الجَلْعَد

البارت السادس والثلاثون

مساء الخير شذراتي🧿📿

لاتنسون التصويت/متابعه الحساب/تعليق بين الفقرات

#الجَلْعَد
#بارت36
ـــــــــــــــــــ
نطفه بنص خمر
وشويه دم خنزير
وذنب كتلة طفل
والفوكهن اخرس
روس جلاب ميته
والسحر، والعين
جبتهن يم عملتك
وطلعت انكس.....
ـــــــــــــــــــ
افنان:

الجَلْعَد:
صار عمري 15سنه هنا صار شي خلاني اشيل المسوليه وهوه شلل ابوي جان راجع من الشغل وي ماجاي يعبر الشارع ضربته سياره همزين ولحكو بيه للمستشفى بس صار بي شلل برجلي
هنا ابوي كعد بلبيت
بعد منو يصرف علينه وعلى اخوتي واحنه كلنه ندرس
وعمي براهيم حتى لو ساعدنه بلمصروف مال البيت بس احتياجاتنه شلون نستحي نطلبها منه وامي مره وتحتاج اشياء هواي شلون تروح تطلب من عمي وهوه اصلا ابوي مايقبل

هنا قررت اشتغل واعتمد على نفسي
وماخلي اخوتي يحتاجون شي ولا امي تطلب من احد
فتحت الموضوع ويه ابوي وامي ماقبلو ورفضو رفض قاطع انو اشتغل كالولي ادرس ومالك علاقه بلمصرف
بس انا ماسمعت منهم

طلعت ادور شغل وفعلا لكيت شغل وهوه فرن مال صمون
اتفقت ويه ابو المحل
ورجعت للبيت

ماكلت الأي شخص خاف امي تعرف وتمنعني لان جان كل همها ادرس واصير شي جبير

اتفقت ويه فرقد واخوتي الصغار اوصلهم للمدرسه وانا اروح اشتغل وماروح للمدرسه كلتلهم ممنوع تكولون لامي لو الأبوي شهم ماجاي يروح للمدرسه قنعتهم وصدك ماكالولها صرت اتأخر بلفرن يعني مارجع ب12ويه حلتهم امي كامت تشك بيه
ومن ارجع للبيت تكلي ليش ماترجع ويه اخوتك
وانا اطلع حجج واسكتها

ضليت مستمر بشغلي بلفرن نفصلت من المدرسه
نفصلت ومحد يدري

بيوم من الأيام عرفت امي تخبز للناس هنا احس اشتعلت نار من العصبيه انا الي اعرفه امي بس تخيط ملابس بس مو تخبز
رحت وكلتلها صدك يمه تخبزين للوادم
كالت اي اخبز
هنا احس شياطين الدنيه ركبت عقلي عيطت بوجهه وهاي اول مره بحياتي اصيح بوجهه امي صيحت عيطت كسرت شنو تصيرين خدامه للوادم انا الخياط وكوه عليه مو انوب تخبزين
ضلت تريد بس تسكت بيه ماكو ولا سكتت
بلأخير كالت هاي هيه بعد مأخبز عفت البيت وطلعت
روحي رايحه

استلام النتائج مال نصف السنه دبرتها وكلتلها ناجح وداخل بكلوريا بس ماشوفتها النتيجه مشت عليها وسكتت بس بيومها حسيت نفسي فد واحد حقير لان شفت فرحت امي على وجهه الي ماشايفها من حادث ابوي وانا اجي اجذب عليها وانا تارك الدراسه

مرت الأيام بطلوني من الفرن
ضليت افر براسي مصروف ماعدنه وفلوسي يلا كهرباء وماي واكل وانا مايلحكني غير نعال كل 3اشهر لمن انعالي تكرمين يصير خرده يلا اروح اشتري جديد وباكيت جكاير لان من بطلت من المدرسه وشتغلت بلفرن ولد شافني مقهور وانطاني جكاره صدك بساعتها ارتاحيت صار الجكاير مايفاركني وقبل لا ادخل للبيت اضمه وره التيل مال الكهرباء فماينشاف لان امي اذا تشوفه تموتني وانا جيبي مايفرغ من العلوج اجيبهن بلنعناع علمود اوخر ريحت الجكاير