𝘋 𝘧𝘰𝘳 .......... 𝘋𝘢𝘥𝘥𝘺!! ( U + Z ) Completed

💛 14 💛

Part (14)

တဖြေးဖြေး မှောင်စပြုလာတဲ့ ပတ်၀န်းကျင်ကြောင့် ရုံးခန်းမှန်က ခန်းဆီးလိုက်ကာကို Baekhyun ဖြေးဖြေးချင်းဆွဲပိတ်လိုက်သည်။

နာရီကြည့်မိတော့ ၆နာရီ ၅၀မိနစ် !!
တစ်ညနေလုံး ၂၂လွှာက ဒယ်ဒီ့ရုံးခန်းရဲ့ ပြတင်းမှန်ကြီးမှတဆင့် ပတ်၀န်းကျင်ရှုခင်းကို ငေးကြည့်လာမိတာ အချိန်ကုန်လို့ ကုန်သွားမှန်းတောင် Baekhyun မသိလိုက်ပါချေ ......!

ဒယ်ဒီ့ ထံသို့ အကြည့်တွေပို့မိတော့လည်း များစွာသော ဖိုင်ကြီးတွေကြား မျက်ခုံးတွေ တွန့်ချိုးကာ ကွန်ပြုတာရဲ့ မော်နီတာ ကြီးကြီးကိုပင် အာရုံစိုက်လို့ထားသည်။ ပုံမှန်ဆို ၅နာရီ ရုံးဆင်းတာပေမယ့် ဒီနေ့မှဒယ်ဒီ့ရဲ့ အတွင်းရေးမှူးကလည်း ဆေးခွင့်ယူထားသည်ဟုကြားသည်။ အလုပ်တွေကလည်း တော်တော် များနေတာကြောင့် ဒယ်ဒီ့မှာ ခုထိ အလုပ်မပြီးသေး.....

နေ့လည်စာတောင် ဒယ်ဒီနဲ့တူတူ မစားလိုက်ရ။
Baekhyun စားပြီးလို့ တော်တော် ကြာတာတောင် ဒယ်ဒီက မစားသေးတာမလို့ အစာအိမ်ဖြစ်မှာ စိုးတဲ့ Baekhyun ကပဲ ဒယ်ဒီ့ကို ခွံ့ကျွေးရသည်။ ဒယ်ဒီ့မှာလည်း Baekhyun ကို စကားကြာကြာမပြောနိုင်အောင် အလုပ်တွေ လုပ်နေရသည်မို့ Baekhyun ပျင်းနေပေမယ့်လည်း ဒီတိုင်းတိတ်တိတ်လေးသာ ဒယ်ဒီ့ကို ငေးကြည့်ရင်း အချိန်ကုန်ဆုံးနေလိုက်သည်။

တဂွီဂွီဆာနေတဲ့ ဗိုက်ကို ဒယ်ဒီမကြားအောင် ဖုံးဖိရင်းသာ စောင့်နေမိသည်။ ညစာလေးတော့ ဒယ်ဒီနဲ့ တူတူ အိမ်ပြန်စားမည်ဟု စဉ်းစားထားတာကြောင့်ပင် .....!

ဒါပါပဲ....!!  ဒယ်ဒီ့ဆီရောက်ပြီးတဲ့ အချိန်ကစလို့Baekhyun ရဲ့ တစ်နေ့တာတိုင်းဟာ ဒယ်ဒီ့နား မှာပဲ လိပ်ပြာလေးနှယ် ပျံဝဲရင်း အချိန်ကုန်လေ့ရှိသည်။ တစ်ခါတစ်လေ တော့ အိမ်မှာ ဒယ်ဒီ့ကို စောင့်ကြိုနေတဲ့ အိမ်ရှင်ထီးလေးအဖြစ် နေခဲ့ပေမယ့် တချို့ရက်တွေကျတော့လည်း ဒယ်ဒီ့အနားကပ်တွယ်နေတတ်တဲ့ ကောင်လေးအနေနဲ့ ဒယ်ဒီသွားရာ တကောက်ကောက် လိုက်‌ နေတတ်သည်။

ပုံမှန်ဆို အလုပ်မရှိရင်မနေတတ်တဲ့ Baekhyun ဟာ ပျင်းနေမှာပေမယ့် ဒယ်ဒီ့ မျက်နှာချောချောကို တစ်ယောက်ထဲ အပြီးအပိုင် ငေးကြည့်ခွင့်ရနေတဲ့ မဟာကံကောင်းမှုကြီးကတော့ ဘယ်အရာနဲ့မှ မလဲနိုင်အောင် အဖိုးတန်လှသည်မို့ Baekhyun ရဲ့ တစိမ့်စိမ့် မြတ်နိုးမှုတွေ ထင်းနေတဲ့ မျက်၀န်းတွေဟာ ဒယ်ဒီ့ဆီသို့သာ အချိန်ကြာကြာ ကျရောက်နေသည်။