الجَلْعَد

البارت السابع والعشرون

مساء الخير شذراتي🧿📿

لاتنسون التصويت+تابعو حسابي+تعليق بين الفقرات

رابط قناتي التلي
          https://t.me/+VoLRm0z-ZTRkNWYy

#الجَلْعَد
#بارت27
ـــــــــــــــــــــــــــــ
ماعدت بعدهي الصدمه بـ اولها
وهاي الطيحه كلش مأستاهلها
لو كل فتره يتغيرون، مامصدوم
بس فجأه ولكيت تغيرت كلها
ــــــــــــــــــــــ
افنان:
فتحت خط واجاني صوته التعبان كتله

افنان: شهم شصار هتان شلونه

تنهد بحيل صدر وكال

الجَلْعَد: مو زين

شهكت وكلت

افنان: شلون شهم شكالك الدكتور؟

الجَلْعَد: دخلو للعمليات وكالو حالته خطره الضربه جايه على راسه وعنده كذا كسر بجسمه ونزيف داخلي

الطمت على صدري وكلت واني ابجي

افنان: وهسه شهم طمني شلونه شصار

الجَلْعَد: قبل ساعتين طلعو من العمليات هواي طولو بلعمليات الدكتور من طلع كال وكف كلبه مرتين وبلكوه مرجعي وعمليته خطره بلراس

افنان: وهسه

الجَلْعَد: الدكتور كال نجحت عمليته بس خلو تحت المراقبه خاف يدخل غيبوبه او تصير مضاعفات وكال منا الباجر اذا ماصحه يدخل بغيبوبه

افنان: دخيلج يلزهره وشكد اطول هاي

الجَلْعَد: مادري

افنان: شهم اي شي يصير انطينه خبر لان والله گلوبنه يمكم

الجَلْعَد: انشالله

سديت الجهاز والبنات وعمتي ملخن رواحهن واحنه نلوب وماكو احد يطمنه مرت الساعات واجو اهل سمر
ضلينه انلوب ماكو اندك محد يجاوبنه حتى اتصال شهم زاد قلقي وماطمني

هتان كلش اعزه واحترمه رزن ومحترم وخلوق صدك ابن ابو رجال معدل

عمتي كل ساعه متخربطه ونكعد بيها نخابر الولد حتى يجي شخص يأخذها ماكو محد يرد لو مغلق الجهاز لو مايردون

عمتي تخبلت على ابنها ومن حقها رادت تروح للمستشفى وحيدها بلكوه قنعناها هسه نخابر الولد ياخذوها لان نخاف عليه تتخربط

دكيت عليهم كلهم وماكو مايردون
دكيت على امير رادت تخلص الدكه وجاوبني بصوت تعبان ومتشحرج كال

امير: الو

افنان: الوو ها امير شلونك

امير: تمام، غايده شي؟

افنان: اي اموري فدوه تعال اخذ عمتي للمستشفى تخربطت وخايفين عليها لا يصير بيها شي

امير: ماشي هسه اجي