الجَلْعَد

البارت السادس والعشرون

مساء الخير شذراتي 🧿📿

لاتنسون التصويت+متابعه الحساب+تعليق بين الفقرات

#الجَلْعَد
#بارت26
ــــــــــــــــــــــ
ترى العافوك مرتاحين
روح ارتاح
روح احلم
روح اكتب غزل
روح اسمع لفيروز
عشرينك حرامات
يخلص بـ الـهم
ــــــــــــــ
افنان:
ضليت صافنه هاذا شديحجي
كال كلمته وخله وطلع
ضليت افتر بلغرفه اواجه نار
واحجي

معقوله شهم يخوني والله اذا طلع يخوني لحضه مابقى يمه لو مو احبه

كعدت على الجربتيه واكل بأضافيري وافكر بكلامه من يكلها بجر امرلج يعني يريد يروحلها واللع العضيم اهجم البيت على راسه

صرت اهز برجلي متوتره
ودموعي وحيدها تنزل
من افكر شهم يخوني

مر ساعتين وهوه ماكو
مددت على الجربايه ومخليه ايدي على عيوني ونايمه
حسيت على الباب نفتحت عرفته هوه ما رفعت ايدي سويت نفسي نايمه سد الباب ودخل سمعت الصوت مال غراضه وهوه يحطهن على الميز
وفتحت الكنتور راح للحمام يسبح هوه سد الباب واني طفرت ادور على التلفون

لكيته على الميز اخذته وفتحت الرمز الحمدالله مامغيره

دخلت على سجل المكالمات ماكو محذوف
شتعلت نار
رحت ادور بلأسماء وماكو

رحت على البرامج العده هم مالكيت شي اصلا فارغات والواتساب بس اصدقائه

ضليت اكلب وماكو
دخلت للسدوديو مال الصور
اباوع اصور هوه اولد ماعرفهم لابسين نفس لبسه
وهوه وفرقد

تنهدت شويه احس اطمنت بس لسه كلامه ابالي يدك
ستوني اريد ارجع الجهاز المكانه وطلع هوه من الحمام ينشف بوجهه بلعت ريكي من رفع راسه وباوعلي بخزره اجه يمشي بتجاهي ونتر التلفون مني وكال

الجَلْعَد: شسوين بتلفونيي

غمضت عيوني بصبر وكلت

افنان: ماسوي اصلا هيج كمت على الميز وشفته كلت خل اخلي على الشحن

الجَلْعَد: افنان سوالفج مايعبرن عليه

تنفست بكل قوتي اطلع النار البيه وكلت بصوت شويه عالي

افنان: شوفف شهمم والخلقق السماوات والارض اذا طلعتت تخونيي خياليي خياليي تحلمم تشوفه والله واني حذرتك وانته بعد بكيفكك اذا تريد تخسرني روح خونيي وجهيي ماتشوفه من بعدها

تقدم عليه وكال وهوه عيونه بعيوني

الجَلْعَد: تكدرين اتسويها؟!

افنان: اي اكدر اذا انته كدرت تخوني، وياا شهمم لو متأكده هسه انته تخونيي بهلل لحضه وانته بلحمام تطلع وماتلكاني واصيرلك

سر بحلك ميتين
ماضن بعد تلكاني

بتسم وكال

الجَلْعَد: واذا ماخونج؟