الجَلْعَد

البارت الثاني عشر

مساء الخير شذراتي🧿📿

لاتنسون التصويت +متابعه الحساب+علقو بين الفقرات شكد متكدرون

ملاحضه؛: بلبارت السابق غلطت وكتبت انو شعرها اشكر بس هوه اسود

                          ـــــــــــــــــــ

ثكلن احلامي على عيوني وبجيت💔

فناء:
بعد اخر جيه لهتان مر تقريب اربع ايام وهوه ماكو
واني حتى باب البيت ماطالعته لان هوه موصيني ممنوع افتح باب البيت الأي شخص اله هوه واكول منو اسمع صوته يلا افتح

بهاي الفتره الي قضيتها وحدي حيل احس اثرت على نفسيتي وتعبت وحتى ملامحي مبين عليها التعب من كد البجي بليل على افنان اعيوني صارن حمر ويحركني حيل

كعدت الصبح اباوع بلمرايه عيوني مورمه وسود من جوه بلكوه افتحن من الوجع
غسلت وجهي باوعت الروحي بلمرايه حيل متغيره تنهدت واخذت نفس بتعب
دخلت للمطبخ حطيت الجاي على الطباخ ورحت طلعتلي جبن لان روحي تلعب من البيض بس من جانت افنان هنا جانت تجبرني جباري على الحليب والبيض

صبيت جاي وسويت لفه جبن وصرت اكل تذكرت قبل لا تنخطف افنان بسبوع تقريبا ومن خلصنه امتحانات بيت اهل طيبه انتقلو منا لغير محافضه
وبيومها شبعت بجي ومن هدها نقطع تواصلي وياها وماعرف اخبارها

كملت اكل وغسلت الكوب رجعته المكانه البيت نضيف صارت تقريبا الساعه 9الصبح سمعت الباب تندك عدلت شعري لان صاير كفشه
وطلعت بلطارمه
صحت

فناء: منوو

رد عليه بهدوئه المعتاد

هتان: هتان فتحي

رحت واني مبتسمه فتحت الباب وصار بوجهي نفس الاناقه والهيبه
باوعتله مبتسمه وهوه هم باوعلي وكال

هتان: يابه سلام عليكم

فناء: وعليكم السلام، تفضل

هتان: زاد فضلج بويه، بس صدك ماتدرين اليوم شنو؟

باوعتله وكلت مستغربه

فناء: شنو؟

هتان: اليوم يعلنون نتائجكم

باوعتله وحجيت بحماس

فناء: احلف

هتان: اي

فناء: شبيك احلف

هتان: يعني اذا ماحلف ماتصدكين؟