الجَلْعَد

البارت العاشر

مساء الخير شذراتي🧿📿

لاتنسون التصويت
احبكم😘

ــــــــــــــــــــ
وانته سواد عيونك يعت روحي عت واني بطرك كلبي وبقى من كلبي بت ونا بلا شوفتك شينفعن عيوني يشوفي ورجوتي ودنياي ودنياتي ولوني وعذابي وبسمتي وشكواي وضنوني يخيعونك عليه وبيك خيعوني♥
ــــــــــــ
ميار:
جنه كاعدين على العشه كلنه جان يكول ابويه الي كاعد على الكرسي المتحرك بسبب رجليه وجنه كاعدين على السفره كال

محيسن: اي بويه شهم چا ابن عمك فرقد شو مأجى وياك وينه

رد عليه شهم وهوه يسحب كلاص المي وكال

الجَلعَد: اي بويه مو الامر كفله بشغل ومايصير هسه يجي للعماره اذا مايخلصه كله

محيسن: وشنو هاذا الشغل

الجَلعَد: مهمه بويه والقاء قبض على مجرمين لازم خلال هاي الفتره يلقي القبض عليهم

محيسن: خير انشالله، وانته شكو هيج لحيتك شعجب ماعاقبوك عليها مو مايصير بشغلكم؟؟

الجَلعَد: اي مو عندي مهمه ولازم يكون عندي لحيه ولامر ماقبل ازينها واني اصلا مو دائما اروح للمركز لان شغلي مهم ولازم بقرب وقت انهي المهمه لان بس اني اكدر ادخل بنصهم واصير منهم

محيسن: ليش هسه انتَ وياهم؟؟

الجَلعَد:اي، ونشالله بقرب وقت راح انجح بهاي المهمه واذا نجحت تجي ترقيتي

محيسن: انشالله

سهام: يمه دير بالك على نفسك

الجَلعَد: انشالله يوم ، صدك مكلتلكم ايهم راح يشتري هاذا البيت البـ منطقتنه المعروض للبيع وينتقلون بيه

ميار: رفعت راسي من سمعت اسمه ونزلت الخاشوكه من حلكي وفاتحه عيوني مامستوعبه معقوله راح يصير جيرانه ياربيي صبر كلبي
لفيت عيوني اباوع بطرف عيني على الجهه الي كاعده بيها نيار شفتها تباوعلي وبلكوه كاتمه ضحكتها واني احس راح اموت من التوتر الصابني
اﺧخخخخ ربي صبرك
نزلت راسي من همام كال الشهم

همام: اي والله البيت حلو وهم سعره مناسب وهم ايهم يصير جيرانه احسن خل يشتري

الجَلعَد: اي هوه يريد يشوف سعره ويشتري

همام: اكلك صدك هتان شتريد منه وديته البغداد؟؟

باوعله وكال

الجَلعَد: هيج

همام: امم علينه سيادة الضابط

الجَلعَد: وانتَ شعليك؟

همام: شون شعليه غير توأمي
لازم اعرف وين يروح اوين يجي

الجَلعَد: لا والله

همام: والله

كال امير بعد مجان مركز ياكل

امير: وين انتو توئم بابه انتو الي يشوفكم مايكول اخوان وتوم ماتشابهون اني عندي شكوك ولازم تتأكد