الجَلْعَد

البارت الثامن والعشرون

مساء الخير شذراتي🧿📿

لاتنسون التصويت/متابعه الحساب/تعليق بين الفقرات

#الجَلْعَد
#بارت28
ـــــــــــــــــــ
هنه محد حاس بيهن
تزيد وناتي بحجيهن
ذني لجماتك بگلبي
بالك تسولف عليهن
ــــــــــــــــــ
هتان:
بلعت ريكي من ابوي كال

محيسن: ليش تريد تسافر وين اكو شغل بتركيا

قبضت ايدي بقوه مامتحمل نفسي وكلت

هتان: لا يابه هم شغل وهم سفره احسن وره عرس الولد اسافر

محيسن: روح مادامه شغل بس ماطول

هزيت راسي وكلت بگلبي

خل اروح اريد اشوف منو يرجع بعد

رفعت راسي وكلت

هتان: اي يابه

سكتو عني وضلو يحجون بخصوص زواجهم اباوع الهمام الفرحه ماواسعته كلت بگلبي
هيج تحبها لدرجه ماتكدر تخفي فرحتك
سحبت نفس بتنهيده وكلت بصوت خافت همس
"امهنه ابت گلبي يبن امي وابوي"

اسمع سوالفهم واني روحي ماطايقها
كل مافكر اني مامتت وراح اشوفها وهيه تنزف لخوي تشتعل نار بگلبي
ليش مامتت ليش هيج الحياة متمسكه بيه
ليش هيج القدر حقير بحيث يخلي اخوي يحب حبيبتي اااخ

اباوع الأيدي ورجلي مضبرات وماكدر احركهن صدري يوجعني من الجروح البي عضامه توجعني بس مو بكثر وجع گلبي اااخ ربي صبرني

راحت الناس وبقو بس العمام يسولفون
باوعت الشهم وغمزتله علمود يرحون ماطايق نفسي وهمه بس يسولفون كام شهم وكال

الجَلْعَد: يلا ياجماعه اطلعو  خل يرتاح ستوه طالع من المستشفى والدكتور كال لازم يرتاح

ترخصو وتحمدولي علىسلامتي وطلعو سدو الباب  وراهم وراحو تنهدت تنهيده طويله رفعت ايدي اتلمس راسي بحرك ارجع شعري لي وراه من اتوتر او انزعج لان ابد مابطلها رفعت ايدي الي مامضبره تلمست راسي مضبر نزلت ايدي لي جوه شعري مامو مزين
تنهدت واعصابي تلفت
كلت
هوه بقت عليك اذا هيه حتى روحي وتخليت عنها

رجعت ضهري لي وراه سحبت باكيت الجكاير ادخن على الرغم مو هواي ادخن من جنت اذا ادخن ادخن 3 او 4 جكارات بس من عرفت همام يحب فناء صار 4 باكيتات مايكفني حتى يطفن نار كلبي

رافع راسي لي فوك والجكاره بأيدي وانا اتذكر حجيهم بعد شهر العرس بعد شهر اندفن بعد شهر هتان مايضل بعد شهر هتان يشرد من مشاعره الي ماراح يتخلص منها لو يندفن بكاع راح تضل تلحكه بعد شهر لازم اوكف واركصله بعد شهر لازم نختار القاط سوه بعد شهر لازم ازفه بيدي البت كلبي اوفف شكد الدنيه حقيره

طفت الجكاره ورديت ورثت الثانيه
وانا ماكدر انام من تفكيري
راح يتزوجها ويخلف منها وجهالها راح يصيحوله بابا والي عمو
ضحكت بخفه بين تفكيري وتناقض مشاعري