الجَلْعَد

البارت العشرون

مساء الخير شذراتي 🧿📿

لاتنسون التصويت+متابعه الحساب+تعليق بين الفقرات

#الجَلْعَد
#بارت20
ــــــــــــــــــــــ
شمتانيه مو شابن ارموشج من
القهر العاشكته عاشك ثانيه
        عن حال " جوان"
ـــــــــــــــــــــــــــــــــ
جوان:

محيسن: هاي منو بويه شهم

نطق كلماته وكأن احنه نار وذب علينه بانزين
كال

الجَلْعَد: مرتي

فتحنه عيونه كلنه من الصدمه شنو مرته شنو شهم مزوج
ابوي باوعله وهوه فاتح عيونه بصدمه من الي جاي يسمعه وكال

محيسن: شجاي تحجي انته

الجَلْعَد: بويه مثل ماسمعت اني تزوجت وهاي زوجتي

انتفض ابوي وعاط بعصبيه وكال

محيسن: ولكككك تحجييي صدكك انتهةةة شلونن تزوجج مننن دون علمنه چا احنه شنو هنا

الجَلْعَد: بويه انا لا مسوي حرام ولا عيب مرتي تزوجتها على سنة الله ورسوله ماكو عيب بلسالفه

عاط ابوي بيه وهوه اعصابه ترجف وكال

محيسن: العيب يابن ابوك انو تروح وتزوج من دون علم اهلك هيجج يبن ضهري شفتني معاق وعلى كرسي حسبالك صار كلشي بكيفكك مو لا والله راسك اكسره لو مو رتبتك ماتعله عليه ولا شواربك تسويك رجال يم ابوك

تقرب شهم وكعد على ركبه مقابيل ابوي وكال

الجَلْعَد: اخسه والله اذا اكبر يمك او استهزء بيك لان معاق والعب بكيفي انته ابوي وعلى راسي يبو شهم بس انته اسمعني بلبدايه وبعدين احكم

محيسن: لكك شسمع وانته اجاي تكلي تزوجت ها شسمع

الجَلْعَد: يابه فدوه اروحلك لاتعصب لايصير بيك شي

محيسن: وانته هيج خايف عليه لو صدك ماتسوي سوايتك لك سوايتك ابن الشوارع مايسويها

الجَلْعَد: فدوه اروحلك اهدء وخل احجيلك وانته افهمني لاتحكم مسبقا

محيسن: احجيي يلا خل اسمع

كام شهم باس راس ابوي عدل وكفته وتقدم على البنيه وهيه واكفه يم الباب اوجهه اصفر راح سحبها من ايدها وسحله ورا وكفها بصفه وكال

الجَلْعَد: يابه اني شفتها وطلبت ايدها وتزوجتها

بعده مامكمل وابوي قاطعه كال

محيسن: لووو جاييي وكايليي قابل راح ارفض اخطبلكياها

الجَلْعَد: يابه خل اكمل

سكت ابوي وهوه اردف مكمل كلامه

الجَلْعَد: بويه افنان يتيمه وامها ميته بولادة اختها وابوها قبل 3اشهر سوه حادث وتوفه واني شفتها بوكت الحادث وعجبتني وطلبت ايدها للزواج وتزوجنه واجيت هاي كلتلكم