مشيت واني دموعي تجري اباوع للطرق امسح دموعي تنزل بدالها عشرة كل عمري ١٩ وحامله هموم الدنيا على ظهري اخذت هالقرار وانا مجبورة ردت ادك الباب وكفت ايدي بالهوه قبل لايوصل للباب .....غمضت عيوني واتذكرت امي المحتاجة الي وكعت وانكسر حوضها ...اتذكرت اختي للتحتاج دكتور نفسي ...فتحت عيوني ومسحت دموعي افتريت باوعت عالشارع ...شصار لو جان عدنا اب بي خير ...شصار لو عندي بيبيه مثل العالم وماحاقدة على بنتها .... شصاير لو امي مانهزمت من ابويه ....دكيت الباب مره واثنين ...انفتح الباب ..جنت منزله نظري بالكاع بعد ماشفته هو الفتح الباب...
رنيم _اناموافقة اتزوجك ...
_لاتنسين مراح يكون زواج دائمي ....
رفعت نظري عليه واني احس بكرامتي الانداست بموافقتي بس ماكو بايدي غير هذا الحل امي وخواتي اهم من كرامتي ...
رنيم _المهم ماتحس ماما بشي ...
عادل_خوش ...طلعت وحدة
يسرى_هلا رنيم ...
حجه عادل بمكر ..حبيبتي اجت تنطينا موافقتها ...
فرحت وباوعتلي اجت حضنتني ...
يسرى_جنت متاكده..واي شي تطلبي احنا بالخدمة ...
بلعت غصتي ...وانا مااصدك راح ابيع قطعة مني لخاطر الفلوس ...هزيت راسي ....
رنيم _بس ملازم امي تعرف انت متزوج مراح توافق
يسرى_ولايهمج ..اهم شي جان موافقتج ورضاج ...لاتشيلين هم شي ...ماتصدكين شكد فرحتيني ...عفتهم بدون مااحجي ...وكملت طريقي للجامعة...
باوعت للجامعة ...ماانسى فضل عادل ويسرى همه السبب بوصولي لهنا بعد فضل رب العالمين ...بس ماجنت ادري محبتهم مو لالله ...
*★*******★*****★""*"**
رويم
جنت كاعدة العب ويه اختي روان ...فاتت روان ....اجا واحد جيرانه اسمه حمزة ...
حمزة_هلا رويمه ..شونج....
جان شاب عمره بالعشرينات ...
رويم _هلا حمزة ...
حمزة _وين روان...
ماادري ليش يسال عليها ...روان كولش وكحه ...الكل يخاف مايحاجوها ....بس اني فقيرة وكولش خجولة وشخصيتي ضعيفه ....
رويم _فاتت جوه ...
حمزة_تعاي وياي اشتريلج....
رويم _لالا ماما ماتقبل ...
حمزة _لالا تخافين نرجع بسرعة قبل ما ماما وروان يشوفوج ...
**★***★******
روان
شفته يتقربلي واني احاول ابين روحي قوية ...بس داخلي ميته خوف ....تقرب وكف كدامي ...جرشعري...واني اتحداه بنضراتي واني ادري راح اتاذى لان يتخبل من اتحداه يريد يكسر عيني بس ماعاش ولاكان الي تكسر عين بنيه من بنات سورياااا...
**★*****★*****
الهيثم
الهيثم _وصلي خبر ابوي ادهورت احواله ....هو من سنين يصيح يريد حرمته وبناته الشردن منه ومن جبروته ...وحقها انا اعرف ابوي مايخاف الله لو يخاف من الله ماجان تزوج وحده بعمر بناته ...تقربت منه ...شفت هذا مو نفسه الجبروت إقدام الجان مايهمه غير نفسه ونزواته ...
كعدت لزم ايدي وعيونه مدمعه ..
إقدام_بويه راح اموت ....احلفلي راح تجيبلي سوريا وبناتي ...نزلت دمعه من عيونه اول مره اشوف ابوي يبجي ..كلها لسوريا انا حبيتها وجنت راح اعلن زواجنا بس اتأخرت وهي تسرعت ..خواتك امانه عدك وليدي .
*****★*****★****
وهاي نبذة عن القصه بس انضم وقتي واكتب جم بارت على الاقل نبلش النشر يلا شوفوني تفاعلكم
