مساء الخير شذراتي🧿📿
لاتنسون التصويت/متابعه الحساب/تعليق بين الفقرات
#الجَلْعَد
#تكملة بارت32
****×*****
السوالف كلها
تكضي
وتبقى سالفتي
طويله
وهمي ماسولفته
لأحد
خاف يحسبني
اشتكيله
※※※※※※※※
افنان:
كاعده بلزاويه وارجف كلي من الخوف والقلق عليه
اذاصار اله شي اموت كلشي ولا شهم شهم شفت بي الحنيه الي ماشفتها عند ابوي لكيت يمه ملجأي مأنكر اذاني وضربني بس جان حنين عليه اذا يشوفي ابجي يتخبل بليل احس بي واني نايمه يغطيني ويمسد على شعري يبوسني بجبيني ويحضني كأنو راح اشرد منه يحاوط خصري بيده وايد جوه راسي ورجليه شابك رجليه بيهن بحيث ماتحرك وحتى مرات اسمعه يهمس بذني كلمات غزل ويشم بشعري
رغم كل الي سوا قبل شهر بيه بس اني احبه والله ماكدر بلا بس هوه جرحني حيل
ضليت حاضنه رجليه الصدري واهز بروحي ودموعي ينزلن وارجع امسحن واني مطمنه راح يرجعلي سالم
البنات كل شويه يجن يمي يطمنني وهنه خايفات اكثر مني عمت ضغطها ارتفع وبلكوه خليناها ترتاح وماكو واحد هنا من الولد ياخذها للمستشفى
عمي يدك عليهم وماي جاوبونه زاد قلقنه وخوفنه خاف صاير شي كلبي احسه شويه ويوكف من الخوف
لليل وهمه مامطمنينه عمي براهيم يدك بصفحه وعمي محسن بصفحه ومحد يجاوب
وره ساعات من عدت محاولات اتصال جاوب همام وعاط بيه عمي
محيسن: ابننن الكلببب ليشش ماجاوبب... شصار بخوك شلونههه
كلنه واكفين ونسمع المكالمتهم ولازمين گلوبنه ودموعنه على خدنه نباوع على عمي محيسن شيحجي مركزين على حلكه من ينطق الكلمه واخيرر نطقها وتنفست الصعداء من كال
محيسن: الف الحمدالله يعني اصابته مو بمكان خطر... اي يلا بويه چا شوكت يطلع من المستشفى وتجيبو لهنا.. هاي هيه
سلم عليه وسده تنفس وكال
محيسن: الحمدالله اصابته مو بمكان خطر جايه بجتفه بس لان فاقد دم هواي متأخر بلعمليات وقبل ساعه مطلعينه وهسه كاعد من البنج ودك همام عليه وباجر يجيبو ويجون
بتسمت على كلامه وحمدت ربي وشكرته وكلت
افنان: بس عمو شلون يطلعو من المستشفى مايصير!
محيسن: يطلعو على مسوليتهم وهوه متخبل يكلهم مابقى بلمستشفى وهوه اصلا فرقد ماخذه بمستشفى اهليه وهسه بلكوات قانعي يبقأه الباجر يجيبو
هزيت راسي ومسحت دموعي ابتسم
عفتهم فرحانين وركضت السجادتي
صليت صلاتي صلات المغرب والعشاء لان ماصليتهن بوقتهن ورجعت صليت صلاه شكر لرب العالمين واني دموعي تنزل متت بجي
دعيتله يرجعلي بلسلامه
وكمت لميت سجادتي
وتمددت على الجربايه
سحبت تلفوني واني متردده اتصل
طلعت رقمه اباوعله وبالي افكر اتصل لو لا اخر شي خرجت من الرقم ورحت انستا
فتحت ستوريات الولد لكيت فرقد ناشر صورته وهوه فاقد والدم تارسه وكاتبه جواه ادعوله بلسلامه شبعت بجي واني اشوفه شلون ضعفان اوجهه اصفر الدم تارس السديه وكتفه ماينشاف من الدم
دخلت على التعليقات
كلها كاتبه الي كاتب
_تكوم بلسلامه اسدنه
أنت تقرأ
الجَلْعَد
Mystery / Thrillerممرضه بسيطه تعذبت في طفولتها لتكبر وتترعرع من دون ام لتعيش مع اب قاسي لا يهتم سواى لنفسه لتبذل قصار جهدها لأختها الصغيره لتعيش براحه وتكمل دراستها وتئمن مستقبلها ماذا عن نفسها من سوفه يهتم بها اما هوه فعاش طفوله قاسيه ليراى نفسه بها هل سوفه يعوض...
