الجَلْعَد

البارت السادس والأربعين

مساء الخير........

لاتنسون التصويت/متابعه الحساب/ تعليق بين الفقرات

#الجَلْعَد
#بارت46
ـــــــــــــــــــــ
باجر من ترد ما
تلكه شي موجود
تلكه الورد ذابل ولأرض صحره
تلكاني مدينه مسدده البيبان
بيها الكمر ميت والشمس حمره

(عن حال جوان)
ـــــــــــــــــــــ
هتان:

هتان: امر

مرتضى: مايأمر عليك ظالم حبيبي، بس حضر نفسك باجر تتلكاني بلمطار

هتان: شنوو يامطار؟!!

مرتضى: انا باجر راجع للعراق

هتان: عليكك عليي

مرتضى: والعباس

هتان: هلا بيك خويه ينور العراق بجيتك

مرتضى: منور بهله يابه

هتان: باجر بيش الساعه طيارتك توصل

مرتضى: بل10توصل انا خبرت اهلي وراح يجيني اخوي بس انا ردت انطيك خبر بجيتي

هتان: اي همزين باجر تلكاني واكفلك اول واحد اباب المطار

مرتضى:حبيبي انتضرك

هتان: صدك ليش رجعت؟!!

مرتضى: علمود زواج اخوي مو كلتلك يريد يزوج وخابرني كال ماسوي العرس اذا انته مو حاضر

هتان: اي احسن شي سو ياخي شتسوي بلغربه باقي

مرتضى: لا يخوي انا هنا شتغلت وستقريت اجي زياره للعراق وارجع التركيا ماكدر شغلي وبيتي عيادتي المرضه ملاتي كلهم بتركيا اذا اجي هنا يتخربط شغلي ومثل ماتعرف احنه هناك بلعراق يسمونه دكاتره مال مخابيل اضل بتركيا احسن

هتان: الي ترتاحله سوي ولو والله انا رايدك ترجع وتستقر بلعراق

مرتضى: لا يخوي هوه وينه الأستقرار انته ماشوف العراق يوميه مضاهرات وقتل وين حق الشعب وين حق الشاب الي طالع يضاهر علمود حقه يرجع لـ امه بتابوت خويه العراق بيد المليشيات كلمن عصابته تريد تستقر بلعراق لازم عندك واسطه قويه يلا تعيش احنه ابلدنه غربه والله اعيش بلخارج وضامن حقي ومستقبلي وحياتي اهواي احسن من اكون عايش ابلدي وبين اهلي ومن اطلع لو انخطف لو انسلب لو ارجع بتابوت لهلي تحجي صدك انته هوه وين اكو بعد استقرار بلعراق انا اهلي لو يطاوعوني جان سحبتهم كلهم التركيا وماخليهم لحضه بلعراق العراق صار كله عصابات ومليشيات واحد يقتل الثاني

بتسمت على كلامه مرتضى من التقيت بيه لحد هسه اذا اندمج بلكلام مستحيل يسكت ويعصب بنص السالفه لاكن وقت الجد لو عنده مريض يحجيله كلمتين لو مايحجي بس بهيج مواضيع يطك من القهر ويريد بس يطلع حركته شفته هدء وسكت كلت

هتان: على كيفك خايب شبيك نهديت بيه يابه لا ترجع للعراق واذا ترجع انا اكتلك بيدي

ضحك كل حيله وكال