مساء الخير شذراتي 🧿📿
لاتنسون التصويت+متابعه الحساب+تعليق بين الفقرات
رابط قناتي التلي
https://t.me/+VoLRm0z-ZTRkNWYy
#الجَلْعَد
#بارت24
ـــــــــــــــــــــــــــ
صغار جنه وكلشي بـ عيون الصغار
يصير جنه يامراجيح الهوى لاحن كمرنه
ويا دواليب الخشب رجعن عطرنه
ـــــــــــــــــــــــ
نيار:
شويه ودخل شاب يسحب بجنطه اباوعله شاب طول بعرض صاحب اكتاف وجسمه رياضي يموترفع راسه وصارت عيني بعينه
نزلت عيني مرتبكه وهوه كالامجد: سلام عليكم
ردينه اجنه السلام وامه ركضت عليه حاضنته وتبجي
وهوه هم حاضنها ويهدي بيها كالامجد: ياروحي كافي هاي رجعت
خديجه: يروحي وليد مشتاقتلك
امجد: ياروحي انتي ابويه وين
خديجه: بلغرفه تعبان
امجد: خل اشوفه
مشه من يمي يريد يروح لأبو التفتلي وكال ببتسامه على وجهه
امجد: شلونج خويه
رفعت راسي وكلت: الحمدلله
هز راسه مبتسم ومشه
واني من الارتباك احس صعدت حرارتي
رحنه للمطبخ اساعد ورق وامها لان عيب اصعد واعوفهن وحيدهن ضليت بلمطبخ اساعدهن شويه ودخل هوه للمطبخ كالامجد: يوم ابويه صحته كلش تعبانه شلون ماتكلولي من اول ماتخربط اوكع
خديجه: يمه مو كلت خطيه شي رجعك وانته مصار الك شهرين من سافرت
امجد: شنو قابل السفر احسن من صحة ابوي ابوي مبين كلبه تعبان وهاذا كله بسبب الجكاير والنيكوتين يسبب امراض
خديجه: لعد اذا يسبب مشاكل للقلب ليش تشربه انته
باوعله وضحك اورق هم ضحكت على قصف امها كاللها
امجد: اني بعدني شاب ابوي رجال جبير ومايصير يشرب هيج اشياء مضره بصحته وخاصه اشياء بيها نيكوتين
خديجه: ابوك هم من جان شاب يشرب لمن تعود عليهن وبعد مايكدر يعوفهن تاليتك مثل ابوك
ضحك وكال
امجد: اني صاعد الغرفتي من يصير الغده صيحوني
صعد واحنه ضلينه بلمطبخ نسولف لمن صار وكت الغده وصبينه كالت خاله خديجه
خديجه: ورق كومي صيحي لخوج خل يجي يتغده واني رايحه اوكل ابوج
ورق: اي يمه
رادت ورق تصعد طفرت كلت
نيار: ورق انتضري نصعد سوه
ورق: ليش
أنت تقرأ
الجَلْعَد
Misteri / Thrillerممرضه بسيطه تعذبت في طفولتها لتكبر وتترعرع من دون ام لتعيش مع اب قاسي لا يهتم سواى لنفسه لتبذل قصار جهدها لأختها الصغيره لتعيش براحه وتكمل دراستها وتئمن مستقبلها ماذا عن نفسها من سوفه يهتم بها اما هوه فعاش طفوله قاسيه ليراى نفسه بها هل سوفه يعوض...