الجَلْعَد

بارت الثاني والثلاثون

مساء الخير شذراتي🧿📿

هاذا برتوت صغير تصبيره الباجر نكمله البارت

لاتنسون التصويت/متابعه الحساب/تعليق بين الفقرات

#الجَلْعَد
#بارت32
ـــــــــــــــــــــ
لم أكن طفلة حتى في طفولتي"
ــــــــــــــــــ
افنان:
من همام كام وعاط
شهم شبيه كمزت واني كلبي يخفق بسرعه وهاذا التلفون على اذنه يصيح ومافاهمين شي احنه اباوعله واني روحي رايحه واسمع كلامه منتضره يكمل ويكلي شهم وين

همام: ايي هسهه جاينن بيا مستشفى

تخبلت من سمعت يكله بيا مستشفى
سد التلفون واحنه نصرخ كلتله واني اباوعله ورايحه روحي

افنان: هماممم فدووه كلي شهم شبي

تنهد وكال

همام: ماكو شي انشالله بس متصاوب

تخبلت كمت ادك على وجهي وعمتي تصيح
يمه ابني راح

وامير وهمام ركضو الغرفهم يردون يبدلون ويرحون البغداد

كعدت كدام عمتي شبعانه بجي واذكر حجيه وياها وبيوم قبل لا يطلع شلون حاجاني بصوت ندم وهمس
تخبلت واني افكر اذا صار شي بيه اتخبل منو الي
من بعده والله اضيع صح هوه عيط عليه وعيرني بس ابقى احبه وماعندي غيره ومن اذكر حنيته عليه وحبه الي اتخبل
شبعت بجي

نزلو امير وهمام يركضون وعمي يصيح

ولكم طمنوني عليه بس توصلون ابني سبع انشالله مابي شي

ركضو من دون مايردون عليه

البنات وعمه سميه كومني اني وعمتي دخلني للبيت واني روحي رايحه

وفناء كاعده يمي
وتواسيني وتمسح بدموعي اوجهي وتكول

فناء: ولج حبيبتي انشالله مابي شي سكتي شهم طلع من الأكبر منها انشالله يطلع من هاي كومي صليله ودعي يكوم بلسلامه

مسحت دموعي وكمت ركضت فوك توضيت ومديت سجادتي اصلي كعدت على ركبي ودموعي على خدي ورفعت ايديه وكلت واني اشهك

افنان: ربي لا تحرمني منه ربي والله مابقالي غيره ربي لا تاخذه مني بعد مانطيتنيا والله احبه هوه هوه صح صح جرحني وعيرني وطلبت الطلاك منه بس والله ماكدر اعيشمن دونه اجذب اجذب اذا اكول ماحبه وماريده لا لا و والله اريده ماكدر ا ا عيش من دونه
ربي بجاه الأمه المعصومين عندك بجاه ظلع الزهراء عندك رجعليا وكومه بلسلامه الي رجعه والله ومن بعدها كلشي ماريد بس رجعه الي

صرت اشهك بكل صوتي وصوتي مايطلع

سجدت على التربه واني دموعي ماوكفن

ضليت ادعي لمن حسيت عيوني غوشت
كمت لميت السجاده ومسحت ادموعي ونزلت جوه كلت

افنان: ماخبرو؟

هزت راسها فناء وكالت

فناء: لا

عمتي مكطعه نفسها من البجي واني كوه مصبره روحي ماصيح واطلع كل الي بكلبي

كعدت بلصاله بلزاويه وكل ماتنزل مني دمعه بسرعه امسحها

فكرت بكلشي صار بيناتنه من اول ماشفته لحد هسه

لمساته
حضنته
مسحه على شعري
كلمة حبيبتي منه
من يكول
حجايتي الدافيه حمامتي واخر شي سالفتي الي مامل منها
ضربت بفكاري ضربه الي تعيره الي بأبوي وماضيي
نضرت الندم الي بعيونه
عصبيته لمن كتله طلكني
نضراته لمن لكاني نايمه بلمخزن

كل هاي الأشياء ضربت براسي
واني مابلساني غير

ربي رجعه الي سالم وكلشي ماريد

(ربي اني مسني الضر وانته ارحم الراحمين)

ضليت اردد بلأيه واهز براسي

يتبع

باجر تنزل التكمله نزلت هاذا البرتوت علمود المتفاعلين وكلت خطيه البنات خل انزل الهن برتوت وباجر تنزل التكمله

لاتنسون التصويت

رئيكم

رئيكم يهمني

توقعاتكم

تابعو حسابي الواتباد

فاطمه الموسوي