الجَلْعَد

البارت الرابع والأربعين

مساء الخير.....

لاتنسون التصويت/متابعه الحساب/تعليق بين الفقرات

#الجَلْعَد
#بارت44
ـــــــــــــــــــــــ
هلي وشهكات كلبي كلها منكم!
هلي وعضات الأصابع كلها منكم•
هلي وسواد عيوني كله منكم؛
هلي لوبيدي جا ماضليت عدكم!؛
ـــــــــــــــــــــــ
فناء:
بعد ماجنت ابعد ابني عن هتان صار يتقرب اكثر ماعرف ليش كل هاذا التعلق حتى زيد متعلق بيه
شكد ماحاولت ابعده بس من يشوف هتان يتركني ويضل يبجي عليه اعترف اني انو هتان ماكو مثله شخص وبلأخص ويه زيد بحيث من يجي من الدوام  يجي متلهف بس علمود زيد
حاولت قدر المستطاع ابعده عنه بس مو اكرهه بسه بلأخير يبقى عمه بس محاولاتي باتت بلفشل
اعترف جان تفكيري مال اطفال انو ابعد ابني عن عمه

بيوم حاولت اخذه منه بأي طريقه ماكدرت
شفت افنان تباوعلي بخزره عفتهم ورحت للمطبخ انافخ بقهر

حسيت واحد اجه وراي التفتت لكيت افنان باوعتلي وكالت بعصبيه

افنان: انتي شبيج ماتكبرين!؟

فناء: شبيج شمسويه

افنان: كلشي مامسويه انتي ملاحضه على نفسج جاي تحاولين تبعدين زيد عن هتان ملاحضه لو لا

سكتت ورجعت كلت

فناء: فاهمه غلط

عاطت بيه بصوت مكتوم وهيه تصك على اسنانها

افنان: لا مو فاهمه غلط لا تنسين فناء انتي ترباتي واعرفج كلش زين  وفاهمتج من عيونج بس الي جاي تسوي ابد مايضهر ترباتي الج انتي جاي اسوين شي غلط انتي جاي تفرقين زيد عن شخص شاف بي هتمام الأب قبل لا يكون هتمام عم فناء لا تسوين هيج لا تحرمين ابنج من كلمة البابا لا تحرمي مثلي و مثلج من حنان الأب فناء صيري عاقله وخلي عقلج براسج لا والله العظيم اصير وياهم ضدج

فناء: افنان اني ماريد ابني يتعلق بواحد بيهم حتى شهم بس استحي اخذه منه من اشوفه عنده

افنان: ها تستحين من شهم بس ماتستحين من هتان مو لج انتي من شوكت هلكد حقوده ها لشوكت تبقين هيج هتان زوجج ان رضيتي او لا ان كان على ورق او لا اسمج ارتبط بأسمه وغصب عنج كدام الكل انتي مرته والي يمسه يمسج والعكس 

فناء راجعي نفسج همام امنج بزيد حافضي عليه انتي مو دائما تكولين ماراح احرم ابني من شي اني نحرمت منه هسه انتي نحرمتي من حنان الإم والأب لا تحرمين ابنج من حنان الأب خل هتان يهتم بيه وحتى خل زيد يصيح الهتان بابا لا تمنعي من هاذا الشعور هتان ماكو اطيب منه بس انتي مجاي اشوفين الحقد عاميج اصحي على نفسج لا دمرين نفسج وابنج وحياتج اصحي على نفسج وتقبلي الواقع  انو همام ربج اخذ امانته وخلالج امانه ثانيه وهيه زيد حافضي عليه لا تخلي يحس بنقص لا تخلي من يكبر ويروح للمدرسه ويشوف الجهال وياها ابأها وهوه لا اصحي على نفسج وخلي هتان وزيد براحتهم لج هتان وين تلكين مثله شاب اعزب الكل تتمنى اضفره دكتور وشهاده وراتب وبلأخير يتزوج مرة اخو الأرمله وعدها طفل وفوكاها زواج على الورق!