الجَلْعَد

البارت اربعون

مساء الخير شذراتي🧿📿

لاتنسون التصويت/متابعه الحساب/تعليق بين الفقرات

#الجَلْعَد
#بارت40
ــــــــــــــــــــ
كالو مات! كلت البخت شيموته؟!
انه شيعة روحي بيوم شيعته.
المثلك مو ثلث ايام فاتحته المثلك
كون ست سنين فاتحته؛!.

خيبة (فناء)
ـــــــــــــــــــــــ
الجَلْعَد: الو تفضل منو
.. اي اني

كام على حيله وصاح

الجَلْعَد: شنوو شبيي همامم

طفرنه كلنه من سمعنه شهم كام وصيح ونوب نريد نعرف شصاير ماكو وهوه يكول

الجَلْعَد: بيااا مستشفىى جاي جاي

سده وكام مايشوف دربه راد يصعد للغرفه ولولد جلبو بيه كل هتان

هتان: شبيكك شهمم شبيي همام

باوعله وكال

الجَلْعَد: صاير حادث بلطريق وهسه بلمستشفى

ماحسيت غير على صرخت فناء وهيه تكول

فناء: شنووو همامم شبيي شهمم احجيي فدوهه

الجَلْعَد: مابي شي ماكو

عافهم وركض للغرفه اباوعلهم صار عياطهم بفلس ركضت الفناء الي كعدت على ركبها بنص الصاله وتملخ بنفسها وتبجي كعد وجريتها الحضني ابجي وياها جوان يم عمتي لازمتها ويبجن

نزل شهم من فوك وجهه احمر وبلكوات يسحب النفس
بيده السويج والفلوس ركضو الولد وراه ومشو وعمي يصيح وراهم راح وياهم عمو براهيم

فناء ملخت نفسها بلكوه كاضتها وهيه تبجي وتصيح

فناء: مايصيرله شيي موو مايعوفنيي والله هوه كالي ماعوفج افنان مايعوفني مو مو

حاضنتها واهز براسي وابجي وياها ماتحمل اشوف اختي والي اعتبرها بنتي الي ربيته بهيج حاله البيت صار من العياط الناس تجي

دخلت ميار تركض من بره دموعها على خدها راحت ركض لمها كالت

ميار: يمه يمه شبي همام فدوه شبي

عمتي بس تبجي وتضرب على رجلها وتصيح

سهام: يمه وليدي راح يمه دخيلج يلزهره دخيلج وليدي رجعيليا

تكابلن يبجن واني بلكوه حاضنه فناء وهيه تبجي

مرت ساعه ودك التلفون وحده تباوع للثانيه خايفين نفتح الخط

كمت اخذت التلفون لكيته امير جاوبته بصوت يرعش كلت

افنان: ه ها امير

اجاني صوته وهوه يشهك لو احس كلبي وكف كال

امير: غ غاح افنان همام غاح