الجَلْعَد

البارت الخامس

مساء الفل والياسمين عليكم شذراتي 🧿📿

بارت طويل لعيونكم ولحد تكلي قصير لا بلكوه داكتب الكم بارت و ادعولي ايدي تتحسن حتى اكتبلكم

احبكم😘

لاتنسون التصويت+تابعو حسابي حتى من انزل يجيكم اشعار

متابعه ممتعه🔥

ــــــــــــــــــــــ
عيونك جن جن زقاق بغدادي القديما يشبه حنية اهله وطيبتهم🤍
ـــــــــــــــــــــــــــ
فناء:
شفت شلون بابه ضرب افنان واني ماكدريت اسوي اي شي او ادافع عنها بسبب عمليتي الي زاد وجعها بعد الي صار حتى النفس صرت اجره بلكواة

شفت بابه شلون يضرب بفنان وهيه تون واني كمت اعيط عليه بلكي يعوفها عسه ولعل

فناء: بابه الله يخليك عوفها راح تموت بابه فدوه لاتسوي هيج الله يخليك يارببببي

عيطت ملخت نفسي بس هوه جان فاقد من الاعصاب علمود كم فلس هيج يسوي ابناته ويريدهن يصرفن عليه بدل ماهوه يصرف عليهن

لزمت بطني من الوجع الي صابها بعد ماتحمل صرت اعيط

فناء: اخخخخخ اخ ربيي بطنيييي بابههههه اللله يخليك عوفها

عافها بعد ماخله الدم ينزل من كل جهه من جسمها اوجها وهيه فاقده ماتحرك لا ايد ولا رجل

عافها وطلع واني لزمت عمليتي الي احس واحد وجاي يفتح بيها بسكين موتتني من الوجع اخخخ ربيي
كمت بيه مابيه رحت يمها عكعدت متربعه يمها شلت راسها خليته على رجلي امسح الدم من وجها واني ابجي ضربت على خدها خفيف اريد اصحيها ماتصحه ياربي

فناء: افنان حبيبتي شو كومي لاتسوين هيج بيه فدوه الكلبج كومي لاتخوفيني عليج الله يخليج ماعندي غيرج

ضليت احجي واضرب بخدها وهي ماتكعد

وخرت راسها من حضني ورتكيت على الحايط اتوجه وحاطه ايدي الثانيه على عمليتي لان توجعني رحت جبت مي ورجعت حطيت راسها بحضني وصرت ارش عليها مي وهيه ماكو ماتكعد كلش خفت بساعتها
شلت المي كله وذبيته على وجها كله وهيه شهكت شهكه كأنو جانت ميته ورت حيتت

فناء: هاا حبيبتي خوفتيني عليج يروحي

افنان: اخخخ فگي يوجعني وجسمي مكسر اخخخ ربي ايدي ولج جسمي مشلول شل ماكدر احركه اخخخ كسر بيدك انشالله الله ياخذك ابو الكح... والله لعلمه منو افنان وبعد ربع ميشوف مني سهله

فناء: يروحي كومي روحي غسلي علمود ترتاحين

افنان: اني راح اروح للحمام وانتي جيبيلي الملابس لهناك

فناء: تمام

راحت واني رحت اطلعلها ملابس حتى تسبح

ـــــــــــــــــــــــــ