الجَلْعَد

البارت الرابع عشر

مساء الخير شذراتي 🧿📿

لاتنسون التصويت +التعليق بين الفقرات+متابعه الحساب

#بارت 14

متابعه ممتعه🔥

ـــــــــــــــــــــــــــــــــــــــ
على هل طريق اسمع
تايبين وماتوب💔
ــــــــــــــــــــــــــــ
افنان:
باوعت بعيونه وهوه مركز بعيوني واني احس بريگي نشف اريد ابلعه ماكدر
احس لزمتني رعشه بأطرافي من قربه
غمضت عيوني اريد استجمع قوتي حسيت
خده صار على خدي وخشمه بشعري ويتنفس
همس بذني وهوه يكول

الجَلْعَد: اةه ياريحتج

فتحت عيوني مفزوعه اني شديصير بيه رفعت اديه الي يرعشن خليتهن على صدره ودفعته
وكلت

افنان: ااا انتَ شلون هيج اسوي

الجَلْعَد: شمسوي؟

باوعتله بتفاجئ كل هاذا وممسوي يباوعلي ويبتسم نزلت راسي وكلت مرتبكه

افنان: مو مهم بس لا تعيدها

عفته وركضت فوك للغرفه دخلت وحطيت ايدي على كلبي اتنفس واحجي

افنان: شبيج افنان ليش هيج ليش مكدرت ادفعه عني اهةةةة الله

رجعت شعري لي وره بيدي وكعدت على الجربايه نزلت راسي وضميت وجهي بين اديه واجهشت بلبكاء احس طلعت مال الشهرين كلها مسحت دموعي بعد وقت طويل من بكائي حطيت ايدي على كلبي الي كلش يأذيني صرت اقره ايات قرانيه بس حتى يهدئه ماكو كمت رحت للكنتور طلعت ملابس ودخلت اسبح

كملت وطلعت
على الرغم اني جنت سابحه بس ماعرف احس لازم اسبح حتى بس تطفى النار الي بكلبي بس هيهات تطفئ

رحت ذبيت نفسي على الجربايه مندون مامشط شعري
اخذني التفكير شصار وي فناء هسه شلون عايشه ويه ابوي يضربها يعذبها اهةةةة
نمت واني بهاذا تفكيري بس مافكرت شراح يصير بعدين

مرت يومين واني احاول قدر المستطاع اخذ المفتاح وبهذنيواليومين حسسته انو اني حبيته وحتى من يباوع بعيوني اغير نضرتي اله واسويها مال حب وهيام حتى هوه جان من يباوع بعيوني احس نضراته مال حيره

بهذني اليومين اشوف عنده مفاتيح هواي بس مايذبهن من ايده  ابد
اله مابيوم

جانت دنيه العصر وهوه راح يسبح
شغلت المكيف وكعدت على الشاشه اتابع مسلسل تركي
طلع وهوه لابس تراك وشعره ينقط مي
واجه كعد كبال المكيف

باوعتله وكلت

افنان: لا تتمرض كوم نشف شعرك

الجَلْعَد: لا مايصير شي عوفيني

باوعت على وجهه شو هاذا لحيته ولا يزينها وصايره شطولها باوعتله وكلت

افنان: اكلك