القـــناع

الحلقة 1 🎭

أنا جيييت ...و كي العادة جبت معايا كرو جديدة⭐ باش تلقاو فيها #تشويق و #اثارة و #الحب و برشااا #أكشن و #لإنحراف 🔥🙈
تحت عنوان : القــــنـــــاع 🎭
للكاتبة : y.hassin 🍷❤️
___________________________________
الحلقة 1 :
كانت في بيتها شادة فرشها راقدة في الحلمة السابعة لين دخلت أمها لطيفة حلت عليها الشباك و هزت الريدوات
_لطيفة : ليان قوم قوم يا بنتي معاش بكري
تي قوم يا طفلة
_ليان: مامي مازالت كي رقدتت خلي زيد شوية
_لطيفة: تي قوم نهار راح الدرس بيفوتك .
_ليان : باهي قومت
تنطرت جات واقفة و خرجت امها و سكرت وراها الباب مشات ليان لسال دو بان غسلت وجها و سنيها و لبست pull ابيض و جوب قصير cuir نوار و كبوت فورور روز بيبي و هبطت
_ليان : امي ..يا مامي فما حاجة تتشرب
_لطيفة : اسكت يزي مالصياح و اقعد خلي نحطلك القهوة .
_ليان : خليلي زولك يا لطيفة
_لطيفة : كولني با flatterie ...
دخل لديبو رجال مسلحة ظاهر فيه كراج يخوف بلاصة عزيز السرية باش يحاسب لعباد و كل حد غلط في اسموو
_عزيز: اخرجو لبرا
_رجال: اما سي عزيز
_عزيز : مانيش باش نعاود كلامي مرتين
خرجو رجال كل و خلوه وحدو مع واحد من رجال حسان .
_عزيز : كيفاش قتلتها
غزرلو الراجل بكل كره و قوة و عينيه باينة فيهم الخوف
_الراجل : كيفاش تحب انتي نحكيلك
عزيز من غير ما يرفلو جفن كان متلفت و عاطي بالظهر دارلو عطاه كرطوشتين بين عينيه . وهز روحو و خرج وصل قدام باب هز يدو عمل دورتين بصبعو و هو يقول
_عزيز : نظفو لبلاصة ..كي العادة
_حاضر سي عزيز
ستووووب خلينا تنعرفوو على الأبطال هذا عزيز الشارني طفل يعمل 28 سنة يعيش في بين ايطاليا و تونس عندو شركة تصدير يخدم فيها هو بوه طفل طويل و بدن مڨدود الرحمة ميعرفهاش يعرف كان الضرب و القتل كاسح و قلبو حجر ميستعرفش بالبنات و عندو لبنات كل ماركت ليل و فلوس و هذه ليان 25 سنة تقرا في الفاك اخصائي نفسي . طفلة دافية و مزيانة تعيش مع امها لباس عليهم و بوها متوفي . أما كاسحة و قلبها حجر و الي يغلط معاها يخلص .

★★★

في ايطاليا 🇮🇹 :
عزيز قاعد هو بوه كي العادة في الشركة و يحكو مع بعضهم .
_محمد : عزيز وقتاش ترجع لتونس امك وحدها غادي و توحشتك
_عزيز : اي اليوم كملت خدمتي غدوة باش نرجع انا زادة توحشتها .
_محمد: هيا باهي و زيد اعمل طلة على شركة غادي ...خلي نطلبها و نخبرها الي انت جاي
_عزيز : لا..لا يا بابا خليها surprise
_محمد : الله يبارك ...انا زادة نكمل الخدمة هوني و نخلط عليكم باهي بابا

نرجعو لتونس 🇹🇳

كملت ليان قرايتها و فمت مروحة هي كي وصلت لدار و امها عرضتها
_لطيفة : هي بنتي جابك ربي ..هيا باش نمشو نقضو
_ليان: امي خلي بعد
_لطيفة: لياان امشي
_ليان : و الله تاعبة
_لطيفة : هيا عااد
رجعت ليان ركبت في الكرهبة هي و امها و فمو ماشين وصلو للمغازة و بداو يقضيو .
هاو مقرونة منا و فارينة و قهوة و شوكلا و حليب حاصيلو قضية كاملة .هي هوما هكاكة يقضيو و يعرضو بالصدفة ذكرى ام عزيز
_ذكرى : لطيفة عسلامة ..معرفتنيش
_لطيفة : شكون .....اه ذكرى
_ذكرى : اي
_لطيفة : و الله لا عرفتك ياوخيتي و ينك وقتاه جيت ياخي ...
_ذكرى : و الله الحمد الله عندي مديدة ملي جيت
_لطيفة : تو هاكا تجي و متسألش عليا
_ذكرى : الله غالب و الله كنت مريضة تو كي قمت
_لطيفة : كي عادة كلاويك ..انشأ الله لباس
_ذكرى : يعيشك يخليك ....شكوني هالمزيانة لي معاك
_لطيفة : هذه بنتي ليان
_ذكرى : عسلامة بنتي يا تبارك الله و مشأ الله
غمزت لطيفة بنتها باش تسلم
_ليان: عسلامة مدام
_ذكرى : يسلمك بنتي
_لطيفة : اي مالا لازم نعملو قهوة في اقرب وقت
_ذكرى : مالا لا ...تعرفش كي فاش ..غدوة انا فاضية ايجو قدانا و نعملو جو بطبيعتي وحدي انا
_لطيفة : باهي انشأ الله ...هيا بسلامة تو
كل واحد مشا على روحو و لين بدات تسأل على المرا و حكتلها على كل شي .

هيا حط رايك  في كومنت و تعدى و ❤️🔥
نحبكم عسولات 🌷😘