سلمى : ابويه يعني خلاص
زايد : هيه خلاص بتروحين
سلمى : يعني مافي مجال اغير رايك
زايد : و ليش ماتروحين ممكن افهم ؟
سلمى : ابويه انا خايفه ، انت مستوعب بتسيرني مع ناس م اعرفهم
زايد : عادي حبيبي تجربه يديده
سلمى : صدقني بتكون اخس تجربه في الحياه
زايد : و تبين تعرسين
سلمى : شو دخل العرس
زايد : هذا اول اختبار مسؤوليه لج
سلمى : اها جي الموضوع عيل ، زين انا قده
زايد : بنشوف
* * *
يوم الجمعه ، كالعاده الغدا بعد صلاة الجمعه في الميلس الخارجي ، حطوا الغدا و يلسوا ينتظرون ام خليفه ، دخل سعيد ( بو مطر ) و استغرب ان للحين ما تغدوا ، يلس على السفره ؛
سعيد ( بو مطر ) : حياكم ، ولا ترقبون حد ؟
عبيد ( بو ساره ) : نرقب اميه
سعيد ( بو مطر ) : امك تسلم عليك طلع امس الليل
عبيد ( بو ساره ) : في ذمتك ؟
سعيد ( بو مطر ) : هي والله
عبيد ( بو ساره ) و هو رايح يغسل يديه : يعني كانت صادقه ؟ اتحراها تمزح
سعيد ( بو مطر ) : انا شراتك اتحرا سوالف ، و انا ضاوي امس اشوفهم يحملون الشنط في سيارة مايد
عبيد ( بو ساره ) : عيل اقربوا ، انت حجزت ؟
سعيد ( بو مطر ) : لا هب رايح عندي شغل
( دخلت فطيم و هي ماسكه مكتوم )
فطيم : مكتوم حبيبي سلم على عمامك
كان عبيد ( بو ساره ) يشوف فطيم متعجب : فطيييممم
فطيم ( تضحك ) : هييييهه بطني ، استغفرالله استغفرالله سقطته
عبيد ( ساره ) : ربي يعوضج
سعيد ( بو مطر ) : شو ؟ شو قلتي ؟ انتي سقطتيه ؟
فطيم : هيه
عبيد ( ساره ) : يا كبرها عند ربج