الجَلْعَد

البارت الخامس والعشرون

مساء الخير شذراتي🧿📿

الي تريد قناتي التلي تدخل خاص وادزلها الرابط لان اكو بنات مجاي تطلعلهم
دخلن خاص وادزه الجن

لاتنسون التصويت+متابعه الحساب+تعليق بين الفقرات

#الجَلْعَد
#البارت24
ـــــــــــــــــــــــــــ
سولفَن عنّك أميرات الفخاتي گالن
النگار بالزعرور ما يشبه حلاتك
چا بعَد روحِي شحلاتك .
لـ مظفر النواب
ـــــــــــــــــــــــ
جوان:
كلنه فتحنه حلكنه على كلام همام
عيني كبل راحت على هتان الصفن على همام مامستوعب لمن كال

هتان: شـ شنو

همام: يابه انا اريد فناء اخت افنان

باوعله هتان مامستوعب وفاتح حلكه من الصدمه شويه وعيونه انكلبن حمر سد ايده وضغط عليها بأعصاب ويباوع الهمام بعدم تصديق ويهز براسه بخفه يمكن بس اني انتبهت الحركاته لان اعرفه يحبها

فناء ركضت صعدت فوك وابوي كال

محيسن: بيها الخير بويه بس خل ناخذ رئي الابنيه واختها ونشوف

كامت افنان وكالت

افنان: عمي بس اختي بعدهي صغيره ومو مال زواج واني اريدها تكمل دراسه وتكبر يلا تزوج

نط همام وكال

همام: والله اخليها تكمل دراسه وزواجنه ماراح يأثر عليها

كال ابوي

محيسن: يابويه الوليد رايدها وهوه يكلج زواجهم ماراح يأثر على دراستها شوفي رئي البنيه احسن

هزت راسها افنان وكعدت مزعوجه بس مو طالع بيدها شي

كام هتان اوكف واني اباوعله بقلق خاف يصير بي شي لو يتعارك

كام بكل هدوء بملامحه لكن ايده قابضها بحيث شراينه بينن كال

هتان: اا اني طالع مرخصتكم

_مرخوص

ضلو يتناقشون بخصوص الموضوع واني كل بالي يم هتان ياربي لا تخلي يمر بشعور اسوء من شعوري يمكن اني اكدر انسى واعيش بس هوه شلون اذا اخو ياخذ حبيبته

تأخر الوقت وكلمن راح الغرفته واني كاعده بلصاله منتضرته واكل بضافيري

كمت صعدت الغرفتي خاف احد يشوفني ويكول شعدها لكيت البنات نايمات واني كاعده على الجربايه منتضرته لل12ونص سمعت باب غرفته نفتحت

طفرت وفتحت باب غرفتنه ورحت الغرفته دكيت الباب بتوتر ماجاني صوته خفت عليه فتحت الباب وطبيت لكيته حاط ايديه على ميز المرايه ورافع راسه يسحب هواء ركضتله واني الخوف تارسني خليت ايدي على ضهره وكلت

جوان: هتان حبيبي شبيك يروحي تنفس

صار يتنفس سريع ركضت فتحت دولكة المي وشربته مي وهوه بلكوه يجر النفس