The Legend Of The Phoenix:The Limit

အခန်း(၂၃)

'ဖီးနစ်ငှက်ရဲ့ရာဇဝင်'

      အခန်း(၂၃)

"ဝိုး...ငါ့ညီမတွေက သိပ်လှနေပါလား.."

လုလင် ကားနားမှရပ်စောင့်နေရင်း ​မျက်ခုံးတွေမြင့်တက်သွားသည်။

ဒူးဖုံးဂါဝန်နီညိုရောင်ဆင်တူဝတ်ထားကြသည့် ကိကိနှင့်ဘေဘီက ကျော့ကျော့မော့မော့ထွက်လာကြ၏။ ကိကိက နှုတ်ခမ်းနီကို လက်ထဲကတစ်ရှူးစနှင့်ဖျက်ဖို့ဟန်တပြင်ပြင်ဖြစ်နေသဖြင့် ဘေဘီကသူမလက်ကိုအတင်းဆွဲထားကာ..

"မမကလည်း..အလှတွေပျက်ကုန်တော့မှာပဲ၊ မဖျက်နဲ့လေ.."

"ဟာ ငါမိတ်ကပ်တွေ နှုတ်ခမ်းနီတွေနဲ့မနေတတ်ပါဘူး စိတ်အိုက်တယ်.."

ကိကိက ငယ်ငယ်ကတည်းက မိတ်ကပ်နှုတ်ခမ်းနီမကြိုက်။အနံ့ရှူမိလျှင်တောင် ညှီစော်နံသည်ဟုရှုံ့မဲ့​ပြောနေကျ။ ဘေဘီကလည်း ကိကိမကြိုက်မှန်းသိလေ မရမကပြင်ပေးလေ...။

"မောင်မောင်.. မမကိုညီမလေးပြင်ပေးထားတာ ကြည့်ကောင်းရဲ့လား.."

"အေး..အဆင်ပြေသားပဲ..."

"သူ့ကိုမနည်းချော့မော့ပြီးပြင်ပေးရတာ ဖတ်ဖတ်ကိုမောလို့..အခုလည်းကြည့်ဦး၊ပြင်ပေးရတဲ့သူကို အားမနာဘူး..မိတ်ကပ်တွေဖျက်ဖို့လုပ်နေတယ်.."

ဘေဘီ့စကားကြောင့် ကိကိငြိမ်သွားသည်။ ဒီနေ့ အထက်အရာရှိကြီးတစ်ဦး၏မင်္ဂလာနှစ်ပတ်လည်အခမ်းအနားရှိနေသည်။ ဘိန်းဖြူငါးတန်ကားကိုလက်ရသိမ်းနိုင်ခဲ့သည့် လုလင်သတင်းက အထက်အရာရှိ အသိုင်းအဝိုင်းထိ နာမည်ကြီးသွားကာ ပါတီပွဲတက်ဖို့ တကူးတကဖိတ်ကြားခြင်းခံခဲ့ရသဖြင့် သူ့ညီမနှစ်ယောက်ကိုပါအတူခေါ်ရသည်။ ကိကိက ဒီလိုပါတီတွေတက်ရမှာ သေမလောက်ကြောက်သည်။ အကြောင်းရင်းက မိတ်ကပ်တွေလိမ်းရမှာစိုးလို့တဲ့။ ဘေဘီကတော့ လုလင်​ပြောကတည်းက ပွဲတက်ဖို့ကိုတက်ကြွနေခဲ့သည်။ ဘေဘီခေါ်တော့ ကိကိလည်းပါလာရသည်သာ။

လုလင်က ကုတ်အင်္ကျီနီညိုရောင်ကို စတိုင်ပန်အနက်နှင့်တွဲဝတ်ထားကာ ဖြူနုချောမောနေသဖြင့် ကိကိ ကိုယ့်ကိုယ်ကိုယ်ပြန်ငုံ့ကြည့်၏။ သူမတို့ဝတ်ထားတာက ကလေးဆန်သွားပြီလား။