الجَلْعَد

البارت السابع والأربعين

مساء الخير.......

لاتنسون التصويت/متابعه الحساب/تعليق بين الفقرات

#الجَلْعَد
#بارت47
ــــــــــــــــــــ
شعجب حنيتلي مو غيري عندك؟!
صدك مشتاكلي لو صرت وحدك؟
راجع ليش مو حبيت الأفراك؟
نسيت اخر ايام شثكل ردك •؟!
ــــــــــــــــــــ
الجَلْعَد: لازم اروح سمر طالعه الضهر تريد تشتري وماراجعه صارلها ساعتين وعمي خابرني يبجي  نخطفت.....

كال هيج وطلع من البيت الولد ركضو وراه واحنه ضلينه قلقين شلون وليش نخطفت شصاير

عمي خابر على ابو سمر وابو سمر يبجي عليها لان صار الها هسه اكثر من 4ساعات مختفيه

الولد مارجعو نتصل مايردون
كاعدين بلصاله اوحده صافنه بلثانيه همام بلغرفه منيمته ماله صوت وليدي هادء حتلو يكعد يضل بفراشه مايطلعله صوت حتى اني اتعجب على هدوئه

صار اليل وخبر عن سمر ماكو الشباب مارجعو ندك عليهم مايجاوبون

صار تقريب الساعه 11بليل يلا دخلو الولد وجوهم مكلوبه
كالهم عمي

محيسن: انا مو ادك عليكم ليش ماجاوبون خليتوني بقلق احجو شصار بنيت عمكم وين ومنهو الي خاطفها؟!

كعد شهم وهوه مدنك راسه يفرك بيه وكال

الجَلْعَد: مادري يابه دورنه شكثر بس ماكو سئلت عمي واخوها خاف عدهم عداوه يكولون ماعدنه انوب هسه انتضرنه يتصلون يطلبون فديه ماكو ماتصلو انا خايف خاف يسولها شي الي مايخافون الله

محيسن: لا بيويه انشالله ماكو شي دورو على بنيت عمكم اذا يصير بيها شي اخوي يموت وهيه وحيدته بويه بحثو عنها ودورو لا تغمض عينكم وبنيت عمكم ماهي بلبيت

الجَلْعَد: انشالله يابه هسه خابرت كلفت جماعه يدورون عليها ونشوف

خلص الحديث وكلمن راح الغرفته رحت وره شهم الغرفتنه دخلت وكلت

افنان: شهم شصار

تنهد وكال

الجَلْعَد: مادري مادري راح اتخبل منو خطفها وشيريد منها الي يخطف لو عداوه لو يريد فلوس لو يريد****

افنان: اسم الله لا تكول هيج انشالله ترجع بلسلامه ومابيها شي

الجَلْعَد: انشالله جا احنه شرايدين بس كومن مايصير الها شي

افنان: انسالله مايصير شي

الجَلْعَد: همام وين؟!

افنان: جوه نايم هسه انزل اجيبه

الجَلْعَد: وعلي وين؟

افنان: نايم بغرفته

هز راسه واخذ ملابسه وراح للحمام
نزلت جبت همام وصعدت فوك خليته بكركوته وتمددت على الجربايه
شويه وطلع نشف شعره وسحب غراضه وكعد على الكرويته البلغرفه
مركز بشغله سحب التلفون وحجى