"ဒါကရှောင်မျိုးရိုးရဲ့ရှောင်ဖွားဖွားရဲ့အိမ် လန်မျိုးရိုးရဲ့အိမ်မဟုတ်ဘူး"
ကျိုးချန်လဲ အပိုင်ဖြင့်ပြောလိုက်ပေမယ့် လန်ချီချန်းဟာ ရှောင်ဖွားဖွားရဲ့သမီးအငယ်ဆုံးကနေမွေးတာမို့ လန်မျိုးရိုးဖြစ်နေပေမယ့် ရှောင်ဖွားဖွားရဲ့မြေးဖြစ်တာကြောင့် သူ့အိမ်သူလာသည်မှာမဆန်းပေ။
"ရှောင်ဖွားဖွားက ကိုယ့်အဖွားလေ ကိုယ်လာတာမထူးဆန်းပါဘူး၊ ကျိုးကသာ ဒီကိုသဘောရိုးနဲ့ရောက်လာတာဟုတ်ရဲ့လား"
"ဘာပြောတယ် မင်းမမြင်ဘူးလား ငါ့ကျောင်းသားတွေနဲ့ ငါအလည်အပတ်ခရီးထွက်လာတာ"
"အော်...၊ မသိပါဘူး ကိုယ့်ကိုများသတိရလို့အလည်လာတာလားလို့လေ"
"ချီးပဲ စိတ်ကူးယဉ်နေလိုက် ဘုရားရှေ့မှာဖင်ပူးတောင်းထောင်ပြီးဆုတောင်းနေလိုက်အုံး၊ နောက်ပြီး ငါပြောထားမယ် မင်းငါ့ကို မသိသလိုနေပေး ငါလဲမင်းကို မသိသလိုနေမယ် ငါ့ကိုကျောင်းသားတွေရှေ့မှာ အရှက်ခွဲဖို့မကြိုးစားနဲ့ ဒါပဲ"
ကျိုးချန် တစ်ခါထဲအပြတ်ပြောပြီးလှည့်ပြန်မည်အပြု သူ့ကိုလက်ကောက်ဝတ်မှနေပြီးဖမ်းဆွဲထားသော လန်ချီရှန်း
"နေပါအုန်း ကျိုးရဲ့ ဘာဖြစ်လို့လဲ ကိုယ့်တို့အချင်းချင်းသိကြတာပဲမဟုတ်ဘူးလား"
"သိပေမယ့် မသိသလိုနေပေးပါဆိုနေ လွှတ်!!"
ကျိုးချန် လက်ကိုဆောင့်ရုန်းကာ လန်ချီရှန်း ရှေ့မှမပြေးရုံတစ်မယ်ခြေလှမ်းကျယ်ကြီးများဖြင့်ထွက်လာခဲ့လိုက်သည်။ အဲ့ဒီလူ ဒီကိုဘယ်လိုရောက်လာတာများလဲ အဖွားရှောင် သွားပြောလိုက်တာတော့မဟုတ်ဘူးလား။
ကျိုးချန်မသိသည်က အဖွားရှောင်ဟာ သူ၏သားမက် လန်သခင်ကြီး(လန်ချီရှန်း၏အဖေ)ကို ကျန့်ကျန့်တို့၏ဆရာလေးရောက်နေကြောင်းကို ဖုန်းဆက်လှမ်းပြောထားတာကြောင့် လန်ချီရှန်းထိုအကြောင်းကိုသိသွားပြီး ရှောင်အိမ်တော်သို့ရောက်လာရခြင်းပင်။
အိမ်ထဲမှာလဲ
"ကလေးတို့ ထမင်းစားပြီး လိမ္မော်ခြံထဲမသွားကြနဲ့တော့နော် ရာသီချိန်ဆိုတော့ အသီးတွေဆွတ်နေကြတာ အလုပ်သမားတွေပြည့်နေမှာ သွားချင်ရင် စပျစ်ခြံဘက်ကိုသွားကြနော်"
YOU ARE READING
Unsolvable -ဖြေရှင်း၍မရသော / ေျဖရွင္း၍မရေသာ『Complete』
Fantasyအနေဝေးသွားလို့ အေးစက်သွားတယ်ထင်ရတဲ့အချစ်တစ်ခုကို ရူးရူးမိုက်မိုက်တွယ်ဖက်နေရတယ်ဆိုတာက တကယ်ရူးမိုက်ပါတယ် ကိုယ်အချစ်ရဆုံးသူက ကိုယ့်ကိုမရွေးချယ်သွားတာကို သိလိုက်ရအချိန် အသက်ရှင်နေတဲ့အဓိပ္ပာယ်ပျောက်ဆုံးသွားရပြီ @Gwm Charlotte * * * အေနေဝးသြားလို႔ ေအးစက္သ...
