الجَلْعَد

تكمله+البارت الرابع والثلاثون

مساء العسل شذراتي🧿📿

لاتنسون التصويت/متابعه الحساب/تعليق بين الفقرات

طبعا حبايبي راح اختصر بلقصه لان حيل طولنه ولازم اختمها بهاي الأيام فشدو حيلكم وياي وصوتو رفعو القصه حتى نختم

#الجَلْعَد
#بارت34
ـــــــــــــــــــــــــــــ
ميار:
وره يومين رجعنه خبر الشهم وشهم شار اهلي كلهم وكلهم موافقين
رجع خبر للولد
كالو اول شي تصير خطوبة ايهم وميار وبعدين امجد ونيار

فرحتي ماتنوصف ماتوصفها لا كلمات ولا اغاني ولا اشعار بحيث احس الكاع مواسعتني واخيرا الي احلم بيه راح يصير الي وبسمي الشخص الي جنت اجدي النضره منه ومن يكلي خويه اشتعل بنار وانطفي  هسه راح اصير زوجته وشريكة حياتها وبلمستقبل ام اولاده

بلشنه انجهز تحضيرات الخطوبه حجزنه صالون وايضا جهزنه لخطوبة نيار لان هيه وراي بيومين جهزنه كلشي
وهسه اني واكفه ابدلتي على المرايه وفرحتي ماتنوصف اباوع البدلتي لون بيجي ومكياجي كلش حلو وناعم نيار وجوان يمي بلصالون يركصن ونيار تصيح يوم الي اليه واحنه ميتين ضحك عليها كملنه كلشي واجه همام ياخذنه صعدنه بلسياره ورحنه للبيت

دخلنه الكوشه بلصاله خاليها جاهزه تجنن ذهبي وابيض لونها كعدنه والبنات يركصن واجن نسوان يباركلي
شويه ودخلو اهل ايهم اجن سلمن عليه وكعدن بس زنوبه كامت تركص ويه البنات والفرحه مسايعتها

كالو جيبوها وره الباب خل تعقد اخذني البنات خلن رجليه بلمي وهيل والقران ويسون على راسي قند

بلش يحجي الشيخ ردد 3 مرات بلثالثه رديت الموافقه صارن يهلهلن البنات والشيخ ياخذ الموافقه من ايهم

تم عقدنه وصرت زوجته شرعا رجعت للكوشه اريد ابجي من الفرحه

كعدت شويه وزينب اخته صاحت يبنات تسترن العريس يريد يدخل لبسن شالاتهن
وهوه دخل يسلم واني من التوتر احس محتاجه حمام راح اموت دخل لابس بنطلون وقميص بيجي يخبل عليه لابسهن من دون ستره مالابس قاط

تقدم عليه واني وكفت باسني براسي وهوه مبتسم باركلي وكعدنه على الكوشه وزينب تاخذ النه صور

جابو الذهب لبسنه الحلقات واني ايدي ترجف لزمها ضغط عليها واني ميته من الخجل لبسني الكلاده وانفاسه ضربة بركبتي

بعد ماكملنه مراسيم الخطوبه هوه سلم وطلع شويه وخلصت الحفله واهله راحو دخلو الولد وبابه يباركولي

قبل لا اصعد ابدل واكفين كلهم اجتني جوان تركض هتان على الخط كامره اخذته منها ضحك من شافني كال

هتان: لج بعد اخوج شنو هل جمال

ضحكت بخجل وهوه كال

هتان: مبروك بعد اخوج نشالله شايفه كل الخير وعذريني ماكدرت احضر خطوبتج