📌Don't be serious.It's just a fan fiction.
📌Don't be serious.It's just a fan fiction.
📌Don't be serious.It's just a fan fiction.
📌Don't be serious.It's just a fan fiction.
📌Don't be serious.It's just a fan fiction.
သေချာပြန်စဉ်းစားကြည့်တော့မှ ဟာရူတို အချစ်မှာ တော်တော် မွှန်ခဲ့တာ။
အမလေး အမလေး..ဝမ်ကျစ်ဟောက်ဆိုတဲ့ နှစ်ရုတ်မဟုတ်တဲ့ တစ်ရုတ်ကိုလဲ တော်တော် အဖြစ်သည်းခဲ့သေးတာပဲ။
"ငါသူ့ကို ဘာကြည့်ကြိုက်ခဲ့မိတာလဲ..အခုကြည့်တော့မှ မချောတော့သလိုဘဲ....စိတ်တွေလဲညစ်လှပါပြီ!"
ဟာရူတိုက သူ့အတိတ်က ဝမ်ကျစ်ဟောက်နဲ့ချစ်ခဲ့တဲ့ အကြောင်းတွေကို ပြန်တွေးမိရင် ရှက်လွန်းလို့ မျက်နှာကို မြေကြီးထဲ ထည့်မြှုပ်ချင်စိတ်တစ်ဖွားဖွား။
ကျစ်ဟောက်ကို မြင်မြင်ချင်း သဘောကျပြီး 'ယောကျာ်း' လို့သွားခေါ်ခဲ့တာတွေရော။
"ကုန်ပြီ ကုန်ပြီ ရှိသမျှ အရှက်တွေ ကုန်ပါပြီ"
ရူတိုက သူ့ရဲ့အခန်းထဲမှာ အော်ဟစ်နေတာကြောင့် အပြင်က အမေ က သတိလှမ်းပေးရတယ်။
"ခုနစ်အိမ်ကြား ရှစ်အိမ်ကြား အော်မနေနဲ့! ကျောင်းမသွားခင် ကလေးကို ဆေးခန်းသွားပြလိုက်ဦး ၊အောက်မှာ ငါ့သားမက်စောင့်နေပြီ .."
"ဟာ..အမေတို့ကလဲ ဘာသားမက်လဲ..ကွာရှင်းပြီးပြီကို"
ရူတိုက အပြင်က အမေ ကြားအောင် ပြန်အော်ပြောလိုက်တယ်။
အဲ့ကလေးကိုလဲ ဘာလို့မွေးစားမိခဲ့လဲ ရူတိုစဉ်းစားလို့မရ။
တကယ်က ရူတို့မိဘတွေနဲ့ ကျစ်ဟောက်မိဘတွေက ကိုးရီးယားမှာ အခြေစိုက်တဲ့ စီးပွါးရေးလုပ်တဲ့သူတွေ။
သွက်လွန်းတဲ့ ရူတိုကဘဲ ကျစ်ဟောက်ကို ရည်းစားစကားပြော၊ သူကိုယ်တိုင် လက်ထပ်ခွင့်တောင်း၊ မင်္ဂလာဆောင်၊ ဟော..ပြီးရော ကလေးတစ်ယောက်ကို ပါမွေးစားဖို့လုပ်နေတာ တကယ်က နှစ်ယောက်လုံးက တက္ကသိုလ်တောင်ပြီးကြသေးတာမဟုတ်ဘူး။
ဝမ်ကျစ်ဟောက်ဆိုတဲ့ တရုတ်လေးကို မရရင် သေရပါတော့မယ်ဆိုပြီး မိဘတွေကို တစ်ဂျီဂျီတိုက်နေတဲ့ ရူတိုက သူ့အမေလဲ မနိုင်သလို၊ အဖေလဲ မနိုင်။
