الجَلْعَد

البارت الأخير

مساء الخير.....

لاتنسون التصويت/متابعه الحساب/تعليق بين الفقرات

#الجَلْعَد
#بارت الأخير
ــــــــــــــــــــ
اعرف ماالك جيه
وانه وداعتك هم كلت هاهيه
بس حتى من اعوفك
والتهي بغير اشياء
بلصدفه الصور يتحرشن بيه
ــــــــــــــــــــ
افنان:
صعدت بسرعه
وهوه حرك السياره خليت ابني بحضني نايم وجنطتي بصفي خليت راسي على الجامه ودموعي ماخذه مجراها على خدي
خلص هاي هيه انتهينه اني وشهم
لهنا وخلصت قصتنه
بعد ماكدر اشوف فناء ولا اشوف علي ولا اضحك على لدغته
قبل لا اطلع من البيت كسرت خطي وفرمتت جهازي وماخليت بي اي شي خاف يلكاني عبر الموقع
كتبت رقم ورق بورقه حتى احاجيها واطمن على فناء وعلي من خلالها

مشت السياره هواي واني نمت شويه بس كل شويه افز خايفه طلعت الشمس اوصلنه البغداد
كال الرجال

_بويه هاي وصلنه البغداد اخذي منا تكسي وروحي لهيلتج

هزيت راسي وطلعت فلوس نطيتهيا وكلت

افنان: شكرا عمو

هز راسه واخذ الفلوس مسحت وجهي شلشلت ابني واخذت الجنطه ونزلت

كل تفكيري جان وين اروح وين اعيش واني ام الطفل ستوه طالع الأربعين
الدموع بطرف عيني
ليش ليش هيج شهم ضيعتنه ليش
نزلت دموعي رجعت مسحتهن واني احاول اقوي بنفسي واحجي ويا روحي

افنان: لا لا افنان انتي قويه وراح تتخطين هيج ضروف مو الضروف التكسرج انتي اقوى من هيج
هسه انتي ام ولازم تحاربين علمود تعيشين ابنج وتعيشين

ضليت امشي وادور اريد شي ارتاح يمه ماكو احس تعبت ونعست بنفس الوقت لان اليل كله مانايمه ومشيت هواي وتعبت كعد همام يبجي جوعان
شلون ارضعه اريد مكان ارضعه بيه ماكو وانوب اكو شباب وبسطيات حسيت نفسي فد كائن غريب من نضراتهم حاولت اسكت همام وامشي سريع بس احس بكل خطوه اتعثر من التوتر والقلق

حسيت الله نقذني من شفت مره فاتحه بسطيتها وكاعده تبيع بمحل صغير ركضت بتجاها واني امشي سريع وصلت الهث باوعتلي قبل لا تحجي كلت

افنان: شلونج خاله

_هلا هلا خاله الحمدالله شمالج تلهثين هيج

افنان: خاله فدوه ممكن بس ارضع ابني يمج لان جاع

_اي يخاله تعالي

دخلتني بلبسطيه كعدت بلزاويه مطيتها ضهري طلعت صدري ارضع ابني اجت كعدت كبالي وكالت

_خخاله ليش هيج حالتج وين اهيلتج

نزلت دموعي وكلت

افنان: خاله اني وحيده وماعندي اهل وزوجي توفه واهله طردوني اني وابني وهسه ماعندي مكان اعيش بيه