مش عارفه قطع سرحانها الفون رن وده الموبيل اللى اخدته منه
ليل : الو
عاصى : انتى فين
ليل : انا جايه خلاص وكله تمام
*__________________*
شهد قررت تروح تشوف الست اللى ف المستشفى ولما وصلت راحت عشان تركب الاسانسير بصت شافت شاب وسيم جدا وكانه شكله مالوف بالنسبه ليها اما هو فضل
باصص عليها ومقدرش ينزل عينه من عليها هى اتكسفت وراحت دخلت ووقفت جمبه الباب اتقفل قالها الدور الكام قالتله الرابع وداس على الزرار وفجاه فى الدور التانى النور قطع والاسانسير وقف وضلم وهى اتفزعت وشافت نفسها ف الاوضه لما كان اخوها بيحبسها وبدء جسمها يترعش وتتنفض ووقعت على الارض
*_____________________*
عاصى بعد ما اقفل الموبيل ، واستغرب حاله وتصرفاته وفجاه سمع حركه غريبه ف البيت
سمع الصوت بيقرب منه ومن حركاته الغريبه عرف انه حد عاوز يتاكد انه عايش وموجود ف الفيلا بس حتى لو هو مش شايف بس حافظ المكان بقلبه وكل شبر فيه فتح الدولاب واخد السلاح بتاعه وقرر انه هيستخبى ف الدولاب ووقت ما هيحتاج يتعامل هيتعامل وسمع صوته ف الاوضه وكان مركز على خطوات رجله وصوت نفسه ولسه هيفتح الباب الدولاب سمع صوت باب الفيلا بيتفتح والشخص اللى معاه طلع يجرى لا مش معقول دى اكيد هى معقوله تكون هى وصلت بالسرعه دى فتح باب الدولا ب وكان قلبه بيقرع مثل الطبول ايه القبضه الغريبه والرعب اللى امتلكه لمجرد احساسه انها ف خطر وليه حس لا ده اكيد ان خايف عليها لا والله ده هيموت الف مره عشان احساسه بالعجز للحظه شعر بهذا الشعور وقطع تفكيره صوت صراخها وهى بتنادى عليه واول مره تنطق اسمه عشان  يكون طوق النجاه ليها ومع نهايه الصراخ صوت ضرب النار وف لحظه وبكل قوته واعلى صوت لييييييييييييييييييل
*__________________*
انتهى البارت اشوفكم البارت الجاى متنسوش اللايك وشكرا لدعمكم ليه
يا ترى ايه اللى هيحصل مع ليل وعاصى ؟
وهيحصل ايه لشهد ومين الشخص اللى معاها ده ؟
ده اللى هنعرفه البارت الجاى  سلام 👋👋👋👋